İndiki vaxtda insanların ən böyük qorxuları qurduqları nizamı poza biləcək müharibə ehtimallarıdır. Bu qorxunun ən böyük səbəbi yaşamağa davam etmək olsa da, yaşamağa davam etməyi yeganə səbəb saymaq gərəksiz olar. Elə buna görə də bu qorxunun ən böyük səbəbi sahib olduqlarını itirmək olur.
Dövrümüzdə texnologiya inkişaf edir və insanlar rahat yaşamağa öyrəşir. Bundan yalnız bir neçə yüz il əvvəl insanların çox böyük bir əksəriyyəti fiziki qüvvə ilə çalışırdılar. Ancaq indiki vaxtda insanların çox böyük əksəriyyəti fiziki qüvvə tələb etməyən işlərdə çalışır. Bu cür insanlar texnologiya, pul və rahatlığın sehrinə qapıldıqları üçün onların döyüş əleyhinə mövqe nümayiş etdirməsi çox normaldır.
İlk misal:
İnkişaf etməkdə olan bir ölkədə, xüsusi təşkilatda, gözəl mövqedə və yaxşı bir maaş ilə işləyən otuz yaşındakı gənc adamının işdən evə döndüyü zaman onu qarşılayan gülərüzlü yoldaşını və şirin uşaqlarını arxasında buraxıb döyüşə getməyi istəmək ehtimalı varmı?
Amma gənc adam istəməsə belə, döyüşlər heç bir zaman durmayacaqdır. Bu vəziyyətdə döyüş anlayışını yalnız əsgərlər arasında olan, təyyarələrlə-filan dəstəklənən qapışmalar kimi görməmək lazımdır. Savaş anlayışına baxış bucağımızı ən azı çəkişmə olan, ən çoxu isə bildiyimiz döyüş olan vəziyyət şəklində dəyişdirək.
Yaxşı, niyə döyüşlər heç bir zaman dayanmayacaq? Niyə insanlar hər vaxt döyüşəcək? Çünki insan var olduqca "sahib olma" istəyi duyar. Hər bir insanda var olan və var olacaq bu xüsusiyyət heç bir şəkildə tərk edilə və ya itirilə bilməz. Bu səbəblə insan mükəmməl bir şəkildə avtomatik olaraq nəyəsə sahib olmaq istəyi duyar və beynimiz özbaşına bu istəyi əldə etmək üçün nə edə biləcəyimizi planlaşdırar. Eynilə soyuqqanlı bir qatil kimi.
XƏBƏR LENTİ
- ŞƏRHLƏR