Bakıda hava 24°
USD AZN
EUR AZN
08:50Xəyalə Murad Cüməniz Mübarək! 08:50Xəyalə Murad Sabahınız xeyirli,gününüz aydın olsun,Əziz Qadin.Netlilər!
41013

Tək çiçək (şeir)

 

Tək çiçək (şeir)

Sən bir gülüstanın tənha çiçəyi,

Heç kəsə bənzəmir ətrin, rayihən.

Sən tənha çiçəyin tənha ləçəyi,

Sən mənim gözümdə tənhasan, təksən.

 

Sənin dərdlərin də fərqli hamıdan,

Dərdinin-sərinin öz ahəngi var.

Sənin üfüqündə tez sökülüb dan,

Sənin göylərinin yeddi rəngi var.

 

Bir həsrət yükünü alıb çiyninə,

Dərələr keçmisən, dağlar aşmısan.

Böhtanlar, tənələr gəlməz eyninə,

Durulub, paklaşıb, büllurlaşmısan.

 

Gəldiyin yollarda sədlər görmüşən,

O yolun boranı, qarı, çox olub.

Ömrünü həsrətə girov vermisən,

Həsrət ağacının barı çox olur.

 

Mərd oldun, arxadan zərbə vurmadın,

Əritdin qəlbinin yağını, gözəl.

Özgə səadətə yiyə durmadın,

Sökmədin körpünün tağını, gözəl...

 

Sən ulu bəndəsən, şərəfin-sanın...

Ulu olmayanın pənahı olmaz.

Ailə dağıtmayıb, ev yıxmayanın

Tanrı dərgahında günahı olmaz.

 

Sən bir gülüstanın tənha çiçəyi,

Heç kəsə bənzəmir ətrin, rayihən.

Sən tənha çiçəyin tənha ləçəyi,

Sən mənim gözümdə tənhasan, təksən.

 

Vaqif Məmmədov

Səslərin sayı: 0
0
199
loading...
Şərhlər
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )