Yaxşılıq edin...
Allahın xoşladıqları o insanlardır ki, həmin insanlar dünyanın görünüşünə baxdıqları zaman eyni zamanda dünyanın gizli üzünü görür. Elm hakimdir ölməz, mal isə məhkumdur, bu gün var olar, sabah yox...
İgidin ayaqları dayanmaq, qorxağın ayaqları qaçmaq üçün yaradılmışdır. Səndən soruşuluncaya qədər susmaq susduruluncaya qədər söyləməkdən xeyirlidir.
Himayə altındakılara yaxşılıq etmək istəsən onlara ədəbi və tərbiyəni öyrət..
Hansı insanın övladı olmağına baxmayaraq tərbiyə öyrən!..Bu gözəllik səni başqa bir əsalətə məcbur etməz..
Qənaət az olan şeyi çoxaldar, israf isə əksinə, azaldar.
İşlərində tələssən geriləmə baş verə bilər və sonda peşman ola bilərsən.
Çox yeməkdən çəkin. Çünki çox yemək bədənin sağlığını pozar və gecə istirahətini ortadan qaldırar.
İnsan hansı əxlaqın sahibidirsə digər insanların arasında öz əxlaqına uyğun olanı tapar. Beləcə pis əxlaq sahibi pis ilə, gözəl əxlaq sahibi isə gözəl əxlaq sahibi ilə yoldaşlıq edər.
Allahu Təala qullarından birinə sevgi bəxş edərsə ona gözəl xasiyyət və təmiz qəlb verər.
Niyyətinizi pozmayın.Əks halda bəlalar üzərinizə yönələcəkdir.
3 halda insan utanmamalıdır:
Qonağa xidmət etməkdə. Hər hansısa bir məclisdə atasına və ya böyüyünə ayağa qalxaraq hörmət göstərməkdə. Nəticəsi nə olur-olsun haqqını tələb etməkdə
Heyrətlənərəm Allahın varlığından şübhəyə düşənə ki, Allahın yaratmasına daima şahiddir.
Təəccüb edərəm Allahın varlığından şübhə edənə ki, hər gün ölənləri gözləri ilə görür.
Təəccüb edərəm axirəti və yenidən dirilişi inkar edənə ki, hər şeyin ilk dəfə yaradıldığını görür və bilir.
Heyrətlənərəm bu insana ki, bir yağ parçası ilə görməkdə, bir ət parçası ilə danışmaqda, bir deşik ilə nəfəs almaqdadır.
Hz.Əli belə buyurmuşdur :
Yüksək məqam istədim- təvazökarlıqda tapdım
Təfəkkür istədim- elmdə tapdım
Kəramət istədim- təqvada tapdım
Zəfər istədim- səbrdə tapdım
Rahatlıq istədim- həsədi tərk etməkdə tapdım
Şükür istədim- rızada tapdım
Peşmanlıq hiss etmədən yaşamaq istəyirsənsə malının haqqını ver. Dostlarını nəzərindən kənar etmə. Sözlərinlə Allahın və insanların əsərlərini, qayələrini təqdir et. Susqunluğun isə təfəkkürün olsun.
Məqsədinin gerçəkləşməsi üçün iddialarını kiçiltməyin lazımdır.
Bir çox insan yüksək nəfs sahibi olduqlarından sonda kədərə məruz qalar. Səbrlə hərəkət edənlər isə xoşbəxtliyə çatar...
Xeyirin nemətlərini əldə etdiyin zaman çox sevinmə, sıxıntı və məşəqqətə düçar olunduğun zaman kədərlənmə.. Çünki, hər ikisinin də ömrü qısadır..
Söylənənlərlə razısınızmı???
XƏBƏR LENTİ
- ŞƏRHLƏR