Evdə müalicə alan və nəzarətdə olan şəxslərin sayı açıqlandı - RƏSMİ
507
0
“Bakı şəhəri üzrə evdə müalicə alan və nəzarətdə olan 10 min 202 şəxs var”.
Qadin.Net-in məlumatına görə, bunu Nazirlər Kabineti yanında operativ qərargahın bu gün keçirdiyi brifinqdə Səhiyyə Nazirliyinin aparat rəhbəri Nadir Zeynalov deyib.
O bildirib ki, xəstələrin ev şəraitində müalicəsinə artıq iki həftədir başlanılıb:
“Səhiyyənin üzərinə düşən yük çox oldu. Regionlarla yanaşı, Bakıda da yoluxma sayı çoxdur. Bu səbəbdən xəstəxanaların yükünün azaldılması məqsədilə yüngül simptomlu xəstələrin ev şəraitində müalicələrinə başlanılıb. Onlar arasında yüngül, nəticəsi neqativ olsa da, COVID xəstəsi ilə ünsiyyətdə olanlar var.
Hələlik regionlarda bu üsulun tətbiqinə gərək yoxdur. Əgər ehtiyac olarsa, regionlarda da bu məsələyə baxıla bilər”.
XƏBƏR LENTİ
