Alimlər Yakutiya, İrkutsk əyaləti və Zabaykalye sərhədində yerləşən Murun massivində tapılan daşı karltonitin F-analoqu kimi identifikasiya ediblər. Nadir karltonit mineralının dünyada yeganə Kanadada olan yatağı isə itirilib.
Qadin.Net AzərTac-a istinadən bildirir ki, bu barədə məlumatı Rusiya Elmlər Akademiyası (REA) Sibir bölməsinin "Sibirdə elm" nəşri yayıb.
"Ftorkarltoniti iki il bundan əvvəl Murun massivində xırda məmulat hazırlamaq üçün istifadə olunan nadir çaroit daşı yatağında tapılıb. Daha əvvəl bu yerlərdə rast gəlinməyən göy-mavi rəngli naməlum mineralı identifikasiya edilməsi üçün REA-nın Sibir bölməsinin Geokimya İnstitutuna veriblər. Toz halında rentgendifraksiya analizi müəyyən edib ki, bu, çox nadir, silikatlara aid və daha əvvəl yalnız bir yataqda - Kanadanın Sent-İler qələvi massivində hasil edilən (hazırda itirilib) mineraldır", - deyə məlumatda bildirilir.
Daşı REA-nın Sibir bölməsinin Geokimya İnstitutunun və İrkutsk Milli Tədqiqat Texniki Universitetinin alimləri aşkarlayıblar.
"Murun massivində tapılan mineralın tərkibində əlavə anion qismində ftor, Kanadadan olan karltonitdə isə hidroksil qrupu üstünlük təşkil edir. Sibir tapıntısı - bu, karltonitin F-analoqudur. Bu səbəbdən ona ftorkarltonit adı verilib", - deyə məlumatda Geokimya İnstitutunun baş elmi işçisi, geologiya-mineralogiya elmləri namizədi Yekaterina Kanevadan sitat gətirilir.
XƏBƏR LENTİ
