Bismilləhir-rahmanir-rahim
Vəlhamdülillahi Rabbil aləmin vəssalatu vəssəlamu ala səyyidina Muhammədin və ala alihi və sahbihi əcmain.
Allahı hər cür nöqsan sifətlərdən tənzih edir, Ona həmd edirik. Bilirik ki, şübhəsiz Allah hər şeyə qadirdir.
Allahım bizi qəzəbinlə öldürmə, ibret verici azabınla həlak etmə, bundan əvvəl bizi bağışla, ey mərhəmətlilərin ən merhamətlisi
Allahım elmindən bizə elm öyrət, Səni layiqincə tanıyacaq anlayış ver, köməyini üzərimizə zireh et.
Allahım, bizi Sənə şükr edən, Səni zikr edən, Sənə sığınan, Sənə itaət edən, Sənə ibadət edən, Sənə qüsurunu etiraf edib yalvaran və Sənə tövbə edən kəslər et.
Allahım tövbəmizi qəbul et, ruhumuzu təmizlə, verdiyimiz sözləri ifa etməyi nəsib et, içimizdəki kinləri yox et və qəlblərimizdə intiqam, kin və düşmənliyi yox et.
Allahım, biz qəflətən ortaya çıxan qıtlıqdan, din düşmənçiliyindən, qəflətdən, rahatlığa bağlılıqdan, haqqı qəbul etməməkdən və həlak edən gizli fəlakətlərdən Sənə sığınırıq.
Allahım, bizə, günahlardan bizi çəkib çıxaracaq qorxunun, cənnətinə qoyacaq və oraya çatdıracaq itaət və ibadətini, dünya və axirət müsibətindən yüngülləşdirəcək güclü imanı nəsib et.
Bizi ən xeyirli qullarınla ​​birlikdə həsrət, qulaqlarımız, gözlərimiz və qüvvətimizlə mənəviyatımızı gücləndirəcək xeyirlər qazanmağı nəsib et. Bu qazancımızı da əbədi və qalıcı et, bizə zülm edənlərdən intiqamımızı al, bizə düşmənçilik edənlərə qarşı bizə kömək et, səhvlərimizi bağışla, bəlaları başımızdan yox et, xəstələrimizə şəfa ver, könüllərimizi nurlandır, ehtiyaclarımızı nəsib et, ailələrimizə, böyük və Kiçiklərimizə mərhəmət et.
Allahım, bu keçici dünyanı ən böyük qayğımız və elmimizi də son hədəfi etmə, bizə dini və dünyəvi müsibətlər vermə, günahlarımız səbəbiylə bizə mərhəmət etməyəcəkləri başımıza müsəllət etmə, bizə ruzi ver, çünki Sən rəhm edənlərin ən rəhmlisisən.
Allahım, elmimizi, nurumuzu və helmimizi artır, bizə açıq və gizli nemətlər ver.
Xoş gəldin, səfa gəldin ey səhər və ey yeni gün! Salam ey xoşbəxt gün! Və salam ey katib və şahid mələk! Bu söylədiklərimizi bizim üçün yaz:
Allaha iman etmiş, Ona qovuşmağa inanmış və dəlillərini qəbul etmiş, Allahın üluhiyyəti xaricindəki başqa ilahları inkar etmiş və Allaha təvəkkül etmiş oldunuz.
Allahım heç şübhəsiz biz nəfsimizə zulm etdik. Sən bizim kiçik-böyük bütün günahlarımızı bağışla, çünki onları Səndən başqası bağışlayamaz, bizi əxlaqın ən gözəlinə çatdır, çünki Səndən başqa əxlaqın ən gözəlinə çatdıracaq kimsə yoxdur.
Allahım, Öz dərgahından gələcək həya ilə üzlərimizi Öz dərgahından gələcək hüzur və səadətlə ürəklərimizi doldur.
Allahım, bizi comərd, əliaçıq və minnəttsiz verənlərdən et, özünü bəyənən, söz daşıyan, özünü inkişaf etdirməyən və fitnə-fəsad edən insanlardan etmə.
Allahım, qıtlıqdan, həddini aşmaqdan, dolanışıqsız olmaqdan, pis zəndən, sərxoş edici içkilər, bolluq içində qəflətə düşməkdən, pislik etməkdən, verilən xəbərə zənn ilə yaxınlaşmaqdan, qaranlıq fitnədən və dolanışıq darlığından Sənə sığınırıq.
Allahım, bu günümüzü başını yaxşılıq, ortasını qurtuluş, sonunu isə müvəffəqiyyət et! Onu bizim içn səadət, şəhadət, tövbə, bağışlanma və iman ilə yekunlaşdır.
Allahım, bu günümüzü başlanğıcını rəhmət, ortasını fani şeylərdən uzaqlıq, sonunuda maddi və mənəvi ziyafət et.
Allahım, bizə həyatın ən genişini, ömrün ən xoşbəxtini, ruzinin da ən bolunu ehsan et.
Allahım, affınla bizi bağışla, bizə lütf-u kərəminlə davran, günahlarımızdan ötəri bizi dərhal cəzalandırma, Sənə həmd edir və Səni bütün nöqsan sifətlərdən tənzih edirəm.
Allahım, ağlamayan gözdən, qorxmayan qəlbdən, huşu eşitməyən könüldən, qəbul edilməyən duadan, fayda verməyən elmdən, dinlənməyən sözdən, doymayan nəfsdən, az da olsa kömək etməyi sevməməkdən Sənə sığınıram.
Allahım, bizə Quranın sirlərini anlamağı nəsib et, bizi nurlandır, bizi lütf dəryasına daldır, üzərimizə ən gözəl bacarıqları yağdır.
Allahım nuru varlıqlardan əvvəl var olan və dünyaya dəvətləri aləmlərə rəhmət olan Əfəndimiz Muhəmmədə keçmiş və gələcək varlıqlar sayı qədər və bu varlıqlardan cənnəti qazanmış və cəhənnəmi layiq olmuş olanları sayı qədər salat et! Belə bir salat ki bütün ədədləri içinə alan və bütün sərhədləri örtən, sərhədsiz, ucsuz-bucaqsız və kəsilməz bir salat olsun.
Sənin salatınla birlikdə bu salat eynisi, yenə Onun və Onun nəslinin, səhabələrinin və ailəsinin üzərinə olsun, ey mərhəmət edənlərin ən mərhəmətlisi.
Ey Allahım, Ey Rəbbimiz! dua və ibadətlərimizi qəbul et! Həqiqətən, Sən Səmi'sin, hər şeyi haqqıyla eişdir, Alim! hər şeyi bilənsən.
Allahım, bizə hər cür xeyri ver hər cür şərdən qoru. Ey Allahım, ürəklərin təbibi və dərmanı, bədənlərində affiyət və şəfası, gözlərin nuru və ziyası olan Əfəndimiz Muhəmmədə, Onun ailəsinə və əshabına salat və salam et.
Əzəldən əbədə hər cür həmd və tərif şükr və minnət aləmlərin Rəbbi olan Allaha məxsusdur. Salat və salam Peyğəmbərimiz Məhəmmədə (s.ə.s.) və Onun bütün ailəsinə və səhabələrinə olsun.
XƏBƏR LENTİ
- ŞƏRHLƏR