11.03.2016-13:00

• Bədənə qulluq

265 189

34

Bal masajı

Bilinən ən köhnə tibet terapiya üsullarından biri olan bal masajı yumşaq masaj kimi tanınır. Bal masajının təsiri insan dərisinə balın vitaminləri, minerallar və amin turşuları kimi aktiv bioloji xüsisiyyətləri və qıdalandırıcı komponentlərin qarşılıqlı təsiri ilə görülür. Bal masajı əzələ və sümük ağrılarında, tənəffüs yolu xəstəliklərində çox yaxşı müalicə növü kimi tanınır. Bundan başqa, bal masajının çox gozəl kosmetik kremləri də var. Müalicə zehni və fiziki yorğunluq, yuxusuzluq, narahatlıq kimi problemləri yaxşılaşdırıb, qarşısını almaq üçün gözəl metoddur. Bal masajı quru və hamar olmayan dərini yumşaldıb güc verir, toksinləri aradan qaldırır. Bədənə gümrahlıq və dəriyə canlılıq verir. Bu masajı sağlamlığımızı qorumaq üçün edə biləcəyimiz təbii terapiya və eyni zamanda bizə xoş təsiri olan masaj kimi qəbul edə bilərik.  

Masaj sadəcə ovmaq demək deyil. Bədənin enerji kanalların hərəkətləndirərək özünüzü güclü, yeni anadan olmuş kimi hiss etməyinizə kömək edir. Sağlamlığımızı qoruyaraq depressiyadan, stressdən də uzaqlaşa bilərik. Yaddan çıxarmayaq ki, masaj təkbaşına edə biləcəyimiz müalicə üsulu deyil. Masajı bədənin anatomiyasını, əzələlərin quruluşunu, nəyin necə ediləcəyini bilən mütəxəssislərə həvalə edin. 

Bal masajı edilərkən balın duru və təzə olması lazımdır. Akasiya balı çox yaxşıdır, şabalıd və ya başqa ballardan da istifadə etmək olar. Ovuca tokülən duru bal yaxşıca ovuşdurulub isidilir, daha sonra lazımi bölgəyə çəkilir. Bal masajının ən vacib xüsisiyyəti toxunmaqdır. Barmaq uclarıyla kiçik, amma tez-tez toxunmaqla edilir, akupunktur nöqtələr barmaqla ehmalca sıxılır. Bal yapışqan olduğu üçün dəri barmaqla birgə hərəkət edir. Bu zaman məsamələr açılaraq qan dövranı sürətlənir.

Üzündə bal masajın yoxlayan bir xanımın təəssüratı ilə tanış olaq:

 "Masajdan sonra çox gözəl dəyişiklik hiss edirəm. Üzümdə bir rahatlıq var. Dərimin nəfəs aldığını hiss edirəm. Bundan sonra dərimi bal masajı ilə qoruyub gözəlləşdirəcəyəm. Hər kəsə məsləhət görürəm". 

İdman masajı

İdman yarışlarında yarışdan əvvəl və ya sonra, hətta idman fəaliyyəti əsnasında edilən masajdır. İdman masajını digər masajdan ayıran ən əhəmyətli xüsisiyyəti ritm və zaman miqdarının fərqli olmasıdır. Bu masaj növündə xəbərdarlıq məqsədli hərəkətlər çoxluq təşkil edir və edilən idmana görə fərqlilik göstərir. Zaman isə yerinə görə dəyişir.

İdman masajı edən bədənində yük kimi yığılıb qalan yorğunluqdan özünü xilas edir, sümük sərtlikləri və ağrıların zərərindən qorunur, qan dövranını aktivləşdirərək, enerji verən maddələrin bədənə daha tez və asan çatmasına imkan yaradır, ürək-damar sisteminin işini asanlaşdırır. Əsəbi insanları sakitləşdirir, tənbəlləri fəallaşdırır.

Niyə idman masajı?

- İdmanda müvəffəqiyyəti artırıb idmançının yarışmadan öncə daha da yaxşı hazırlaşması;

- Məşq və yarışdan əvvəl qısa istirahəti təmin etmək;

- İdmançının müvəffəqiyyət psixologiyasını müsbət istiqamətdə təsir altına almaq;

- Zədələrin qarşısını almaq və qısa vaxtda idmana geri dönməyi təmin etmək üçün bu masajdan istifadə edilir.

İdman masajının faydaları

- Əzələlərdəki ağrının azalması.

- Məşq və müsabiqə əsnasında sıxılmanın və narahatlığın aradan götürülməsi.

- Məşq və müsabiqə əsnasında  yarış texnikalarındakı problemləri aradan qaldırmaq.

- Yaraların tez sağalmasına kömək edir.

- Əzələ dartılmasının qarşısını alır.

- Müalicə müddətini qısaldır.

- İdmançıya uyğun mühiti təmin edən əzələ quruluşunun sabitliyinin təmin edilməsi.

- İdman masajı fiziki stresin azalmasında yaxşı rol oynayr.

- İdman masajı müsabiqə əsnasında ən əlverişli vəziyyətin yaranmasında çox əhəmyətli amildir.

0 1

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

aysun2013