Bu gün Milli Şuranın növbəti sessiyası keçiriləcək. Növbəti sessiyada bəzi şəxslərin Mili Şura üzvlüyündən çıxarılacağının anonsunu qurumun prezidentliyə namizədi Cəmil Həsənli də verib.
Məlumata görə, çıxarılması gözlənilən üç nəfər eks-spiker Rəsul Quliyev, Açıq Cəmiyyət Partiyasının Ali Məclisinin sabiq sədri Zəminə Dünyamalıyeva və Azərbaycan Liberal Partiyasının lideri Lalə Şövkət Hacıyevadır. Buna əsas kimi həm Rəsul Quliyevlə Zəminə Dünyamalıyevanın Milli Şuraya qarşı bəyanatları, Lalə Şövkətin isə Milli Şuranın işində iştirak etmədiyi və istefası göstəriləcək.Məsələ ilə bağlı Milli.Az-a şərh verən Ədalət Partiyasının sədrinin müaviniMütəllim Rəhimli deyib ki, Lalə Şövkət Milli Şuradan gedəcəyi ilə bağlı öz mövqeyini yayıb. Rəsul Quliyev də bu qurumdan gedəcəyini bəyan edib. Onların Milli Şuradan çıxarılmasının əsas səbəblərindən biri bu olmalıdır. “Milli Şura əgər öz qərarında bunu başqa məsələ ilə əlaqələndirirsə, bu da maraqlı məsələdir. Amma məsələ bundadır ki, seçkilərdə uduzan tərəf dağılmağa məhkumdur. Öz monolitliyini qoruya bilmir. Həm kəmiyyət və keyfiyyət yeni mərhələyə qalxmalıdır. Bəzi qurumlar bundan yararlanaraq daha da güclənir, bəziləri isə tamamilə məhvə məhkum olur. Milli Şura da kəmiyyət və keyfiyyətcə dəyişməlidir. Amma bütün bunların Milli Şuranı inkişaf etdirəcəyi, yoxsa gücləndəricəyi sualı başqa mövzudur”, - o əlavə edib.
Mənbə: Milli.Az
XƏBƏR LENTİ
- ŞƏRHLƏR