Əmək və Əhalinin Sosial Müdafiəsi Nazirliyində (ƏƏSMN) "Məlumat mübadiləsi saatı" keçirilib.
Qadin.Net xəbər verir ki, Nazirliyin İctimaiyyətlə əlaqələr şöbəsindən Trend-ə verilən məlumata görə, "Məlumat mübadiləsi saatı"nın növbəti iclası pensiya təminatı və dövlət məşğulluq xidmətləri sahələrində ayrı-ayrı ölkələrlə təcrübə mübadilələrinin aparılması sahəsində görülən işlərə, nazirliyin nümayəndələrinin "Qlobal reallıq şəraitində pensiya təminatı sisteminin maliyyə sabitliyi" mövzusunda keçirilmiş beynəlxalq konfransda iştirak etmək üçün Qazaxıstana, müvafiq tvinninq layihələri çərçivəsində Fransa və Litvaya səfərlərinin yekunlarına həsr olunub.
İclası giriş sözü ilə açan əmək və əhalinin sosial müdafiəsi naziri Səlim Müslümov Azərbaycan Prezidenti İlham Əliyevin əmək və sosial müdafiə sisteminin qabaqcıl dünya təcrübəsinə uyğun təkmilləşdirilməsi ilə bağlı tapşırıqlarına əsasən son illərdə mühüm islahatların həyata keçirildiyini vurğulayıb: "İslahatların bir istiqaməti kimi, hələ 2006-cı ildən sosial sığorta, fərdi uçot və pensiya təminatı üzrə funksiyaların vahid mexanizm əsasında bir-birini tamamladığı müasir sığorta-pensiya sistemi qurulub. Dövlət başçısının müvafiq sərəncamları ilə bərabər bu sistemin yaratdığı imkanların nəticəsi olaraq, ötən dövrdə pensiyaların mütəmadi artımı müşahidə olunub. Hazırda ölkə əhalisinin 13,5%-i (1 milyon 330 min nəfər) əmək pensiyası alır və pensiyaların orta aylıq məbləği cari ilin əvvəlinə nisbətən 5,2 faiz artaraq 203,2 manata, o cümlədən yaşa görə pensiyanın orta aylıq məbləği 226 manata çatıb. Cari ildə növbəti islahat olaraq pensiya qanunvericiliyində edilmiş son dəyişikliklərlə tam sığorta əsaslı pensiya təminatı sisteminə keçilməsi işləyən əhalinin gələcək layiqli pensiya təminatı hüquqlarının formalaşmasında iştirakının aktivləşməsinə, bununla da etibarlı maliyyə dayaqları üzərində bu sistemin uzunmüddətli inkişafına yönələn uğulu addım olub. Bu sahədə bizim islahatlarımız, eləcə də pensiya təminatına əsas verən sığorta kapitalının toplanmasında vətəndaşlara öz fərdi hesablarına əlavə vəsait daxil edə bilmək imkanının yaradılması və s. beynəlxalq qurumlar tərəfindən də müsbət təcrübə kimi yüksək dəyərləndirilir. Cari ilin sentyabr ayında Beynəlxalq Pensiya və Sosial Fondlar Assosiasiyası tərəfindən Qazaxıstan Respublikasında təşkil olunmuş beynəlxalq konfransda da ölkəmizdə müvafiq sahədə aparılan islahatlar barədə məlumatlar böyük maraq doğurub".
Nazir bildirib ki, Avropa İttifaqının Avropa Qonşuluq Siyasəti çərçivəsində "Azərbaycanda pensiya sistemi islahatının həyata keçirilməsində Əmək və Əhalinin Sosial Müdafiəsi Nazirliyinə dəstək" adlı yeni tvinninq layihəsi icra olunur: "Bu layihə də bizə ölkəmizdə pensiya və sosial müdafiə sistemində elektron audit sisteminin yaradılmasında, büdcə tərtibatı prosesinin institutsional və texniki aspektlərinin təkmilləşdirilməsində, məcburi və könüllü sosial sığortalanma sisteminin strateji planlaşdırma mexanizmlərinin inkişafında və s. dəstək verir. Layihə bu sahələrdə gələcək islahatlarla bağlı Avropa ölkələrinin qabaqcıl təcrübələrini öyrənməyə imkan yaradıb. Fransanın müvafiq qurumları ilə əməkdaşlıqda artıq müvafiq işlərə başlanılıb və bununla əlaqədar nazirliyin əməkdaşlarının Fransa təcrübəsinin öyrənilməsi üçün ötən ay bu ölkəyə səfəri təşkil olunub".
S.Müslümov diqqətə çatdırıb ki, Azərbaycan Prezidenti İlham Əliyevin 24 iyun 2016-cı il tarixli Fərmanı ilə məşğulluq xidməti əməkdaşlarının işçilərinin say həddinin ümumilikdə 2,5 dəfə artırılması, beləliklə, ölkədə əhalinin sayına nisbətdə məşğulluq xidmətinin kadr potensialının beynəlxalq normaya uyğunlaşdırılması məşğulluq xidmətləri sisteminin inkişafına yüksək səviyyədə önəm verilməsinin növbəti təsdiqidir: "Hazırda məşğulluq orqanlarının fəaliyyətinin modernləşdirilməsi və səmərəliliyinin, əmək bazarında rolunun artırılması, institusional potensialının gücləndirilməsi, məşğulluq xidmətlərinin əhatə dairəsinin genişləndirilməsi, əmək bazarının inkişafı üzrə vahid informasiya məkanının formalaşdırılması və s. qarşıda duran əsas vəzifələrdir. Eyni zamanda, əmək bazarının monitorinqi və proqnozlaşdırılması ilə bağlı təkmil sistemin, peşəyönümü sahəsində yeni xidmətlərin yaradılması, kvota sistemi ilə paralel olaraq, əmək bazarına inteqrasiyada çətinlik çəkən insanlar üçün səmərəli aktiv əmək bazarı proqramlarının hazırlanması aktual məsələlərdir. Ötən ay təqdimatı olan "Dövlət məşğulluq xidmətlərinin modernləşdirilməsində Azərbaycan Respublikasının Əmək və Əhalinin Sosial Müdafiəsi Nazirliyinə dəstək" adlı yeni tvinninq layihəsi bizə həmin sahələr üzrə qabaqcıl Avropa təcrübəsi ilə yaxından tanışlığa, bu məqsədlə Litvanın müvafiq qurumları ilə əməkdaşlığa şərait yaradıb".
İclasda "Qlobal reallıq şəraitində pensiya təminatı sisteminin maliyyə sabitliyi" mövzusunda keçirilmiş beynəlxalq konfransda iştirakla əlaqədar nazirliyin nümayəndələrinin Qazaxıstana səfərinin yekunu barədə təqdimat edilib. Həmçinin, nazirliyin nümayəndələrinin "Azərbaycanda pensiya sistemi islahatının həyata keçirilməsində ƏƏSMN-nə dəstək" adlı tvinninq layihəsi çərçivəsində Fransaya və "Dövlət məşğulluq xidmətlərinin modernləşdirilməsində ƏƏSMN-nə dəstək" adlı tvinninq layihəsi çərçivəsində Litvaya səfərlərinin nəticələri ilə bağlı təqdimatlar olub. İclas təqdim olunan məlumatlar əsasında müzakirələrlə davam edib.
XƏBƏR LENTİ
Qış ayaqqabıları
Bakıda yeni metro açılacaq
Hava necə olacaq?
Ölüm vaxtını hesablayan şəbəkə yaradıldı - YENİLİK
Ceyhun Bayramov: “İnternatların qısa müddətdə tam ləğvi gözlənilmir”
80-ci illərdən gələn pencək dəbi
Bakıda hava şəraiti kəskin dəyişəcək
Google eksperimental şəhər tikəcək
Gürcü ekspert: "Ermənistan müharibə istəyir"
Putin bu uşağın ən böyük arzusunu reallaşdırdı-FOTO
Günün qoroskopu: İşlərinizi qaydasına salın!
Qeyri-adi gözəllik məsləhətləri
"WhatsApp" bombanı partlatdı
Siqareti atdıqdan sonra bədəndə yaranan dəyişikliklər
17 yaşlı Noa evtanaziyanı seçdi-FOTO
Qazan formasında dron yaradıldı - VİDEO
TƏBİB “Semaşko” ilə bağlı araşdırma aparır - RƏSMİ
Pakistan vətəndaşı alnı ilə 243 qoz qırdı – REKORD
Kəlbəcər Azərbaycana rusiyalı sülhməramlıların nəzarəti ilə təhvil verilib - VİDEO
İzləməli olduğunuz Jim Keri filmləri
Tez hazır olan qəlyanaltı (foto resept)
Yaddaş şkalasında yeriniz
Asan qəlyanaltı (foto resept)
Azərbaycan rəssamın müəmmalı və sirli həyatı: Bakıda ilk "Mersedes"i o sürüb
Təzyiqin artmasına səbəb olan gündəlik vərdişlər
İbrahim Tatlısesdən vida mesajı
2020 Qızıl Kürə: Qırmızı Xalça
Zəngilanın işğaldan azad olunmuş kəndindən görüntülər - VİDEO
Gün var, əsrə bərabər: Ötənləri yada salaq
Uşaqlar niyə küçəyə düşürlər?
Avropanın ən həyacanlı əyləncə parkı açıld
Vampir adamın SİRRİ AÇILDI-FOTO
Payız geyimləri
Qafqaz Universitetinin bağlanması ilə bağlı açıqlama
Yaponlardan öyrənəcəyimiz vacib qaydalar!
Azərbaycanın ilk bank məlumat mərkəzi 7 yaşını qeyd edir!
Əmlakımızı niyə sığortalamırıq?
Pambıq şəkəri necə hazırlanır?
Hamilə xanımlar, oriental rəqs edin
Ət qovurması (foto-resept)
Beyni işləməyə necə məcbur etmək olar?(2)
Dustaqların hansı hüquqları var?
"İnstaqram-da bunu da gördük" - FOTO
Rihannanın Makiyajsız FOTOsu
Hərbi qulluqçularla bağlı qaydalarda dəyişiklik
Aleyna Tilkinin oxşarı-FOTO
Ayaqlarına görə internet fenomeni oldu - FOTO
1800-cü ilin əl çantaları
56 yaşlı Culianna - FOTO
Koronavirus insanı belə öldürür: ABŞ alimlərinin əldə etdiyi - Şok video