Tərkibi:
6-7 ədəd kartof
6 ədəd yumurta
5 ədəd yerkökü
Toyuq filesi
(istəyən kolbasa da vura bilər)
1 dəstə soğan
2 ədəd "Bizim Tarla" duzlu xiyarı
"Bizim Tarla" konservləşdirilmiş yaşıl noxud
Mayonez, duz, istiot zövqə görə
Bəzəmək üçün nar
Hazırlanması
Kartof, yumurta, yerkökü və toyuq filesini bişiririk.
Sonra göy soğan, duzlu xiyar və toyuq filesini doğrayırıq.
3 yarım kartofu sürtkəcdən boşqaba keçiririk, üzərinə mayonez, duz ,istiot vururuq.
Yumurtanın ağını sarısından ayırırıq (ağını üzəri üçün saxlayırıq), sarısının 3-ünü sürtkəcdən keçiririk, kartofun üzərindən mayonez, zövqə görə duz, istiot vururuq.
Yumurta sarısının üzərindən 2 ədəd yerkökünü sürtkəcdən keçirib yayırıq, mayonez, duz, istiot vururuq.
Yerkökünün üzərindən öncə doğranmış duzlu xiyar və göy soğan, sonra doğranmış toyuq filesini tökürük, mayonez, duz, istiot vururuq.
Toyuq filesinin üzərindən yaşıl noxudu tökürük.
2-ci qatı da bu formada edirik: əvvəl kartofu, sonra yumurta sarısını sürtkəcdən keçiririk, mayonez, duz, istiot vururuq.
Ən sonda şaxta babanın papağının üst hissəsini sürtkəcdən keçirilmiş yerkökü, alt hissəsini və qotazını isə yumurta ağı ilə bəzəyirik.
Üzərini mayonez və narla bəzəyirik.
Nuş olsun
XƏBƏR LENTİ
- ŞƏRHLƏR