Bu barədə məlumat verən Bakı Hüquq Mərkəzi (BHM) hüquq şirkətinin hüquq məsləhətçisi Cavid Alıyev bildirib ki, əgər uşağın valideynlərlə (onlardan biri ilə) qalması onlardan asılı olmayan hallarda (psixi pozğunluq və ya başqa xroniki xəstəliklər, ağır vəziyyət və s.) uşağın həyatı üçün təhlükə yaradırsa, valideynlik hüquqlarının məhdudlaşdırılmasına yol verilir. Başqa sözlə, valideynlərin davranışı onlarla qalan uşaq üçün təhlükəlidirsə və valideynlik hüquqlarından məhrumetmə üçün əsas yoxdursa, valideynlik hüquqları məhdudlaşdırıla bilər.
C.Alıyev qeyd edib ki, valideynlik hüquqlarının məhdudlaşdırılması məhkəmə qətnaməsi ilə həll edilir. Valideynlik hüquqlarının məhdudlaşdırılması işinə müvafiq yerli icra hakimiyyətinin qəyyumluq və himayə orqanının iştirakı ilə baxılır. Bu zaman məhkəmə valideynlərdən (onlardan birindən) aliment tutulması məsələsini də həll edir.
Hüquq məsləhətçisinin sözlərinə görə, əgər bu hüquqları məhdudlaşdırılan valideynlər öz davranışını dəyişməzlərsə, valideynlik hüquqlarının məhdudlaşdırılması barədə məhkəmə qətnaməsinin çıxarılmasından 6 ay keçdikdən sonra müvafiq yerli icra hakimiyyətinin qəyyumluq və himayə orqanı uşaqların mənafeyini nəzərə alaraq valideynlik hüquqlarından məhrumetmə iddiası qaldırmalıdır. Həmin orqan valideynləri, yaxud onlardan birini bu müddətdən də tez valideynlik hüquqlarından məhrumetmə barədə iddia qaldıra bilər. Bununla yanaşı, uşağın yaxın qohumları, yetkinlik yaşına çatmayan uşaqları müdafiə edən orqanlar, məktəbəqədər, ümumtəhsil və başqa müəssisələr də valideynlik hüquqlarının məhdudlaşdırılması barədə iddia qaldıra bilərlər.
Valideynlik hüquqlarının məhdudlaşdırılmasının nəticələri ilə bağlı C.Alıyev göstərib ki, valideynlik hüquqları məhdudlaşdırılan valideynlər uşağın tərbiyəsi ilə şəxsən məşğul olmaq, uşaqlı valideynlər üçün dövlət müavinətləri və imtiyazlarına olan hüquqlarını itirirlər. Lakin onlar uşağın saxlanmasını təmin etmək vəzifəsindən azad edilmirlər. Valideynlik hüquqları məhkəmə tərəfindən məhdudlaşdırılan valideynin uşaqlarla əlaqə saxlamasına bir şərtlə icazə verilir ki, bu əlaqə uşaqlara zərərli təsir göstərməsin. Valideynlərlə uşaqların əlaqəsinə müvafiq yerli icra hakimiyyətinin qəyyumluq və himayə orqanının, uşaqların qəyyumunun (himayəçisinin), himayədar valideynlərin və ya uşaqlar yerləşdiyi müəssisənin rəhbərliyinin razılığı ilə icazə verilir.
“Valideynlik hüquqları məhdudlaşdırılan valideynin uşaqları mənzilə xüsusi mülkiyyət hüququna və ya yaşayış sahəsindən istifadə, valideyn və digər qohumlarla faktiki qohumluğa
əsaslanan əmlak hüquqlarına, o cümlədən vərəsəlik hüququna malikdirlər. Əgər hər iki valideynin valideynlik hüquqları məhdudlaşdırılmışsa, uşaq müvafiq yerli icra hakimiyyətinin qəyyumluq və himayə orqanının himayəsinə verilir”, o deyib.
Sonda hüquqşünas qeyd edib ki, valideynlik hüquqlarının məhdudlaşdırılmasına əsaslar aradan qalxdıqda, məhkəmə valideynlərin (onlardan birinin) verdiyi iddia üzrə uşağın onlara (onlardan birinə) qaytarılması haqqında qətnamə qəbul edə bilər. Uşağın valideynə qaytarılması uşağın mənafeyi ilə ziddiyyət yaradarsa, məhkəmə iddianı rədd edə bilər.
Mənbə: Anspress.com
XƏBƏR LENTİ
Müge Anlı onları geridə qoydu
Qurama (Dərs-7) "Ananas" texnikası ilə tikilən yastıq
Azərbaycanda orijinal toy dəvəti - FOTO
ÜST rəhbəri: "Koronavirusdan qorunmağın ən yaxşı vasitələrindən biri..."
Dəbli pencəklər
30 ilə yaxındır qədim pulları toplamaqla məşğuldur
Pizza kağızlarından gəmi düzəltmək (FOTO)
Bakıda elə isti olacaq ki...
Koronavirusla bağlı SON STATİSTİKA
Rassel Krou Avstraliyadakı yanğına görə tədbirə gəlməyib
Günün ulduz falı
Qan dövranını sürətləndirən qidalar
İrina Şeyk gələn il ikinci dəfə ana olacaq
“Avroviziya-2019”un keçiriləcəyi məkan açıqlandı
Ermənistandakı rus hərbçilər müharibəyə hazırlaşır
Bu gün “Üç aylar” başlayır
Şahzadə Mustafanın ölümünün tarixi miniatürü yayıldı
Birlikdə yaşaya biləcəyiniz romantik anlar
Kiçik mətbəx üçün dekorasiya modelləri
Leksika - 3
Balaca uşağın Putinlə söhbətə qoşulması hər kəsdə gülüş yaratdı - VİDEO
Smartfonda vaxt nəyə sərf olunur?
Dünyanın ən böyük günəş elektrik stansiyası işə salınıb
Konfransda Leninin ruhu ilə danışdılar
Məktəblilərin ağır çantaları: nə etməli?
Yerin iqlimi üçün yeni təhlükə aşkar edildi
Dünya bu adamdan danışır
Bu bayraq Ginnesin Rekordlar Kitabına düşə bilər
Dekorasiyada yaşıl rəng trendi
Buraxılış imtahanlarının siyahısında dəyişiklik edilib
Azərbaycan böyük təhlükə qarşısındadır
Con Kerrinin "unutduğu" Qarabağ
68 il birgə yaşayan cütlük bir gün fərqlə öldülər-FOTO
Vegeterian turistlər üçün ən yaxşı şəhərlər müəyyənləşdi
Zaman heç nəyin dərmanı deyil!
İncə telli saçları necə həcmli etmək olar?
Azərbaycanda muzeylərə getmək istəyənlərə xoş xəbər
Dünyada koronavirusdan sağalanların sayı 13 milyonu keçdi - STATİSTİKA
Zolaqlı pəhriz - Rahat arıqlama
Şəffaf və plastik dəb
Ezgi Mola ərə gedir?
B12 vitamininin "səyahəti"
Boyun düzləşməsi əlaməti
Aciz ölmək istəməyən qadın gülümsəyərək getdi
Antalyada birinci xanımların şərəfinə nahar verilib
Dünyanın müxtəlif ölkələrindəki məktəblilər
Dəbli çantalar
Azərbaycan çaylarının suyu azalıbmı?
2020 qarderobunuza ilham olacaq məşhurlar
Azərbaycan əczaçılıq sahəsində Macarıstana müştərək müəssisə yaratmağı təklif edir
- ŞƏRHLƏR