Dünyanın və Cənubi Asiyanın ən zəngin insanı oğluna toy edib. ANS PRESS-in məlumatına görə, Bruney sultanının evində toy abhavası yaşanıb. Hassanal Bolkiah kiçik oğlu şahzadə Abdul Maliki min bir gecə nağıllarındakı kimi möhtəşəm toy ilə evləndirib.
Taxtın iki nömrəli varisi olan 31 yaşlı şahzadə 22 yaşlı Dayangku Raabiatul Adaviyyah Pengiran Haji Bolkiah ilə ailə qurur. Onların möhtəşəm toyu 11 gün 11 gecə davam edəcək.
Toy mərasimi 1788 otaqlı sarayda gerçəkləşdirilir. Sarayın və toyun cəh-cəlalı göz qamaşdırır.
Gəlin və bəy qızıldan olan taxtda əyləşiblər. Gəlinə taxılan yumurta ölçüsündəki zümrüdlərlə bəzədilən boyunbağı, qızıl, briliyant və bahalı daş-qaşla bəzədilən tac diqqət çəkib.
1968-ci ildə Bruneydə sultan olan Hassanal Bolkiahın sərvəti 40 milyard dollar qiymətləndirilir. Onun 3 həyat yoldaşı, 5 oğlu və 7 qızı var. Şahzadə Malik sultanın altıncı övladı, anası isə ilk həyat yoldaşıdır.
Mənbə: ANS PRESS
XƏBƏR LENTİ
- ŞƏRHLƏR