30.09.2011-15:10

• Saçlara qulluq

149 758

65

Parlaq saçlara sahib olmanız üçün sizlərlə 10 praktik üsulu paylaşmaq istəyirəm. Bu üsullar sayəsində parlayan saçlara sahib ola bilərsiniz.

1. Təbii olun

Plastik fırçanızı atıb, yerinə təbii tüklərdən hazırlanmış fırça alın. Bunlar saçlarınızı fırçaladığınız zaman yağları bərabər paylayar və parlaqlıq qazandırar.

2. Spirtli məhsullara diqqət

Spirt, havanın çirkliliyi və rütubət saçların təbii parlaqlığını itirər. Saç köpüklərinin çoxunun tərkibində spirt var. Buna görə də saçlarınız qurudursa, köpük əvəzinə kremdən istifadə edin.

3. Doğru qaydada yuyun

Saçları həftədə bir neçə dəfə yumaq kafidir. Amma saçlarınızı hər gün yuyursunuzsa, əvvəl  kremdən istifadə edin, sonra saçları durulamadan yalnız saç diblərini şampunlayın və durulayın.

4. Soyuq su 

Saçları soyuq suyla yuduğunuz zaman üst dəri bağlanar və yumşaq, parlaq bir səth əldə edərsiniz. Saçlarınızı qurutduqdan sonra soyuq hava verməniz də buna bənzər təsir göstərər.

5. Burulmasını önləyin 

Saçlar məsaməlidir və məsamələr havadakı nəmi əmər. Bu da nəmli havalarda saçların istənməyən şəkildə burulmasına səbəb olar. Bunun qarşısını almaq istəyirsinizsə, evdən saçlarınızı tamamilə qurutmadan çıxmayın.

6. Silikondan istifadə edin

Silikonlu məhsullar saç dərisinin dibində qalar və dərini xarici faktorlara və şəkil verən alətlərə qarşı qoruyar; sürtünməni və istidən zərər görmə ehtimalını azaldar. Lakin bunlardan çox istifadə etsəniz, saçınız yağlanmış kimi görünər.

7. İstilik müalicəsi

Qadınların əksəriyyəti istinin saçları qurutduğunu düşünər. Lakin istilikdən doğru şəkildə istifadə edildiyi zaman saça parlaqlıq verər. Salona gedə bilmirsinizsə, ayda bir dəfə saçınıza maska, ya da isti yağ baxımı tətbiq edin. Məhsulu saçınıza sürtdükdən sonra, saçınızı isti bir dəsmalla örtün.

8. İonlu alətlər

Saçquruducular və maşalar yalnız saçların qabarmasını və elektriklənməyi önləmək üçün deyil. Onlar saçların sağlam olmalarını təmin etdikləri üçün də istifadə olunmağa dəyər məhsullardur. İonlu seramik alətlər saçlara qırıqları önləyən mənfi ionlar üfürərək saçların güclənməsini və parlaqlıq qazanmasını təmin edər.

9. Buruq saçların baxımı

Əgər saçlarınızın təbii forması dalğalıdırsa, hər altı və ya səkkiz həftədə bir dəfə uclarından bir az kəsin. Ayrıca, tərkibində nəmləndirici olan şampun və kremdən istifadə edin.

10. Dalğalarınız işıldasın

Buruq saçlar eyni yöndə olduqları zaman daha parlaq dayanar. Buna görə böyük, yumşaq və düz dalğalar işığı kiçik buruqlardan daha çox əks etdirər. Saçlarınızı qurutduqdan sonra maşaya dolayıb bir neçə saniyə gözləsəniz, saçlarınız qalıcı bir şəkildə dalğalı dayanacaq və daha parlaq görünəcək.

3 1

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

duygu