Rusiyanın xarici işlər naziri Sergey Lavrov ilə Azərbaycanın xarici işlər naziri Elmar Məmmədyarov bu gün Moskvada apardıqları danışıqlardan sonra mətbuat konfransı keçiriblər.
ANS PRESS-in məlumatına görə, S.Lavrov deyib ki, Rusiyanın və Azərbaycanın strateji tərəfdaşlığı ikitərəfli əməkdaşlıq və Cənubi Qafqaz regionunda sabitlik baxımından vacibdir.
O bildirib ki, iki ölkənin iqtisadi əlaqələri inkişaf edir, əmtəə dövriyyəsi tarixi maksimuma çatıb və ötən illə müqayisədə 12 faiz artıb: "Bu ildə də müsbət dinamika müşahidə edilir. Rusiyanın bir çox regionları Azərbaycanla əlaqə saxlayır. Yekaterinqburqda VI Rusiya-Azərbaycan forumunun keçirilməsinə hazırlıq gedir."
Onun sözlərinə görə, Azərbaycan ilə Rusiya arasında siyasi münasibətlər yüksək səviyyədədir. Biz görüşümüzdə Dağlıq Qarabağ münaqişəsini və ikitərəfli münasibətlərin gücləndirilməsi yollarını da müzakirə etmişik.
Mənbə: ANS PRESS
XƏBƏR LENTİ
- ŞƏRHLƏR