
Azərbaycanda qadınların sahibkarlıq fəaliyyəti ilə məşğul olmaları üçün daha əlverişli mühit yaradılacaq.
Milli.Az Trend-ə istinadən bildirir ki, bu barədə Azərbaycan Prezidentinin 2016-cı il 6 dekabr tarixli fərmanı ilə təsdiq edilmiş "Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi"ndə deyilir.
Qeyd olunur ki, qanunvericilikdə sahibkarlıq fəaliyyəti sahəsində qadınlar üçün hər hansı məhdudiyyət nəzərdə tutulmur, eyni zamanda, qadınlara münasibətdə xüsusi güzəşt və imtiyazlar da müəyyənləşdirilmir. Sahibkarlıq fəaliyyətinin dövlət qeydiyyatından tutmuş lisenziya və icazələrin verilməsi, vergi öhdəlikləri, yoxlamaların aparılması, pozulmuş hüquqların bərpası və s. kimi məsələlərədək heç bir cins fərqi və üstünlüyü müəyyənləşdirilmədən sahibkarlıq subyektləri öz hüquqlarını həyata keçirməkdə bərabər imkanlara malikdirlər.
Yol xəritəsində bildirilir ki, 2017-ci ildə qadın sahibkarlar üçün kreditləşmə, vergiqoyma və digər güzəştləri nəzərdə tutan stimullaşdırıcı mexanizmlərin işlənib hazırlanması nəzərdən keçiriləcək. Bu mexanizmlər Azərbaycanda qadınların iqtisadi təşəbbüskarlığının reallaşdırılması imkanlarını əhəmiyyətli dərəcədə artıracaq. Mexanizmlər hazırlanan zaman, xüsusilə kənd yerlərində qadın məşğulluğu məsələsi diqqət mərkəzində olacaq. Kənd yerlərində qadın məşğulluğunun daha perspektivli istiqamətləri müəyyənləşdiriləcək və müvafiq tədbirlər görüləcək.
Bundan başqa, 2017-2020-ci illərdə qadın sahibkarlara informasiya dəstəyi vermək üçün qadınların sahibkarlıqla bağlı zəruri olan məlumatlara əlçatanlığının təmin olunması məqsədilə müxtəlif tədbirlər həyata keçiriləcək. Kiçik və orta sahibkarlıq agentliyinin nəzdindəki məlumat portalında bununla bağlı xüsusi bölmə yaradılacaq və əlaqəli məlumatlar burada öz əksini tapacaq.
Həmçinin, qadın sahibkarlığına dəstək məqsədilə xüsusi qadın biznes inkubatorlarının yaradılması nəzərdən keçiriləcək. İnkubatorların yaradılması və inkişafı qadınların sahibkarlıq təşəbbüsünün dəstəklənməsi, yeni biznes və məşğulluq imkanlarının yaradılması baxımından əhəmiyyətli olacaq, qadın sahibkarlığı sahəsinə investisiyaların cəlb olunması və maliyyələşmə üçün əlavə imkanlar yaradacaq.
Həmin illərdə qadın sahibkarlığının inkişafına töhfə vermək üçün qadın sahibkarlar assosiasiyalarının və peşə təşkilatlarının yaradılması təşviq ediləcək. Bu qurumların fəaliyyət sahəsinə qadınlar üçün sahibkarlıq mühitinin yaxşılaşdırılması məsələləri ilə bağlı hökumətlə konstruktiv dialoq aparmaq, qadınların imkanlarını məhdudlaşdıran gender stereotiplərini aradan qaldırmaq üzrə addımlar, qadın sahibkarların bilik və bacarıqlarının artırılması istiqamətində geniş məlumatlandırma kampaniyalarının təşkili daxil ola bilər.
Bu prioritetin icrası nəticəsində ölkədə qadınların sahibkarlıq fəaliyyəti üçün daha əlverişli mühit yaranacaq, kiçik və orta sahibkarlar arasında qadınların sayı daha da artacaq. Bu fəaliyyətlər həmçinin məşğulluq göstəricilərində də qadınların payının artmasına müsbət təsir göstərəcək.
Qeyd edək ki, ölkə üzrə iqtisadi fəal əhalinin ümumi sayında (4915,3 min nəfər) qadınların sayı 2404,5 min nəfər olub. Qadınların təmsilçilik göstəriciləri məşğul əhalinin sayında (4671,6 min nəfər) da aşağı səviyyədədir - belə ki, məşğul kişilərin sayı 2408,2 min, məşğul qadınların sayı isə 2263,4 min nəfər təşkil edib. Təbii ki, bu göstərici işsizliyə də öz təsirini göstərir - 243,7 min nəfər işsizin 141,1 min nəfərini qadınlar təşkil edib. Rəsmi statistikaya əsasən, onlardan yalnız 11,1 min nəfəri işsiz statusu alıb.
İqtisadi fəaliyyət növləri üzrə muzdla işləyənlərin 58,8 faizi kişilər, 41,2 faizi isə qadınlar olub. Qadınlar daha çox təhsil, səhiyyə və incəsənət sahələrində təmsil olunurlar. Təhsil sahəsində çalışanların 71,4 faizini, səhiyyə və sosial xidmətlər sahəsində çalışanların 76,6 faizini, istirahət, əyləncə və incəsənət sahəsində çalışanların 63,6 faizini qadınlar təşkil edib.
Milli.Az

XƏBƏR LENTİ
Kosmosdan Qütb parıltısını çəkərkən gözlənilməz mənzərə ilə üzləşdi – VİDEO
26 mindən çox abituriyent imtahan verəcək
Arıqlamaq istəyənlərin yol verdiyi 4 xəta
Fotoşəkillərdə heç gülməyən məşhurlar
Dünyanın ən eybəcər kişisi
Azərbaycanda çörəyi ilə seçilən kənd - VİDEO
Rəngləri uyğunlaşdırmaqda çətinlik çəkirsiniz?
Vətən daşını yastıq edən qəhrəmanlar – VİDEO
Yağ bilib aldığımız əslində....
İmtahanlara buraxılış qaydası dəyişdi
Kraliça rekord vurdu
Bu axşam "Qızıl top"u 2 nəfər qazanacaq!
Azərbaycanın 5 rayonu atəşə tutuldu
"Neftçi" fanatlarına şad xəbər
Günün qoroskopu: Səhhətinizin qayğısına qalın!
Azərbaycanda zəlzələ olub
Şəkər tozu və qənd alarkən nəyə diqqət etmək lazımdır?
Necə "Yox" deməli?
Məşhur aktrisa övladı ilə-FOTO
Dünyanın sonu haqda inanılmaz fakt
Azərbaycan alimlərindən bir ilk
Detoks pəhrizi
Novruz Bayramında neçə gün iş olmayacaq?
Asan salat (foto resept)
Günün ulduz falı
İşsizlərə ŞAD XƏBƏR
Hyustonda Vüqar Həşimovun xatirəsinə turnir keçirilib
Bakılı sürücülər üçün xoş xəbər
Tək rəng köynəkləri necə kombin etməli?
Şəkidə "Türk dünyasının mədəniyyət paytaxtı- Şəki 2016"
Qısqanclığın sərhədi
Hava haqqında
Azərbaycan 4G ilə əhatə ediləcək
Madam Tüsso muzeyində birinci xanımın heykəli qoyuldu
Azərbaycanda yaşayan əcnəbilər koronavirusa yoluxdu - RƏSMİ
Sıla ilk dəfə AÇIQLAMA verdi
Sabah hava necə olacaq?
HAVA necə olacaq?-21 FEVRAL
Romanı ayaqyalın fəth edən afrikalı(3)
Üzünüzə yaraşan qaş formaları
Bu ölkələrə uçuşlar dayandırıldı
Otel üzərinə düşən təyyarədə ölü sayı artdı
Quru dərilər üçün təbii maska
Pasport və şəxsiyyət vəsiqələrini itirənlər xərcə düşəcək - YENİ RÜSUMLAR
İlham Əliyevin sədrliyi ilə 2020-ci ilin yekunlarına həsr olunmuş müşavirə keçirilib - CANLI YAYIM
İlham Əliyev xizək sürdü
Qadın hərbçilərimizin döyüş hazırlığı
Təkcə "alo" demək kifayət deyil
Hadisənin bacısı da Belçikaya köçür-SƏBƏB
Türkiyədə zəlzələ olub

- ŞƏRHLƏR