22.11.2010-02:06

• Səyahət

64 653

83

 Hörmətli istifadəçilər,yəqin ki,səyahət etməyi sevməyən insan az tapılar.Bəyənib seçdiyiniz ölkəyə və ya şəhərə getməzdən əvvəl hər kəsi əvvəlcə gedəcəyi yerin görməli,tarixi yerləri maraqlandırır.Bu baxımdan qərara aldım ki, İstanbulun məşhur tarixi yerləri haqqında sizlərə ətraflı məlumatlar verim.Qeyd edim ki,İstanbulda tarixi yerlər coxdur,mən sizləri onlardan ən çox ziyarət olunanları haqda məlumatlandıracam...

Topqapı sarayı Tarixi İstanbul yarımadasının ən uca nöqtəsində 5 km boyunca sularla əhatə olunan və 700.000 kvadratmetr əraziyə malik bir yığmadır.1453-cü ildə Fateh Sultan Məhəmməd İstanbulu fəth edərək taxtını bu şəhərə gətirib.Onun inşa etdirdiyi ilk saray şəhərin ortasında yerləşib.1470-ci illərdə inşa etdirdiyi ikinci saraya əvvəllər yeni saray, yaxın tarixlərdən etibarən isə Topqapı sarayı deyilir. Bura tarixdə məlum digər türk saraylarına bənzər klassik bir türk sarayıdır. Dəyişik funksiyaları olan, ağaclarla kölgələndirilən, bir-birini izləyən abidəyə çevrilmiş qapılarla ayrılan həyətlərdən ibarətdir. Saray qurulduğu dövrdən başlayaraq sultanların həyata keçirdiyi bir çox dəyişiklik və əlavələrə məruz qalmışdır.Sultanların 1853-cü il tarixli göstərişlə Dolmabaxça sarayına köçmələri nəticəsində rəsmən saraylıq statusu adı üzərindən götürülmüş və çox az zamanda dağılmışdır. Cümuriyyət dövründə 50 ildən artıq davam edən bərpa işləri nəticəsində Topqapı sarayı öncəki sadə gözəlliyi və ihtişamına qovuşmuşdur. Sarayda nümayiş etdirilən muzey əşyalarının bir çoxu dünyada bənzəri olmayan şah əsərlərdir. Sarayın funksiyaları tarixdəki digər saraylarla müqayisədə fərqlidir. Bura imperiyanın vahid rəhbəri sultanın rəsmi iqamətgahı olmaqla bərabər, rəsmi dövlət işlərinin mərkəzi, nazirlərin toplandığı, dövlət xəzinəsi, dəftərxanası və alış-verişlərin həyata keçirildiyi yer olmuşdur. İmperiyanın ən ali məktəbi, sultan və dövlətin universiteti sarayda yerləşirdi. Osmanlı türk imperiyasının qəlbi, beyni və hər mənada tək mərkəzi bura idi. İnşasından çox sonra da sultanların özəl hərəmxanaları bu sarayda yerləşmişidi. Osmanlı türk imperiyası türklərin tarixdə qurduğu 16 müstəqil dövlətdən ən uzun ömürlü və ən geniş torpaqlara sahib olanıdır.

Saray aşağıdakı hissələrdən ibarətdir:

Birinci həyət ---Buna Bab-ı Hümayun (Saltanat Kapısı) deyirlər.

 

 

 

Əziz oxucular,bu Topqapı sarayından olan şəkillərin hələ bir qismidir,hamısını bir xəbərə sığdırmaq olmur.Çalışdım ki,ən çox baxılan hissələri çatdırım.Ümüd edirəm bu məlumatlar sizlərə bir gün lazım olacaq 

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Ceylan Mumoglu