İŞİD terror təşkilatının "rəsmisi" azərbaycanlı yaraqlılara çağırış edib.
ANS PRESS-in Vesti.az-a istinadla verdiyi məlumata görə, Əbdül Vahid Xudayar Əhməd Azərbaycandan gələrək təşkilata qoşulan yaraqlıları tərifləyib və həmyerlilərimizi Qərbin dəstəklədiyi Azərbaycan hökumətinə qarşı silahlanlamağa çağırıb.
Bu barədə "Another Western Dawn News" adlı nəşrin məqaləsində qeyd edilib. Məqalədə qeyd edilir ki, zülm Yaxın Şərq ölkələrinə ayaq açıb. Artıq məlumdur ki, İŞİD keçmiş Sovet respublikalarında vəziyyətin gərginləşməsi üzrə plan hazırlamağa başlayıb. Xüsusilə yüzlərlə insanın Suriyaya prezident Başar Əsədin qüvvələrinə qarşı müharibədə iştirak üçün yollandığı Azərbaycanda təxribatlar törətmək niyyətindədir.
Xudayar Əhməd Bakının neft yataqlarını əfsanəvi olaraq adlandırıb və bildirib ki, İkinci Dünya Müharibəsi zamanı Almaniyasıya ona sahib olmağa çalışıb: "Biz ən qiymətli islam ölkələrindən biri olan Azərbaycanı, Bakını azad etməliyik. Şübhəsiz ki, Azərbaycan və onun təbii resurslarının İslam dünyasındakı yeri bərpa ediləcək", - deyə Xudayar deyib.
Məqalədə həmçinin qeyd edilib ki, Səudiyyə milyonçuları 1998-ci ildən Azərbaycanda gizli olaraq islam cihadçılarını maliyyələşdirib. Daha sonra isə bu cihadçıların Suriyaya axınına imkan yaradılıb.
Milli Təhlükəsizlik Nazirliyindən verilən açıqlamada vəziyyətin nəzarət altında olduğu bildirilib: “Azərbaycan Respublikasının milli maraqlarına, mənafelərinə, təhlükəsizliyi əleyhinə mümkün təhdidlərin qarşısının alınması üçün bütün zəruri qabaqlayıcı tədbirlər həyata keçirilir və əməliyyat şəraitinə nəzarət olunur”.
XƏBƏR LENTİ
- ŞƏRHLƏR