[hide]
Şəvval ayının birinci günü Ramazan bayramıdır. Bayram günündən sonra Şəvval ayı bitənə qədər altı gün oruc tutmaq, Rəsulullah - sallallahu əleyhi və səlləmin tövsiyə etdiyi sünnə bir ibadətdir. Şəvval ayında tutulacaq altı günlük oruca bayramdan dərhal sonra başlayıb ara vermədən tamamlamağı daha fəzilətli qəbul edən alimlər olduğu kimi, ayın içinə yayaraq tutmağı daha fəzilətli tapanlardan vardır. Hansı istənsə seçim edilir. Şəvval ayının ilk günündəki Ramazan bayramının ilk günüdür - oruc tutulması haramdır. Bayramın digər günlərində və Şəvval ayında qəza və ya nafilə oruc tutula bilər. Oruc ayı Ramazanın tamamlayıcısı vəziyyətində olan Şəvval ayında tutulacaq altı gündəlik oruc bir müsəlmana bütün bir illik oruc savabı qazandıracaq. Bu altı gündəlik orucun bitişik olması, yəni heç ara vermədən tutulması məcburiyyəti yoxdur, aralıqlarla da tutula bilər. Şəvval ayında tutulacaq altı gündəlik orucla bir il oruc savabının necə əldə ediləcəyi alimlər belə ifadə edilir:
Dinimizdə bir yaxşılıq edənə on savab veriləcəyi yolundakı hədis əsas götürülsə, bir müsəlman otuz günlük Ramazan orucuna əlavə olaraq Şəvval ayında altı gündəlik orucla otuz altı gün tutmuş olur. Bu otuz altı rəqəmi hədisdə ifadə edilən on savab ilə çarpıldığı zaman 360 gün əldə edilir. Beləcə hicri ay hesabıyla ilin hamısı orucla keçirilmiş kimi olar. Şəvval ayında tutulması tövsiyə edilən altı günlük oruc haqqında hədis kitablarında bu hədislər yer alır. "Hər kim Ramazan orucunu tutar da sonra ona Şəvvaldan altı
günü əlavə etsə, bütün il oruc tutmuş kimi olar. "(Müslim, Siyam, 39(1164) "Kim Ramazan orucunu tutarsa və ona Şəvvaldan altı gün daha əlavə etsə, bütün ili oruclu keçirmiş kimidir. "(Tirmizi, Siyam, 53) "Bir kimsə Ramazanı oruclu keçirər, sonra arxasından Şəvvaldan da altı gün tutarsa, bütün il oruc tutmuş kimi olar. "(Əbu Davud, Savm, 58) "Kim Ramazan orucunu tutar, sonra Şəvvaldan altı gün oruc tutarsa, onun tutmuş olduğu oruc, ilin hamısının orucu olmuş olar. " (İbn Macə, Siyam, 33) Süfyan-ı Sevri belə izah edir: "Mən, Məkkə-i Mükərrəmədə üç il oturdum: məkkəlilərdən bir kimsə hər gün Hərəmi-i Şərifə gəlir təvaf edər, namaz qılar və sonra da mənə salam verib gedərdi. Mən bu kimsə ilə tanış oldum. Bir gün o kimsə məni yanına çağırdı. Mənə dedi: "Mən öldüyüm vaxtda öz əlinlə məni yu, cənazə namazımı et və məni dəfn et. O gecə də məni tərk etmə. Münkər və Nəkirin sualı anında mənə tövhidi təlqin et". Mən də o kimsənin istədiklərini etməyi qəbul etdim. Mənə əmrinə əməl etdim. Qəbrinin yanında gecələdim.O gecə yuxu ilə oyaq arasında ikən: "Ey Süfyan! Məni qorumağa və sənin təlqininə ehtiyacım qalmadı", deyə bir səs eşitdim. O zaman: "Nə səbəblə bu lütfə çatdın?" deyə soruşdum. Mənə cavab olaraq: "Ramazan orucunu tutub Şəvvaldan altı gün daha oruc tutduğum üçün" - dedi.
XƏBƏR LENTİ
- ŞƏRHLƏR