Birləşmiş Ərəb Əmirliklərinə məxsus (BƏƏ) "W motors" avtomobil şirkəti yeni idman avtomobilini təqdim edib. ANS PRESS-in məlumatına görə, Yaxın Şərqin ən dəbdəbəli avtomobillərindən olan "Fenyr Supersport"un qiyməti 1.4 milyon dollar təşkil edir. Avtomobil Dubay Avtomobil Sərgisində nümayişə çıxarılıb. "Fenyr Supersport" W motorz şirkətinin ikinci lüks modelidir və bu modeldən cəmi 25 ədəd istehsal olunub. Avtomobil texnologiyanın ən son cihazları və proqramları ilə təchiz olunub.
Daha əvvəlki model "Likan Haypersport" Forsaj 7 filmində istifadə olunmuşdu. "Likan Haypersport" cəmi 7 ədəd idi və qiyməti 3.4 milyon dollar təşkil edirdi.
Dubay Avtomobil Sərgisində hazırda 150 avtomobil istehsalıçısının 600-ə yaxın avtomobili nümayiş olunur. Sərgi noyabr ayının 14-ünə kimə davam edəcək.
Mənbə: ANS PRESS
XƏBƏR LENTİ
