"Gün keçdi" b/f
- İstehsal ili: 1971
- İstehsalçı ölkə: Azərbaycan
- Nümayiş dili: Azərbaycan dili
- Kinostudiya: "Azərbaycanfilm"
- Ssenari müəllifi: Anar
- Rejissor: Arif Babayev
- Operator: Rasim İsmayılov
- Bəstəkar: Emin Sabitoğlu
- Prodüser: Y. Yusifzadə (filmin direktoru)
- Rollarda:
Leyla Şıxlinskaya, Həsən Məmmədov
Həsən Turabov, Çingiz Əlioğlu, M. Afşarov, S. Mustafayeva, S. Aslanova, İ. Şakarova, S. Nağıyeva, S. Rüstəmova, T. Quliyev, S. Azriyel, A. Abdullayeva, T. Zeynalova, "Qaya" vokal kvarteti
- Film haqqında:
Filmdə müasirlərimiz olan iki gəncin uğursuz məhəbbətindən danışılır. Süjet iki qəhrəmanın taleyi, iki xarakterin münasibətləri üzərində qurulmuşdur. Film qəhrəmanların və eləcə də Bakının əhval-ruhiyyəsini özündə əks etdirir. İlk baxışdan adama elə gəlir ki, Əsmər xoşbəxtdir; onun diplomat əri, qızı, dostları var. Maraqlı səyahətlərdən aldığı gözəl təəssüratlara malikdir. Əvvəllər bəlkə də bütün bunlar onu əyləndirmiş, sonralar isə tədricən gözündən düşmüşdür. Çünki Əsmər hələ də bəzi gənclərimiz kimi həyatda öz yerini tapa bilmir...
Uşaqlıq illərində bir-birinə olan səmimi hisslərini xatırlayan qadın və kişi həmin münasibətləri yenidən qaytarmaq iqtidarında deyillər. Keçmişlə gələcəyin, köhnə ilə yeninin müqayisəsi. Keçmiş və gələcək "məkan" arayışında təqdim edilən, keçmişdən gələn bir məhəbbət hekayəti. Xüsusi çərçivələrlə verilən geniş "geridönüş" səhnələrindən ibarət olan bu müəllif filmi insanda nostalji hisslər oyadır... - Müddəti: 83 dəq. 22 san.
