Xəmir üçün:
250 q "Wellington" kərə yağı
1 st. bitki yağı
1 st. şəkər kirşanı
Yarım paket qabartma tozu
1 paket vanil
4 st. un
İç üçün:
100 q şəkər tozu
100 q kəsmik
3 x.q xama
Üzəri üçün:
400 q südlü şokolad
Hazırlanması:
Əvvəlcə xəmir üçün bütün ərzaqları qatıb yumşaq xəmir yoğurun.
Xəmiri hazırlayandan sonra onu sellofana qabla birgə yaxşıca büküb 2 saatlıq soyuducuya qoyun.
Bu zaman iç üçün bütün ərzaqları qatıb çəngəllə qarışdırın. Üzəri üçün isə südlü şokoladı əridib soyudun. Şokoladınız yoxdursa, adi qlazur - kakao tozu, süd və yağla birgə hazırlayıb istifadə etmək olar.
Soyuducudan xəmiri çıxardın. Azacıq unla hissə-hissə götürüb açın və stəkanın ağzı ilə peçenyeləri kəsin.
Sobanı qızdırın. Tavaya un səpib peçenyeləri düzün.
160 dərəcədə 25 dəqiqə bişirin, qızartmamaq şərti ilə. (Bu xəmirə şəkər tozu əlavə etməklə də sadə və olduqca dadlı, yumşaq peçenye hazırlamaq olar).
Bişirdiyiniz peçenyeləri soyudun. Soyuyandan sonra içinə çay qaşığı ilə iç qoyub digərini üzərinə qoyun.
Şokoladlı məhlula batırıb soyuducuya düzün.
1 saat ərzində üzəri soyuducuda tam quruduqdan sonra peçenyelərimiz hazırdır.
XƏBƏR LENTİ
- ŞƏRHLƏR