Xəyalə Murad
Əziz 16 yaşlı Xəyalə!
Bilirəm, artıq 25 yaşlı Xəyalə üçün məktubunu yazmısan və illər boyunca o məktubu gizlədə biləcəyin yer haqqında düşünürsən. Tapacaqsan da. O məktubunda bizim gələcək həyatımız üçün qurduğun böyük arzulardan və ümidlərdən yazmışdın. Amma zamanından 5 il öncə (20 yaşın tamam olan gün) təsadüfən həmin məktubunu xatırlayıb, orada qeyd etdiyin arzulardan hansılara nail olduğunu, hansıların artıq bir əhəmiyyət kəsb etmədyini bilmək istəyəcəksən. İndi qismətə bax ki, mən sənə - 16 yaşlı mənə məktub yazıram. Sənə indi nəsihət verə biləcək yaşda olduğum üçün deyirəm. İlk növbədə təhsillə bağlı olan o arzunu çox ideallaşdırma. Ananın səni görmək istədiyi peşəyə sahiblən. Sənə xəyallarda yaşayan biri kimi baxan sinif yoldaşlarından incimə. Bu sənin ayrılmaz hissəndir. Hər kəsdən şübhə etmə. Kimsə ideal deyil. Seçimlərindən əmin ol. Məqsədlərinə doğru addımlamağa davam et. Yolun sonunda qarşına çıxacaq maneələrdən çəkinmə, mübarizə apar. Bil ki, “öz dünyana” inanaraq qalib gələcəksən hər zaman.
Səni sənin qədər çox sevən Xəyalə Murad!
Ramile Husna
Ey 16 yaşındakı mən!
Sənə deyəcək sözüm çoxdur, kaş ki sənə məktub yazmaq yox, elə üzbəüz oturub danışmaq qismət olardı, amma heyf ki Narın xalanın imkanları ancaq buna çatır. Buna da min şükür. Məni yaxşı-yaxşı dinlə, bəzi hərəkətləri tam doğru etmisən bu həyatda, bəzilərini səhv. Məsələn, tez ailə quracaqsan, səni canından çox sevən, səni ovucunda da yox, gözünün üstündə saxlayan, Allahını çox sevən həyat yoldaşın olacaq, 2 şirin balan olacaq, heç kimi dinləmə, get o oğlana, uduzmazsan. Amma onu bil ki, illər keçdikdən sonra səni çox çətin sınaq gözləyir, bax o sınaqdan keç, yoxsa mənim kimi hər gün əzab çəkəcəksən. Kaş geriyə dönə biləydim, sənin əlindən tutaraq bu yaşa çatdıra biləydim səni, heç kimə izn verməzdim səni incitsin, səni ağlatsın, amma göründüyü kimi bu, mümkün deyil, dediyim kimi Narın xalanın əlindən ancaq bunlar gəlir, buna da şükür.
Ayten
16 yaşındakı Aytənə!
Hal-hazırda 22 yaşımda olsam da 16 yaşlı Aytənə bunları demək istəyirəm - dərsdərini əla oxu, necə ki 6-7-ci sinifdə oxuyurdun, bax elə. Heç kimə qulaq asma, hər kəsin acığına ali məktəbə qəbul ol. Hə, birdə hər şeyə ağlama, sənə kimsə nəsə desə, ürəyinə salma. Həyatda hər kəsə inanıb, ümidlərin yıxılanda həyatdan bezməyəsən gərək. Hər kəsə inad, səni yıxmaq istəyənlərə qarşı güclü dayan. Məqsədinə əmin addımlarla get. Az da olsa qardaşına oxşa. Hə, bir də anan qardaşını əzizləyib səni unudanda qardaşını qısqanma. Çünki o qardaş sənin canındır, aldığın nəfəsindir. 22 yaşlı Aytəndən 16 yaşda olan Aytənə hörmətlə...
Şəri Babayeva
Artıq 23 yaşım var, 16 yaşım çoxdan keçib gedib, 24 yaşım olmasına da çox az qalıb. İstərdim yenə 16 yaşında olum, 16 yaşında qalmaq istərdim, heç böyümək istəməzdim, amma neynəmək olar, böyüyürəm, arzularım var, hələ də gerçək olmayan arzularım... 16 yaşımdakı mənə o arzuları yerinə gətirməyə çalışsın demək istərdim. Gözlərim doldu lap.
gunel
Salam, əzizim Günel...
Mən 16 yaşında olsaydım, fikirlərimi dəyişərdim, həyatımın istiqamətini bir az fərqli yerlərə aparardım... Düzdür, 27 yaşla 16 yaş arasında fərq var, amma 16 yaşımda həyata baxışımı, insanlarla davranışımı, çox inamımı bir az da bir qırağa qoyardım. Tez inanan və tez bağlanan biriyəm... Hər kəsi özüm kimi bilirəm... Bax, bu hərəkətləri özümdən qoparıb atardım və cəsarətimi daha da ön plana çıxarardım. 16 yaşımda elə bir həyat yaşayardım ki, elə addımlar atardım ki, 26 yaşımdakı addımlarımdan daha da möhkəm və cəsarətli olsun. Səhvsiz insan olmur, amma səhvlərimin az olmağı üçün mücadilə aparardım. Bir də ki özümə güvənməyi daha çox istərdim. Sən mən, mən də sən olduğum üçün sənə deyirəm: çalış həyatında az səhvlər burax... Uğurlar, səni yəni özümü çox sevirəm..
meryem eliyeva
Salam, Məryəm, sənə artıq 24 yaşımda, yəni 8 il sonradan yazıram bu məktubu. 8 il bundan əvvəl həvəslə hazırlığa gedir, ali məktəbə hazırlaşırdın və istədiyin fakultəyə də daxil oldun. Bir il yarım oxudun, sonra valideynlərinin istəyi ilə nişanlandın, indiki zamanda, yəni bu ağlımla olsaydım, o 16 yaşlı Məryəmə buna razı olmamağı deyərdim. Ən əsas da məktəbini oxuyub qurtarana qədər... Yenə də artıq keçib, bu gün də xoşbəxtəm, həyat yoldaşımı da çox sevirəm, amma məncə, 16 yaşda ərə getməyə yox, oxumağa və həyatını qaydasına salmağa çalışmaq lazımdır.
Melek Babazade
Çox düşündürücü mövzudur! Uzun sürən fikirləşdikdən sonra qərara gəldim ki, 16 yaşlı gənc "mənə" nə yazım. Və başladım yazmağa.
Salam, mən. Necəsən? Bu gün sənə 9 yaş böyük "mən" olaraq məsləhətlər verəcəm. Bilirəm gəncsən, ətrafında fikirlərini dağıdacaq bir çox şey yaşanır. Amma sən heç nəyə fikir vermədən bu həyatda dik, ayaqda durmaq üçün, heç kimə möhtac olmamaq üçün, özün özünü ağası olmaq üçün, zirvələrdə olmaq üçün oxu... Bilirəm oxuyursan... Amma daha da çox oxu, gələcəkdə "kaş ki..." deməmək üçün hər şeyi bir daha düşün, addım at. Çünki geriyə yol olmur heç vaxt.
aysu aliyeva
♥YAQUT♥
Salam 16 yaşındakı mən!
Sənə demək istərdim ki, bu qədər roman oxumağa vaxtını sərf etməkdənsə dərslərini oxu. Oxu ki, gələcəkdə sənin də ali təhsilin olsun, işləyə biləsən, arzuların ürəyində qalmasın, ağ xalatlı həkimləri görəndə onlara həsrətlə baxmayasan və deməyəsən ki, kaş mən də həkim olaydım.
PrOsTa NiKa
Əziz mən!
Bu məktubu sənə 2013-cü ildən yazıram və yazmağımın səbəbi odur ki, arada qalan 2 ildə nələr etməyinə görə bəzi məsləhətlər verəcəm. Sən ağıllı qızsan, hamısına əməl elə. Heç kəsə inanma, ürəyini heç kəsə açma, hamını özün kimi saf bilmə, yadında saxla ki, yaxınların, dostların, tanışların səni nə qədər çox sevirəm desələr də onun ikiqatı qədər də pisliyini istəyirlər. Ona görə də həmişə 1-ci ağlınla hərəkət et. Qəti pəhriz saxlama, müəyyən yaş dövründən sonra sevdiyin müğənni Rihanna kimi incə bir qız olacaqsan. Bütün oğlanlar arxanca düşəcək, "Səni sevirəm" deyəcək və əlbəttə ki, sən həmişə etdiyin kimi heç birinə fikir verməyib yolunu düz yeriyirsən. Cavab belə vermirsən. Fikrin yalnız dərslərində olsun. Bilirəm, bunların hamısına əməl edəcəksən. Çünki səni mənim qədər heç kəs yaxşı tanıya bilməz. Mənim canım Nikam, öpürəm yanaqlarından
XƏBƏR LENTİ
Bitki çayları ilə arıqlama tədbiri
Düşmən rayonlarımızı atəşə tutub - RƏSMİ
Otellərin nikah kağızı tələb etməsi qanunsuzdur? - RƏSMİ AÇIQLAMA
Alla Puqaçova həyat yoldaşı ilə İKİNCİ DƏFƏ evləndi
Daun sindromu haqqında doğru bilinən yanlışlar
Türkiyəyə qar yağdı
Məhkum qadınlar arasında gözəllik yarışması-FOTO
Koronavirusdan qorunmaq üçün xüsusi dəbilqə ixtira edildi
Makiyaj texnikası
Hava haqqında
Sağlam arıqlamağın yolu
Badımcan bükməsi (foto resept)
Sel Astaraya ziyan vurub
Can Yaman Demetə xəyanət etdi?-FOTO
Acundan Şeymaya daha bir TƏLƏB
Azərbaycanda il ərzində yeni Ayın təzələnmə vaxtı açıqlanıb
Adi soyuqdəymə ilə qarışdırılan zəhlətökən xəstəlik - ƏLAMƏTLƏRİ
Coni Deppin pərəstişkarları onun “qisasını” almağa hazırlaşır
Azərbaycanda tələbələrin köçürülməsi başa çatdı
Bakı Avropaya mühüm sənəd verdi
Portağallı-şokoladlı ürək dondurma (foto resept)
Qızıl ucuzlaşıb
Azərbaycanın ikinci süni peyki orbitə buraxılacaq
Bakıdan İrəvana çox sərt cavab
2015-ci ilin gəlin saç modelləri
Bu həkimlər cərimələnəcək
Azərbaycan 2 böyük ölkə ilə qarşı-qarşıya
Ermənistanın daha bir ölkəylə münasibəti pisləşir
Real həyatda cizgi film qəhrəmanları
Budurmu sevgi?
Xəzərdə dairəvi kruiz marşrutu yaradılacaq
Evimizdəki gizli "düşmənlər"
Nazirdən ali təhsil semestrləri ilə bağlı AÇIQLAMA
Kişilər evləndikdə niyə kökəlir?
Günün qoroskopu: Pozitiv gündür!
Xama alarkən nəyə diqqət yetirmək lazımdır?
Günün qoroskopu: ailədə harmoniyanı qoruyun
Sabah Bakının bu əraziləri qazsız qalacaq
Bakıda avtobusların fəaliyyəti ilə bağlı daha bir qurum yaradılır
Dünyanın ən sürətli qadını rekord qurbanı oldu-FOTO
Fantastik heyvanlar
"Dərmanları içməyi unutdum" deməyəcəksiz
Qızardılmış toyuq (foto resept)
Günün qoroskopu: Uğurlu gündür!
May ayında əfv gözlənilir?
Gözəllik maskaları
Ukraynada prezident dəyişir?
Yaponiyada quş qripi aşkar edilən bölgələrin sayı artdı
Avqust ayının qalibləri!
Misirdə məscidləri bağlayacaqlar
- ŞƏRHLƏR