Əfsanəyə görə Tbilisi eramızdan əvvəl V əsrdə meşələrlə əhatə olunmuş qapalı bir yer olub. Kral Vahtanq Gorgasal bu yerlərə həmişə ova çıxarmış. Karalı müşayət edənlər uçan qırqovulların arxasınca şahin salar, şahinlər qırqovulları bir həmlədəcə caynaqlarına alıb yerə qoyardılar. Bir gün yenə onlar ova çıxıblarmış. Şahinləri qırqovulların arxasınca göyə qaldırıb nə qədər gözləsələr də, nə şahin, nə də qırqovul gözə dəymir. Onları axtarışa başlayırlar və hər ikisini də isti suya düşmüş bir yerdə tapırlar. Kral buranı çox bəyənir və həmin yerdə şəhər qurulması haqqında göstəriş verir. Şəhərə orada olan “tsheli (isti)” ya da köhnədən deyildiyi kimi “tpili(isti)” sudan ötəri “Tpilisi” ya da “Tbilisi” adı verilir. Həmin təbii isti (yumurtalı) suların üzərində Tbilisinin ən məhşur hamamları salındı. Həmin məhlə bütün Gürcü xalqının və eləcə də turistlərin baş çəkdiyi sağlamlıq mərkəzi kimi tanınır.
Onu da qeyd edim ki, İsti (yumurtalı) su məhləsində mərhum öndərimiz Heydər Əliyevin heykəli ucaldırlıb. Eyni zamanda Tbilisi şəhərində məhşur küçələrindən biri H. Əliyevin adını daşıyır.
Şəhər Kür çayının iki sahilində 350 km boyunca uzanmaqdadır. Ölkənin sənaye, mədəniyyət və sosial mərkəzi olan Tbilisi lap qədimdə Böyük İpək yolunun, bu gün isə Bakı-Tbilisi-Ceyhan boru kəmərinin üstündə yerləşir. Kür çayının şərq sahilində, köhnə şəhər mərkəzindəki Sololaki təpəsinin üzərində III əsrdə inşa edilən Nariqala qalasının qalıqları ən əhəmiyyətli ziyarət nöqtələrindən biridir.
Bu gün VIII əsrdə inşa edilmiş Kale abidələri arasında nəhəng bir qadın heykəli vardır. Bu “Gürcülərin anası” kimi sevilən Kartlis Dedanın heykəlidir. İlkin forma bu cür olub.
Abidə çox möhtəşəmdir, xüsusilə onu gecə işıqlandırdıqda daha uzaq məsafədən görünür. Sol əlində dostlar üçün bir tas şərab, sağ əlində döyüşə çağıran qılınc olan bu heykəl 1958-ci ildə şəhərin 1500 illiyi münasibəti ilə yenidən tikilmiş və Tbilisinin simvoluna çevrilmişdir.
Ötən yazılarımızda biz sizinlə Tbilisinin məşhur, həm də füsunkar əraziləri ilə tanış olduq. Bu yazımızı isə həmin füsunkarlıqların davamı olaraq Dağüstü parkdan davam edirik. Tbilisinin ən hündür zirvəsində yerləşən bu gözəl park “Mtaçminda” (Müqəddəs dağ) adlanır. 1929-cu ildən istifadəyə verilmişdir. Tbilisinin istənilən küçəsindən, istənilən nöqtəsindən həmin dağı və ən əsası onun üzərindəki telequlləni (hündürlüyü 280 m) görmək mümkündür.
Dağüstü park sözün əsl mənasında hər kəsi valeh edir. Bəzi turistlər bura ikinci “Disneyland” də deyirlər. Çünki burada böyüklərlə yanaşı, uşaqların da hər cür istirahəti üçün müxtəlifkonstruksiyalı fəvvarələr, iaşə, sağlamlıq və mədəniyyət obyetkləri, karusellər və s-lər var. Yeni evlənən çütlüklər Tanrı hüzurunda and içib gələcək səadətlərini ilk dəfə burada paylaşır, parkın küçələri ilə gəzir, xatirə şəkilləri çəkdirir, səadət dünyasına ilk addımlarını buradan başlayırlar...
Buyurun həmin dağüstü parkla tanış olun:
Ardı var..
- ŞƏRHLƏR