Diş gıcırdatmaq
Stress və yuxu vərdişlərinin səbəb olduğu diş gıcırdatma zamanla dişlərinizə zərər verərək ağrımasına gətirib çıxarar. Gündüzlər sərt qidaların aradan qaldırılması və gecələr qoruyucu vasitələrdən istifadə edərək ağrıdan xilas ola bilərsiniz.
Şəkərli saqqız çeynəmək
Bütün şəkərli qidalar, xüsusilə daha uzun müddət çeynəndiyi üçün şəkərli saqqızlar dişlərin çürüməsinə səbəb olar.
Şüşə qapağı açmaq üçün dişlərdən istifadə etmək
Dişlərinizlə şüşə qapaqları açmaq bəzən vərdiş halına da keçə bilir. Bu səhv vərdiş dişlərinizdə çatlara səbəb ola bilər.
İdman içkiləri və meyvə sularından çox istifadə etmək
İdman içkiləri enerji vermə xüsusiyyəti daşıdığından tərkibindəki şəkər nisbəti yüksəkdir. Bu içkilər diş minasına turşu hücumu yaradar. Belə içkilərdən tez-tez istifadə etsəniz, dişləriniz daha sürətlə çürüyər. Meyvə suyu bir çox vitamin və antioksidant tərkibli olsa da, təəssüf ki, çoxunda şəkər vardır. Buna görə hazır meyvə suları yerinə mövsümündə təzə olaraq sıxılmış meyvə sularından istifadə edin. Su əlavə edərək şəkər tərkibini də azalda bilərsiniz.
Tez-tez yemək
Çox tez-tez yemək dişlərinizdə qida qalıqları buraxaraq bakteriya qatı meydana gəlməsinə səbəb olar, bu da çürüməyi sürətləndirər.
Qələm çeynəmək
İş stresinin təsiri altında olduğunuz zamanlarda əşyaların başlarını çeynəmək dişlərinizə ciddi zərər verə bilər.
Qəhvə və siqaret
Çox qəhvə içmək dişlərinizdə zamanla rəngin dəyişməsinə və saralmasına səbəb ola bilər. Əgər dişlərinizdəki rəng dəyişikliyi mövzusunda narahatlıqlarınız varsa, diş həkiminizlə məsləhətləşin. Siqaret kimi digər tütün məhsulları da dişlərinizdə ləkələnmə və diş əti xəstəliklərinin ortaya çıxmasına səbəb olar. Tütündən istifadə eyni zamanda ağız xərçənginin də ən əhəmiyyətli səbəblərindən biridir.
Qidalanma pozğunluğu problemləri
Çox şirniyyat yeməyiniz diş çürüməsi problemi yarada bilər. Həzm pozğunluğu problemi səbəbindən yediklərinizi qaytarırsınızsa, qaytardığınız qidaların tərkibindəki güclü turşular dişlərinizi aşındırar və pis ağız qoxusuna səbəb olar.
Günəbaxan tumu çırtlamaq
Tumun artıqları diş aralarına ilişib diş və diş ətinə zərər verə bilər.
Əmzikdən istifadə etmək
Körpənizə meyvə suyu, süd ya da süni qidanı yuxu saatında əmziklə vermək diş çürüklərinin yaranmasına səbəb ola bilər. Buna görə də körpənizə gecə yatmadan əvvəl maye verirsinizsə, əmzik ağzındaykən yatmamasına çalışın.
XƏBƏR LENTİ
- ŞƏRHLƏR