Bu gün facebook-dakı 5 xırda amma önəmli sayıla biləcək funksiyaları bir yerə toplamaq istədim. Bu o funksiyalardır ki, sizə lazım olan şeyləri daha rahat həll etməyinizə kömək edəcəkdir. Əminəm ki, bir çox insan bunları bilir, və eyni zamanda əminəm ki, bir çoxunun da hələ xəbəri yoxdur.
Odur ki, başlayaq..
Qeyd edim ki, funksiyaların facebook-dakı adını 4 dildə də yazacağam. Çünki hər kəs eyni dildən istifadə etmir və bu başadüşüləndir.
1. MESAJ BLOKA SALMAQ.
Bir xanım kimi deyə bilərəm ki, yersiz mesajlar çox əsəbpozucu bir şeydir. Bunun iki yolu var:
1-Sizə gələn mesajın sahibini blok edə bilərsiniz. Bu halda həmin şəxs sizinlə heç cür əlaqə saxlaya bilməz, axtarışa verə bilməz, sadəcə ortaq olduğunuz qruplarda bir birinizi görə bilərsiniz.
2-Həmin şəxsdən gələn mesajları blok edə bilərsiniz. Bu qıcıq yaradan funksiyadır. Çünki bu halda qarşı tərəf sizə sadəcə mesaj göndərə bilməyəcək. Göndərmək istədiyi zaman ona bu barədə məlumat bildiriləcək ki,qarşı tərəf sizdən gələn mesajları qəbul etmir. Kimdənsə küssəniz istifadə edə bilərsiniz :)
Bundan sonra istəsəniz həmin mesaj qutusuna girərək şəxsi blokdan çıxara biləriniz .
Bunun üçün mesaj qutusuna girirsiniz və tənzimləmələr bölməsindən Block messages (tr:Mesajları engelle; eng:Block messages;rus: Заблокировать сообщения) hissəsini seçirsiniz və blok edirsiniz.
2. GİZLİ ONLİNE OLMAQ.
Bəzən online olmaq istəmirik və bu da müxtəlif səbəblərdən ola bilər. Və ya dostluğumuzda bəzi insanlara online olmaq istəyirik və bəzilərinə istəmirik. Bunun üçün bir dəfəlik offline olmaq lazım deyil. Facebook sizə rahatlıq təmin etmək üçün bunu düşünüb. Siz istəsəniz seçdiyiniz şəxslərə online, və eyni zamanda seçdiyiniz bir qrup şəxslərə offline ola bilərsiniz. Bunun üçün ilk növbədə çat pəncərəsindən Qabaqcıl Quraşdırmalar (tr:Gelişmiş ayarlar; eng:Advanced Settings rus: Расширенные настройки) bölməsini seçin, daha sonra açılan pəncərədə Kimlərə online olub olmayacağınızı seçər bilərsiniz.
3. PROFİLİNƏ ÖZÜN BAX
Başqalarının sizin profilinizə filan şeyi görürlərmi deyə baxması üçün xahiş etməyin, çünki bunu siz özünüz edə bilərsiniz. İnanın bu daha rahat və əlverişlidir.
Bunun üçün profilinizə daxil olmalı, cover photo-nun altından sol tərəfdən düyməni basaraq Başqası kimi gör (tr:Başkasının gözünden gör; eng:View as; rus: Просмотреть как) seçimini etməlisiniz.
Bu funksiya sayəsində sizin dostluğunuzda olmayan şəxslərin profilinizi necə və hansı formada gördüyünü anlamış olacaqsınız.
Yox əgər siz Hər hansı müəyyən bir şəxs kimi bax (tr:Belirli bir kişinin gözünden; gör eng: View as Specific Person; rus:Просмотреть как) seçimini etmiş olsanız, bu zaman dostluğunuzda olan bir şəxsin adını boş xanaya qeyd edərək, həmin şəxsin sizin profilinizi necə gördüyünü anlaya bilərsiniz.
4. KEÇMİŞ PAYLAŞIMLARIN GÖRÜNÜŞÜNÜ LİMİTLƏMƏK
Siz hər zaman “hər kəsə” açıq paylaşımlar edirsinizsə və birdən qərar vermək istəyirsinizsə ki, paylaşımlarınızın hamsını ancaq dostlarınız görsün o zaman facebook-un bu funksiyasından yararlansanız daha asan olar. Tənzimləmələr bölməsindən bu hissəni tapa bilərsiniz. Aşağıdakı rəsmdə hər şey aydın görünür
5. FACEBOOK SİYAHILARI
Facebook-un ən sevdiyim funksiyası dost listləridir. Bu listlərdə istədiyiniz insanları bir yerə yığa bilərsiniz. Əgər facebookda bir qrup dostlarınızın sizin dostlara açıq olan paylaşımlarınızı görməsini istəmirsinizsə, o zaman həmin şəxsləri Məhdudlaşdırılmış (tr:Kısıtlılar; eng: Restricted; rus:Ограниченные) listinə əlavə edin. Bu funksiyanın üstünlüyü ondadır ki, ola bilər sizin dostluğunuzda elə bir şəxs var ki, nə onu dostluqdan çıxarmaq istəyirsiniz, nə də onun sizin özəl paylaşımlarınızı görməsini istəyirsiniz. Bu list sizə həmin insanları seçərək bir yerə toplamağınıza yardımçı olacaq və bu şəxslər sadəcə sizin hər kəsə açıq paylaşımlarınızı görəcəklər.
Digər siyahı isə Tanışlar (tr:Tanıdıklar eng: Acquaintances rus:Знакомые) siyahısıdır. Bu siyahıya əlavə etdiyiniz şəxslər isə sizi öz paylaşımları ilə qıcıqlandıran şəxslər üçün idealdır :) Onları dostluqdan çıxara bilmirsinizsə, amma eyni zamanda artıq onları görmək istəmirsinizsə bu listə əlavə edin.
Təbii ki, bu iki istəyi fərqli yollarla da həyata keçirə bilərsiniz, lakin listlərdən istifadə daha rahatdır. Çünki həmin şəxsləri daha tez tapmaq digər variantlardan daha optimaldır.
Ümumiyyətlə qeyd etmək istərdim ki, facebook-da siyahılar işi asanlaşdırmaq üçün çox önəmlidir.
Məsələn, mənim imtina edə bilməyəcəyim facebook funksiyalarından biri səhifələr üçün siyahı hazırlamaqdır. Işimlə əlaqədar olaraq mənə lazım olan şirkət və ya brendlərin facebook səhifələrini bir yerə yığaraq onları, daha rahat izləyə bilirəm. Əgər siz də mənim kimi sevimli və ya işinizə lazım olan səhifələri bir yerdə saxlamaq istəyirsinizsə bu funksiyadan istifadə edə bilərsiniz. Bu işin ən yaxşı cəhətlərindən biri odur ki, listə əlavə etdiyiniz səhifələrini bəyənməsəniz də olar :)
Günel Əbdürrəhmanova
XƏBƏR LENTİ
- ŞƏRHLƏR