Məsləhətlərə əməl etsəniz, təyyarə, avtobus və ya öz şəxsi avtomobilinizlə edəcəyiniz səfər sanıldığı qədər çətin deyildir.
Uşaq sahibi olan ailələr üçün səyahət etmək problemdir. Tətilə gedib istirahət etmək, bütün ilin yorğunluğunu atmaq bir kənara, uşağın səfər boyu narahat olmasının qarşısını almaq ayrı bir məharətdir. Səyahətdən əvvəl diqqət etməli olduğunuz qayda çemodanınıza qoyacaqlarınızdır. Qızdırmasalıcı, ağrıkəsici sirop, bişməcə, günəş yanığı və böcək dişləməsinə qarşı kremlər, uyğun faktorlu (32 faktora qədər) günəş qoruyucu krem və losyonlar, ilk yardım çantası bunların arasında ən əhəmiyyətli olanlarıdır. Tətil boyu uşağı günəşdən qorumaq, hər hansı bir sağlamlıq problemiylə qarşı-qarşıya qalanda nə edəcəyinizi bilmək də sizə fayda verər.
Körpələrlə asan səyahət və tətil üçün məsləhətlər
Təyyarədəki təzyiq rahatsız edə bilər
Körpəylə səyahət bütün ana-ataları narahat edir. Körpələr üçün təyyarə səfərinin təhlükəli olduğunu düşünərkən daha böyük uşaqların necə vaxt keçirəcəkləri həmişə narahatlıq əmələ gətirir. İki həftəlikdən etibarən təyyarə ilə səfər uşaqlar üçün təhlükəli deyil. Altı təmiz və qarnı tox körpə səfər boyunca yatacaqdır. Daha böyüklər üçün uzun səfər darıxdırıcı olduğundan bir müddət sonra yerində oturmaq istəməyəcək, ətrafı qarışdıracaq və gəzmək istəyəcəkdir. Təyyarədəki təzyiq dəyişikliyi böyüklərdən çox körpələrə təsi edir. Təzyiq körpənin rahatsızlığına və ağlamasına gətirib çıxarır. Burun təmizlənərək tıxanma aradan qaldırılır, qulaq pərdəsində olan təzyiqi azaltmaq üçün eniş anında əmzik verilməli, uşaqlara saqqız çeynədilməlidir. Darıxmağının qarşısını almaq üçün sevdiyi oyuncaqları yanında saxlamalı, böyük uşaqların kitab, boyama kitabı və ya pazlları yanında saxlanılmalıdır. Kiçik uşaqların rahatsızlığını aradan qaldırmaq üçün həkimin tövsiyə edəcəyi sakitləşdirici və ağrı kəsici verilə bilər.
Pəncərə qarşısında oturdun
Avtobusla səfər körpənin hərəkətini uzun müdət əngəlləyəcəyi üçün digər nəqliyyat vasitələrindən daha çətindir. Uşaq üçün yer almağınızda fayda var. Pəncərə qarşısında oturdulanda çölü seyr edərək vaxtını keçirməsini təmin etmiş olarsınız. Uşağı avtobusda tək saxlamayın. Adamların çox olduğu yerdə səfər etmək körpələr və uşaqlar üçün infeksiya riski daşıyır. Həm də siqaret tüstüsü uşağı narahat edə bilər, belə yerlərdə xəstəlik tutma riski çox yüksəkdir. Fasilələrdə təmiz hava alması, gəzməsi və qaçması təmin edilməlidir. Ürəyi bulanarsa, həkimin məsləhəti ilə ürək bulanmanı aradan qaldıran dərman verilə bilər. Uşağın qusmasına qarşı yüngül qidalar verilməlidir. Rahat hərəkət etməsini təmin edəcək və tərlətməyəcək paltarlar geyindirilməlidir.
Ən yaxşısı avtomobildir
Öz avtomobilinizlə səfər etmək ən yaxşı nəqliyyat seçimidir. Şəxsi avtomobiliniz uşağın alışdığı və daha rahat hərəkət edə biləcəyi bir mühitdir. Bunun sayəsində infeksiya riski aradan qalxar və başqalarını narahat etməzsiniz. Körpənizi rahatca arxaya yerləşdirin və təhlükəsizlik kəmərini taxın. Qapı və təhlükəsizlik kilidini bağlı saxlayın. Kondisionerin birbaşa uşağın üzərinə vurmasının qarşısını alın, pəncərələrdən külək gəlməyəcək və uşağın qolu ilə başını çölə çıxara bilməyəcəyi qədər açıq olmalıdır. Tez-tez verilən fasilələr uşağın darıxmasını önləyər. Öz avtomobilinizdə uşağı əyləndirmək daha asandır. Oyuncaqlarının yanında mahnı oxumaq, hekayə danışmaq və oyunlar oynamaq uşağın rahat səfər etməsini təmin edər. İsti havalarda edilən səfərlərdə uşağın kifayət qədər maye qəbul etməsi təmin edilməlidir.
Əyləncəli bir tətil üçün
Uşaqların yay tətili müddətində sümük inkişafı üçün günəşdən kifayət qədər faydalanması təmin edilməlidir. Ancaq günəşin ulturabənövşəyi şüalarının çoxunun zərərli olduğu diqqətdən qaçmamalıdır. Günəş vurması, yanıqlar və dəri xərçənginə yol aça bilər. UV şüaları yay aylarında xüsusilə gün ortasında ən güclü səviyyəyə çatar. Buna görə də saat 10 ilə 16 arasında uşaqların gün altında qalmasının qarşısı alınmalı, bağlı məkanlar və kölgə yerlər seçilməlidir. Günəşə çıxmazdan əvvəl uyğun bir günəşdən qorunma məhsulundan istifadə edin. Günəş yanığından ilk yardım kimi uşağınıza soyuq su ilə duş aldırın, yanıq bölgələrinin üzərinə kompres qoyun. Yanıq yerlərinin üzərinə ağrıkəsici məlhəm vurun. 3 yaşından böyük uşaqlara üzməyi öyrədin. Uşağı suda ikən əsla tək buraxmayın. Hovuzda oynamaq uşaqların xoşuna gəlir, ancaq təmiz olmama ehtimalı üzündən dənizdə üzməsi məsləhətdir. 6 aydan kiçik uşaqların peyvəndi tam olmadığı üçün dənizə salmayın. Yayda bağırsaq infeksiyaları və qida zəhərlənmələri də uşaq üçün təhlükəlidir. Uşaqların çirkli əllərlə qidalanmalarının, yuyulmamış qidalar qəbul etməsinin qarşısını alın.
XƏBƏR LENTİ
- ŞƏRHLƏR