Bilirsiniz ki, bəzən estrada müğənnilərimiz də ilahilərə müraciət edirlər. Bu müğənnilərin siyahısında Ramalın, Ayaz Qasımovun, Samiranın, Hüseyn Dəryanın və başqalarının adlarını çəkmək olar. İndi onlardan bir neçəsini sizlərə təqdim etmək istərdim.
Hüseyn Dərya - "Ölüm, ya olum"
Klip 2012-ci ildə Ramazan öncəsi tamaşaçılara təqdim olunub. İstər musiqi, istər sözlər, istərsə də ifa və görüntü o qədər gözəl vəhdət təşkil edib ki, klipi bəyənməmək qeyri-mümkündür.
Ayaz Qasımov - "Görərsən"
Mahnının musiqisi Vüqar Camalzadəyə, sözləri Əbdül Fəqirə məxsusdur.
Leyla İdrisova - "Həzrət Fatimə"
Musiqisi Aygün Səmədzadəyə məxsus olan ilahi Əhli-Beyt bağının reyhanəsi Xanım Fatiməyə (ə) həsr olunub.
Meyxana ifaçısı Namiq Qaraçuxurlu - "Nura doğru"
Namiq bu musiqiyə klip də çəkdirib.
İzzət Bağırov
Dindar müğənni kimi tanınan İzzət Bağırovun ifasında "Muhammed" və "İmam Hüseyn eşqinə" kimi dini musiqiləri eşidə bilərik. Hər ikisi türk bəstəkarlar tərəfindən bəstələnib.
Ramal İsrafilov
İlahi oxuyan müğənnilərimizin sırasında Ramal İsrafilov da var.Qeyd etmək istərdim ki, Ramalın ifasında dini musiqilər çox gözəl səslənir.
Tunar - "Amin"
Bir vaxtlar çox məhşur olan Tunarın "Amin" mahnısı yəqin hər birinizin yadındadır. Musiqisi Tahir Əkbər və sözləri Bəxtiyar Vahabzadə tərəfindən yazılan ilahi sayəsində Tunar Azərbaycan estradasında ilk ilahi oxuyan müğənni oldu.
İbrahim Tatlısəs
Türki müğənnisi İbrahim Tatlısəsdə bir neçə dəfə ilahi musiqilər ifa edib."Yetiş Ya Muhammed Yetiş Ya Ali" və "Tala Əl Bədru Əleyna" buna misaldır.
Tünzalə Ağayeva -"Bir dünya istəyirəm"
Tünzalə Ağayevanın "Bir dünya istəyirəm" musiqisini də ilahilərdən saymaq olar. Qənirə Paşayevanın və Tünzalə Ağayevanın əməklərinin bəhrəsi olan musiqinin çox gözəl süjet xətti var. İnsanları İslamın bəyəndiyi şeylərə: birliyə, bərabərliyə, Rəbbimizin nemətlərini paylaşmağa çağırır.
Torpağdan bitən güllər solar gedər,könüldən bitən güllər daimi olar. (Hz.Mevlana)
Alim Qasımov
Sonda isə sizə Alim Qasımovun ifa etdiyi ilahini təqdim edirəm.
XƏBƏR LENTİ
- ŞƏRHLƏR