Zülm
Peyğəmbər (s.ə.v): "Zülm üç qismdir: Bir növ vardır ki, Allah onu bağışlamır, bir zülm vardır ki, Allah onu bağışlayır, bir zülmü də tərk etmir. Allahın bağışlamadığı zülm şirkdir. Allah buyurmuş ki, həqiqətən şirk böyük zülmdür. Allahın bağışladığı zülm isə bəndələrin özləri ilə Allah arasında olan işlərdə özlərinə zülm etmələridir. Allahın tərk etmədiyi zülm isə bəndələrin bəzilərinin digərlərinə etdikləri zülmdür". "Məzlumun duasından həzər edin, çəkinin, hətta kafir olsa da. Çünki bu duanın qəbul olunması qarşısında heç bir hicab və pərdə yoxdur". "Hər kəs məzlumun haqqını zalımdan alsa, cənnətdə mənimlə birgə olar ". "Həqiqətən, insanlar zalımı görüb, onu zülmdən çəkindirsələr, ehtimal verilir ki, Allah onların hamısını Öz əzabına düçar etsin". "İnsan gərək öz din qardaşına kömək etsin, istər zalım olsun, istərsə də məzlum. Əgər zalım olsa, onu zülmdən çəkindirsinki, bu da ona kömək etmək hesab olunur. Əgər məzlum olarsa, ona kömək yetirsin". "Allah buyurur ki, calal və izzətimə and olsun ki, zalımdan həm bu dünyada, həm də axirətdə hökmən intiqam alacağam. Məzlum şəxsi görüb ona kömək etməyə qadir olduğu halda kömək etməyən şəxsdən də hökmən intiqam alacağam". "Allah rəhmət etsin, o bəndəyə ki, öz din qardaşının abır-həyasına və mal-dövlətinə haqsızlıq edə və qiyamət günü dirhəm və dinar olmayan yerdə ondan istəməzdən qabaq gedib ondan halallıq alsın. Əgər belə etməzsə, yaxşı bir iş görmüş olarsa, ondan bu günahlarından götürülüb onun günahlarına əlavə edilər".
İmam Baqir (ə): "Allah zalımdan hər vaxt intiqam alıbsa, yalnız başqa bir zalımın vasitəsinilə intiqam almışdır və bu da Allahın buyurduğu bu kəlamdır: Beləliklə, zalımları etdikləri əməllərin cəzası olaraq bir-birinə müsəllat edərik".
İmam Əli (ə): "Hər kəs zülm, yaxud batil yolla izzət axtarmaq istəsə, Allah-taala ona insaf və haqq ilə zillət nəsib edər".
İmam Səccad (ə) dua edərkən, belə deyərmiş: "Pərvərdigara! Sənə pənah aparıram...bu əməldən ki, zalıma kömək edəm, yaxud ürəyi yanmış, ah-nalə edən məzlumu köməksiz qoyam, yaxud da bizim haqqımız olmayan şeyləri istəyəm".
XƏBƏR LENTİ
- ŞƏRHLƏR