QOÇLARA bu həftə birmənalı olmayan hadisələr və maraqlı tanışlıqlar vəd edir. Həftə bu bürcün nümayəndələri üçün hər baxımdan uğurlu olacaqdır. İlham mənbəyini və enerjini həyatda müvəffəqiyyət qazanmış adamlarda axtarın. Nikbinliyinizi itirməyin. Xoş ovqat insanlara yaxşı təsir bağışlayır. Atalar deyirlər ki, xoşrəftar ol ki, xoş gün görəsən!
BUĞALAR boş yerə inad etməməlidirlər. Axı, hər insanın öz dünyagörüşü, hər məsələyə öz baxışı var. Xoşagəlməz vəziyyətdən çıxmağın ən yaxşı yolu tərəf-müqabillə açıq danışıb, onu başa düşməyə çalışmaqdır. Yeni “siyasi xətt” artıq bir neçə gündən sonra gözəl bəhrə verəcəkdir. Ulduzlar istirahət günləri sürprizlərlə könlünüzü alacaqdır.
ƏKİZLƏR ciddi qərar qəbul etmək üçün başqalarına ümid bəsləyirlər. Hakimiyyəti ələ alıb, istədiyiniz kimi hərəkət etmək vaxtı gəlib çatıbdır. Özünüzdə məsuliyyəti başqalarının çiyninə atmaq vərdişindən əl çəkmək cəsarəti tapsanız, həyatınız yeni məna kəsb edəcəkdir. Bu həftə ailənizə çox diqqətli olmalısınız. Unutmayın ki, yeni-yeni uğurlar qazanmaq üçün lazımlı olan mənəvi rahatlığı yalnız ailə içində tapa bilərsiniz.
XƏRÇƏNGLƏR çox vacib müqavilənin, yaxud sənədin bütün detallarını təkrar-təkrar yoxlamalıdırlar. Kömək istəməkdən çəkinməyin. Kənar adam ciddi səhvi daha tez tutar. Nikbinliyinizi itirməyin. Hər şey plan üzrə gedir. İstirahət günləri həftə içinin stressindən dincəlmək, doğmalarınız və dostlarınızla vaxt keçirmək imkanı yaranacaqdır. Əldən verməyin.
ŞİRLƏRİN məqsədə çatmalarına köhnə tanışlıq kömək edəcəkdir. Yeni iş təklifini diqqətlə öyrənin. Çox sərfəli iş ola bilər. Amma hər şeyi ciddi təhlil etməlisiniz. Yalnız maddiyyət barədə düşünməyin. Sizi elə macəralar gözləyir ki, onları heç bir pulla almaq mümkün deyildir. Bunu Allahın lütfü kimi qəbul edin.
QIZLAR tərifəlayiqdirlər. Lakin işləri başlı-başına buraxmaq hələ tezdir. İrəlidə sizi yeni nailiyyətlər gözləyir. Rəhbərlik bütün işlərin öhdəsindən ən yüksək səviyyədə gəldiyinizin şahididir və yüksək peşəkarlıq tələb edən mühüm bir layihəni tezliklə sizə etibar edəcəkdir. Ətalətli həyatdan uzaq qaçmağa, həyatınıza rəng qatmağa çalışın. Belə yanaşma sayəsində maraqlı insanlarla tanış olub dünyanızı rəngarəng edə bilərsiniz.
TƏRƏZİLƏRDƏ elə təəssürat yaranıb ki, onları haqsız yerə biznesdən kənarlaşdırıblar. Bu bürcün nümayəndələrinin intuisiyası onları nadir hallarda aldadır. İşinizdə diqqətli olun, yoxsa müəyyən müddət sonra çətinliklər qarşısında aciz qalacaqsınız. Maneələri üzə çıxarmağı bacarın. Xoşagəlməz suallara cavab verməyə hazır olmalısınız.
ƏQRƏBLƏR tərəf-müqabillərinin loyallığına əmin deyillərsə, bütün kartlarını açıb göstərməyə tələsməməlidirlər. Yaxın günlərdə ehtiyatlı olmalısınız. Planlarınız rəhbərliyin planları ilə daban-dabana ziddir. Son günlər artan gərginlik bu həftə yavaş-yavaş azalacaqdır. O vaxta qədər karyera perspektivləriniz barədə söhbətlərlə ətrafdakıları qıcıqlandırmayın, dostunuzu-düşməninizi tanıyın.
OXATANLAR enerjilərini boş-boş şeylərə sərf etməməlidirlər. Hər şey düşündüyünüzdən də sadədir. Diqqətinizi əsas məsələlər üzərində cəmləşdirin. İstirahət günləri yaxşı-yaxşı dincəlin. İndiki halda sizə istirahət lazımdır.
OĞLAQLAR tutduqları yoldan geri çəkilməməlidirlər, çünki yalnız bu halda sizi uğur gözləyir. Lakin gücünüzü düzgün hesablamalısınız, harada cəsarətli olmaq, harada geri çəkilmək lazım gəldiyini özünüz üçün qərarlaşdırmalısınız. Bəxtiniz üzünüzə güləcəkdir. Özünüzü itirməsəniz, ən cəsarətli planlarınızı həyata keçirəcəksiniz. Əhəmiyyətli məsələlərin həllini bu gün –sabaha qoymayın. Dəmiri isti-isti döyərlər.
DOLÇALARI evdəki və işdəki problemlərin həlli münasibətilə təbrik etmək olar. İndi həyatınızın ağ zolağınızdasınız. Bu zolaqdakı mövqeyinizi qoruyub saxlamağa çalışın. Gücünüzü sağa-sola tükəndirməyin. Uğur sizin tərəfinizdədir. Mədəni həyatın içində olmaq, təmiz havada gəzintilər yaşayıb-yaratmaq əzminizi qoruyub saxlamağa kömək edəcəkdir.
İşdə, kollektivlə münasibətlərdə gərginlik
BALIQLARIN əsəb sarsıntısı keçirməsinə səbəb ola bilər. Vəziyyəti daha da ağırlaşdırmamaq üçün həyatınızda dəyişiklik etməlisiniz. Məsələn, dəniz sahilinə və dağlıq yerə istirahətə gedin. Ruhunuz dincələndən sonra problemlər tum çırtlamaq qədər asan görünəcəkdir. Ulduzlar bu həftə xoş xəbərlər vəd edir.
Mənbə: Milli.Az
XƏBƏR LENTİ
- ŞƏRHLƏR