Lazım olan materiallar:
Ağ və şəffaf sabun
Efir yağları
Qlitterlər (zər)
Kosmetik yağlar
Ətirlər (sabun üçün)
Fiqur (sabun hazırlayacağınız qab)
Spirt (köpüklərə çiləmək üçün)
Rəng (sabun üçün)
Ölçü stəkanı
Qarışdırmaq üçün şüşə və ya taxta çubuq
Rənglər
Ətirlər
Kosmetik yağ (mən bu dəfə jojoba yağından istifadə edəcəm. Dəri üçün çox faydalıdır. Bu yağ haqqında məlumatı internetden oxuya bilərsiniz)
Bəzək üçün vurulan zər
Ölçü stəkanı
Sabuna veriləcək formalar.
Şəffaf və ağ sabun
Hazırlanması:
Bu gün sizlərə ev şəraitində sabun hazırlamağı öyrədəcəyəm. Bu da mənim hobbilərimdən biridir. Hər bir xanım vanna otağında gözəl ətirli, rəngarəng və zövq oxşayan sabunlar olmasını istəyər. Bu sabunları hazırlayıb istədiyiniz insanlara hədiyyə verə bilərsiniz. Mən bəzən bayramlarda özəl olaraq əlimlə hazırladığım sabunları hədiyyə edirəm. Çox maraqlı olur, çünki satışda olmur bu hədiyyədən, bu yalnız sizə və hədiyyə edəçəyiniz insana aiddir.
Əvvəlcə bizə şəffaf sabun və ağ sabun materialı lazım olacaq.
Hazırlayacağımız fiqurdan asılı olaraq əvvəlcə ağ və şəffaf materilalları kubik formasında doğrayırıq.
Mikrodalğalı sobada əridirik. Və bura rəng, kosmetik yağ, ətir, zər əlavə edib qarışdırırıq.
4-5 damcı təmiz zeytun yağı da əlavə etdim.
Elə etməliyik ki, sabun qaynamasın. Qaynasa, içərisində qabarcıqlar əmələ gələcək və onları təmizləmək bir az çətin olur. Yeni öyrənənlər üçün sadə yollardan istifadə etmək daha məsləhətlidir.
Sabunu tökəcəyimiz qaba spirt çiləyirik. Sonra duru sabunu bura əlavə edirik.
15-20 dəqiqə gözləyirik, bərkiyəndən sonra qabdan çıxardırıq.
Bu sabunların üzərində şəkil, yazı yazmaqda olur. Bunun üçün sudahəll olan A4 kağızlardan istifadə edilir.
İstədiyiniz yazını, şəkili bu kağıza köçürürk və sonra onu qayçı ilə kəsib sabunın içinə yerləşdiririk.
Bu barədə gələn dəfə danışacağam.
Budur, sabunlarımız hazırdır. Hər zaman gözəl və təravətli olun, xanımlar.
Bəyəndinizmi, xanımlar?
XƏBƏR LENTİ
- ŞƏRHLƏR