Evlənən cütlüklərin diqqət etməsi lazım olan digər bir məsələ ana-ata olmağa özlərini hazırlamalarıdır. Mənəvi cəhətdən buna hazırlanmanın yolu da dua etməkdən keçir. Çox əhəmiyyətli olmasına baxmayaraq, laqeydliklə yanaşılan mövzu olduğu üçün bütün ana-ata namizədlərinin buna diqqət etmələrini məsləhət görür və duaları sizinlə paylaşmaq istəyirəm.
Ana-atalar, bu dualar hər namazdan sonra, heç olmasa gündə bir dəfə oxunmalıdır. Körpələri doğulana kimi, yəni doqquz ay ərzində hər ay bir xətm etməli, heç olmasa son aylarda bir neçə xətm edib Quran oxumağa diqqət göstərməlidirlər.
Vaxtı olmadığını bəhanə edən ana və atalara da bunu söyləmək istərdik ki, valideyn olmaq asan deyil. Bunun üçün duaya laqeyd yanaşmayın. Bu əhəmiyyətli mövzuya bütün ana-ata namizədlərinin əhəmiyyət və diqqət göstərəcəyini inanaraq, Peyğəmbərlər və saleh qulların adı çəkilən duaları təqdim edirəm.
Ali-İmran surəsi - 35. ayə: "Ya Rəbbi! Mənə təmiz və mübarək bir övlad bağışla. Şübhəsiz ki, sən duaları eşidənsən. "Hz.Zekeriyya (as) 'ın duası.
İbrahim surəsi - 40 ilə 41. ayələr: "Ya Rəbb! Məni də, zürriyətimdən də namaza davam edənlərdən et. Ey Rəbbimiz! Duamı qəbul buyur. Ey Rəbbimiz! İnsanlar haqq-hesab üçün ayağa qalxdığı gün məni, ata və atamı və bütün möminləri bağışla. "Hz. İbrahim (as) 'ın duası.
Saffat surəsi - 100. ayə: "Ya Rəbb! Mənə salehlərdən olan (bir övlad) bəxş et. "Hz. İbrahim (as) 'ın duası.
Əhqaf surəsi - 15. ayə: "... Ya Rəbb! Özümə və ana və atama inam etdiyin nemətinə şükür etmək, sənin razı qalacağın yaxşı əməl etmək üçün mənə ilham ver. Mənim üçün də, zürriyətim üçün də yaxşılığı davam etdir. Mən Sənə tövbə etdim və sənə təvəccöh etdim. Həqiqətən, mən gerçək müsəlmanlardanam".
Bəqərə surəsi - 128. ayə: "Ya Rəbb! Bizi sənə boyun əyən, nəslimizdən də sənə itaət edən bir ümmət çıxar. Bizə edəcəyimiz ibadətlərimizi göstər, tövbəmizi qəbul et. Çünki, tövbələri çox qəbul edən, çox mərhəmətli olan ancaq sənsən. "Hz. İbrahim (as) 'in duası.
Furqan Surəsi - 74. ayə: "Ey Rəbbimiz! Bizə gözümüzün işığı zövcələr və övladlar ehsan buyur və bizi müttəqilərə imam et".
Həşr surəsi - 10. ayə: "Ey Rəbbimiz! Bizi və iman ilə daha əvvəl bizi keçmiş din qardaşlarımızı bağışla. Bizim qəlblərimizdə iman gətirənlərə qarşı kin saxlama. Ey Rəbbimiz! Şübhəsiz ki, sən, çox şəfqətli və mərhəmətlisən".
Təhrim Surəsi - 8. ayə: "... Ey Rəbbimiz! Nurumuzu tamamla, bizi bağışla. Çünki, sən hər şeyə qadirsən".
Saffat surəsi - 100. ayə: "Ey Rəbbim! Mənə salehlərdən olacaq bir övlad ver. "Hz. İbrahim (as) 'ın duası.
Nəml Surəsi - 19. ayə: "... Ey Rəbbim! Mənə və ana-atama verdiyin nemətə şükür etmək və sənin razı qalacağın yaxşı əməllər etməmi könlümə ver. Mərhəmətinlə məni yaxşı bəndələrinin zümrəsinə daxil et. "Hz. Süleyman (as) 'ın duası.
Ali-İmran surəsi - 36. ayə: "... Ey Rəbbim! Qovulmuş Şeytana qarşı, onu (balamı) və onun nəslini sənə tapşırıram. "Hz. İmranın arvadı Hanne'nin (Hz. Məryəmin anası və Hz.İsa 'nın nənəsi) duası.
Ali-İmran surəsi - 8. ayə: "Ey Rəbbimiz! Bizi doğru yola yönəltdikdən sonra qəlbimizi azdırma. Bizə rəhmətini bağışla. Şübhəsiz ki sən, lütfü ən bol olansan".
Bəqərə surəsi - 286. ayə: "... Ey Rəbbimiz! Bizdən əvvəlkiləri yüklədiyin kimi bizə ağır yük yükləmə. Ey Rəbbimiz! Gücümüzün çatmayacağı şeyləri də bizə yükləyib daşıtdırma. Bizi bağışla. Bizi bağışla. Sən Mövlamızsan. Kafirlərə qarşı bizə kömək et".
XƏBƏR LENTİ
- ŞƏRHLƏR