Yayın istisində çox makiyaj etdikdə, üzümüz nəfəs ala bilmir. Tərlə qarışan makiyaj axaraq üzdə pis görüntü yaradır. Buna görə də yay makiyajı sadə olduğu zaman dəriniz nəfəs alacaq və gözəl görünəcəkdir. Üzünüzü hər gün davamlı olaraq nəmləndirin. Gənc və parlaq görünməyinizdə nəmləndirici kremin rolu böyükdür. Yayda nəmləndirici krem seçdikdə, kremin günəşə qarşı qoruyucu təsiri olmasına fikir verin. Üzünüzün daha sağlam görünməsi üçün bu kremlər sizi günəşin zərərli şüalarından qoruyacaqdır.
Yay aylarıda nəmləndirilmiş üzdə tonlaşdırıcı krem əvəzinə, bronz rənli kirşandan istifadə edə bilərsiz. Tək kirşan vurduqda dəriniz matlaşır və tərli görünmür.
Göz makiyajında isə (əgər göz altında qara kölgələr varsa) yalnız göz altlarına düzləşdirici qələm istifadə edə bilərsiniz. Gözlərinizi isə rəngli göz kölgələri əvəzinə, yalnız suya davamlı tuş və qələmlə vurğulaya biləsiniz.
Dodaq makiyajınız üçün isə yay ayları boyunca dodaq parıldadıcıları istifadə edə bilərsiz. Dodaq parıldadıcıları həm dodağı dolğunlaşdırır, həm də nəmləndirir. Bələliklə, yay makiyajınız bitdi.
Makiyaj deyincə dırnaq boyası və parfümü də unutmaq olmaz. Bu il klassik dırnaq boyaları əvəzinə daha fərqli mavi və yaşıl tonlarda olan dırnaq boyaları dəbdədir. İndi dırnaq boyasının geyimlə və ya dodaq boyası ilə uyğunluğuna fikir vermirlər. Parfümə gəldikdə isə yüngül çiçək qoxulu ətirlərdən istifadə edə bilərsiz.
Saçlarınızı isə yüksəkdən topuz yığa bilərsiz. Belə görünüş sizə yay fəslində həm rahatlıq bəxş edəcək, həm də dəbli görünəcəksiz . Topuzları öz zövqünüzə görə müxtəlif formalarda edə bilərsiz. Bu il daha çox dağınıq və hörgülü topuzlar dəbdədir.
Yay aylarında həm üzünüz belə makiyajla yüngülləşmiş olur, həm də makiyaj çantasının ağırlığından uzaq olmuş olursunuz. Belə yay makiyajı sizi gözəl, həm də sadə və zərif göstərər.
XƏBƏR LENTİ
- ŞƏRHLƏR