Firəngiz Bəhər qızı Mütəllimova 3 aprel 1959-cu ildə Ağcabədidə doğulub.
Ancaq o dövrdə mayın 1-i bayram kimi qeyd edildiyindən onun ad günü də sənədlərində bu günə yazılıb. Əslən Şuşalıdır.
1976-cı ildə Azərbaycan Dövlət İncəsənət İnstitutunun dram və kino aktyorluğu fakültəsinə daxil olub.1980-ci ildə Akademik Milli Dram Teatrına aktrisa götürülüb. Elə ilk gündən ona məsul rollar tapşırılıb və istedadının dəyərli çalarları üzə çıxıb. Teatrda səmərəli fəaliyyət göstərən Firəngiz Mütəllimova paralel olaraq kanallara çəkilib, televiziya tamaşalarında iştirak edib. Üçillik fasilədən sonra 1996-cı ildən aktrisa Akademik teatrın truppasına qəbul olunub. Qısa müddətdə repertuardakı tamaşaların bir neçəsinə daxil edilib, təzə əsərlərdə rollar oynayıb.
Gözəl (Qılınc və qələm, M. S. Ordubadi),Qumral (Əliqulu evlənir, S.Rəhman), Bəyim (Xurşud banu Natəvan), Aynur (Büllur sarayda), Mələk Bizim qəribə taleyimiz), Gülnaz (Mahnı dağlarda qaldı), Gülruh (Şeyx Xiyabani), Gülnaz (Tənha iydə ağacı), Azadə xanım (Dəlilər və ağıllılar,İlyas Əfəndiyev), Sonya (Sizi deyib gəlmişəm), Firəngiz (Təhminə və Zaur, Anar), Anna (Həyatın dibində, M. Qorki), Reya (Böyük Romul, F.Dürrenmatt), Tereza (Biganələr oteli, R. İbrahimbəyov), Əsmər (Günah, R. Əlizadə), Nisə xanım (Lənkəran xanın vəziri, M. F. Axundov), Maral (Sənsiz, Ş. Qurbanov), Nədidə (Qanlı Nigar, S.Şendil), Aysulu (Sokratı anma gecəsi, Ç. Aytmatov və M. Şahanov), Arvad (Mənim ərim dəlidir (Diaqnoz D), Gülzar (Poçt şöbəsində xəyal Elçin), Sevər (Bu dünyanın adamları H. Orucov), Həvva (Varlı qadın ), Raisa (Mesenat Ə. Əmirli) və s. Firəngiz Mütəllimova Azərbaycan Dövlət Televiziyasında hazırlanmış iyirmidən çox teletamaşada müxtəlif səpkili rollar ifa etmişdir. Onlardan Gülnar (Səni axtarıra, Bağışla, Səndən xəbərsiz, Abbas Qəhrəmanov), Mərcan (Evləri köndələn yar, Anar), Ana və qız (Unutmaq olmur), Nazan (Yad qızı, Əlibala Hacızadə), Almaz (Topal Teymur, Hüseyn Cavid), Almaz (Göz həkimi, İslam Səfərli), Günay (Səninlə və sənsiz, Marat Haqverdiyev, və s. rolların bədii estetik keyfiyyətlərini xüsusi qeyd etmək olar. Aktrisa Azərbaycanfilm kinostudiyasında istehsal edilmiş Qaçaq Nəbi (Sərvinaz), Qocalar, qocalar (Leyli), Bəyin oğurlanması (Telli), İşarəli dənizdən gözlə (Sona), bədii filmlərinə, Mənim ağ şəhərim (Ana), Şərəf (Mila xanım) telefilmlərinə çəkilib.
Firəngiz Bəhər qızı Mütəllimova 1986-cü ildə Naxçıvan Muxtar Respublikasının Əməkdar Artisti, 1991-ci ildə Azərbaycan Respublikasının Əməkdar Artisti və 2002-ci ildə Xalq Artisti fəxri adları ilə təltif olunub. Prezident mükafatçısıdır.
Rol aldığı filmlər:Adam Ol (2005)
Adam Ol-3 (2007)
Bağışla (1983)
Bəyaz Həyat (2003)
Bəyin Oğurlanması (1986)
Bizim Qəribə Taleyimiz (2005)
Diplom İşi (1979)
Evləri Köndələn Yar (1982)
Ənvər Həsənov. Yeddi Oğuldan Biri (2007)
Göz Həkimi (1985)
Güllələnmiş Heykəllər (2002)
İblis Qadın (1993)
İşarəni Dənizdən Gözləyin (1986)
Qala (2008)
Qanlı Zəmi (1985)
Qocalar, Qocalar... (1982)
Mənim Ağ Şəhərim (1994)
Məşədi İbad-94 (2005)
Mükafat (2004)
Ömrün Yolları (1982)
Sabiqlər (1999)
Sabiqlərin Yeni Sərgüzəştləri (2000)
Səndən Xəbərsiz (1985)
Səni Axtarıram (1981)
Yad Qızı (1990)
Yağışdan Sonra (1998)
XƏBƏR LENTİ
