![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Fərdi inkişaf dedikdə:
Fərdi inkişaf - adamın özünü inkişaf etdirməsidir.
Fərdi inkişaf - hədəflərimizə çatmaqda bizi motivasiya edən bir çox texniki və strategiya ehtiva edən müddətdir.
Fərdi inkişaf - başqalarıyla yaxşı əlaqələr və ünsiyyət qurmada addımlar atmaqdır.
Fərdi inkişaf - içimizdəki mənfi düşüncə, mühakimə və inanc qəliblərini dəyişdirərək, müsbət olan yeni düşüncə, mühakimə və inanc qəliblərini mənimsəməkdir, kimi təriflər ağılımıza gələ bilər.
Fərdi inkişaf nədir? Deyə soruşanda buna bənzər bir çox cavablar ala bilərik. Bəli… Fərdi inkişaf yuxarıda verilmiş cavablardır. Elə deyilmi?
Baxaq elədirmi?
İnsanlar dil öyrənərək, kitab oxuyaraq, kinoya gedərək özlərini iş və ictimai həyat standartlarına görə inkişaf etdirirlər.
İnsanlar istədikləri bir çox şeyi əldə edə bilərlər. Gün ərzində bir neçə dəfə istədiklərimizi əldə edirik. Hətta insanlıq əsrlərdir eyni şeyi edir. Hədəflərə çatmaq həyati inkişafdır.
Bəzən insanlarla yaxşı rəftar edir, bəzən də bunu heçə sayırıq. Bunu hamımız edirik. İnsanlarla yaxşı əlaqələr qurduğumuz zaman, keyfiyyətli ünsiyyətdə olduqda bu o an qarşımızda olan adamla inkişaf etdirdiyimiz əlaqəmizdir. Həm də, yaxşı əlaqə və ünsiyyət qurduğumuz eyni adamla, eyni ünsiyyəti hər vaxt qura bilmirik.
Hər insanın keçmişində inandığı və bu an ona gülməli gələn bir çox düşüncəsi, mühakiməsi və inancı vardır. Zaman keçdikcə, dəyişmiş bir çox düşüncəyə, bir çox inanca və mühakiməyə sahib oluruq. Bu bizim kobudca, şəxsiyyət olaraq təkamülləşməmizdir.
Henry Bergsona görə: "Var olmaq dəyişməkdir, dəyişmək yetkinləşmək, yetkinləşmək özünü dayanmadan yaratmaqdır."
Fərdi inkişaf - insanın olduğu hal və vəziyyətindən özünün ən yüksək potensialını ortaya çıxartmasıdır.
Fərdi inkişaf olaraq təyin etdiklərimiz adamın ən yüksək potensialını aşkar etməsi, bu potensialı ən yaxşı nümayiş etdirməsi və istifadə etməsi üçün kömək edəcək yollardan yalnız bir neçəsidir. Nə hədəflər təyin etmək, nə yaxşı əlaqə və ünsiyyətdə olmaq, nə də düşüncələri, inancları, mühakimələri dəyişdirmək ayrı-ayrılqda fərdi inkişaf demək deyildir. Bunlar şəxsiyyətdə və həyatda inkişaflardır. Fərdi inkişafa kömək edən müsbət həyati inkişaflardır. Və hər insan istəsə də, istəməsə də, həyati dəyişmədə iştirak edir.
Fərdi inkişaf həyati davamlılıq olan dəyişmədən fərqlidir. Həyati davamlılıq, adamın yaşadığı hadisələr, insanlarla əlaqələri, əldə etdiyi,təcrübə aldığı məlumatlardan təsirləndiyi dəyişməni təmin edir. Bu şəxslərin şüursuz dəyişməsinə səbəb olar. Fərdi inkişaf isə şüurlu dəyişməni tələb edir. İnsanların qabiliyyətlərini, məlumat və davranışlarını, fərdi üstünlüklərini şüurlu seçim ilə müəyyən bir istiqamətə yönəldikləri zaman meydana gəlir.
İnsanlar fərdi inkişaf ilə özlərini mövcud bir pillədən daha üst pillələrə daşıyır.
Fərdi inkişafın ən fundamental nöqtəsi- adamın özünü tanımasıdır.
Fərdi inkişafın başlaması üçün, adamın özünü tanıması, hansı sahələrdə hansı mərhələdə olduğunu təyin etməsi və çatışmayan cəhətləri olan sahələrdə özünü inkişaf etdirməyə qərar verməsi lazımdır. Harada olduğumuzu və hara çatmaq istədiyimizi və çatmaq istədiyimiz yerə çatmaq üçün nələrə ehtiyacımız var deyə həyatımızı nəzərdən keçirməmiz lazımdır.
Fərdi inkişafın faydaları
Fərdi inkişafın məqsədi fərdi çox istiqamətli inkişaf etdirməkdir. İnsana ictimai həyatında iş həyatında ,şəxsi həyatında təsirli, məhsuldar, güclü edərək həyatına istiqamət verir. Adam bunu ancaq fərqli sahələrdə biliklərini artıraraq reallaşdıra bilər.
Fərdi inkişafın digər məqsədi isə ; həyatın əsas ünsürləri olan , xoşbəxtlik, sağlamlıq kafi maddi rifah, təhlükəsizlik, ictimai münasibətlər, ruhi sakitlik, ümidini itirməmək və ailə əlaqələrində yaxşı səviyyədə olmaq və bu sahələrdə davamlı inkişaf etməkdir. Fərdi inkişaf özündən daha çoxunu və daha yaxşısını istəmək və özünü bütün bunları əldə etməyə hazır hala gətirməkdir.
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]