Gulshen_q
"Salam Gülşən... 16 yaşın olarkən ədəbiyyat dərsində müəllimin verdiyi inşanı həvəslə yazmağa başlayıb hamıdan tez bitirməyə çalışırdın. "20 ildən sonrakı həyatımı necə təsəvvür edirəm." Sən çox uzaq görünən qarşıdakı 20 ildə nələr arzulamırdın? Ali təhsil, əbədi sevgi, karyera və s... Nədənsə bu arzuların içində ana olmaq və xoşbəxt ailə ən sonda gəlirdi... Bəlkə də o zamandan sənə çox məsuliyyətli görünürdü bunlar...Artıq illər keçdi. Arzularımın çoxuna çatdım. Amma görürəm ki, həyatımda yenə də nəsə çatmır. Ona görə də sənə bəzi məsləhətlərim olacaq... İndi səndən xeyli təcrübəliyəm. Ötən zaman ərzində həyat mənə o qədər şeylər öyrətdi ki... Onları öyrənmək üçün illərini itirməni istəmirəm. Yazdıqlarımı diqqətlə oxu...
1. Nə olursa olsun, öz düşüncələrinin ardınca get. Komplekslərindən qurtulmağa çalış...
2. İnsanlara qəlbini tam açma. Özündə saxlaya biləcəyin sirrlərin olsun. Başqalarının sirrini saxlamaq asandır, öz sirrini də qorumağa çalış. Özün özünün dostu olmağı bacar...
3. Karyera qurmaq, iş qadını olmaq yaxşıdır, amma şəxsi həyatını da düşün. Əgər müəllim növbəti dəfə inşa yazdırarsa, o zaman bu haqda da nəsə yaz. Çünki insan hansısa arzusunu düşündüyü andan başlayaraq onun ardınca gedər. Və o arzuların çin olacağına inanar. Amma unutma ki, arzuların reallığa nə qədər yaxın olsa, yerinə yetməsi də bir o qədər tez mümkün olacaq. Xoşbəxt olmaq istəyirsənsə, əlçatmaz arzularından da vaz keçəsən gərək.
4.Həyatın çətinliklərinə baxmayaraq qarşıda səni gözəl gələcək gözləyir, əzizim...Hələ də gec deyil...
P.S. Səninlə dost ola bilməsəm də səni çox sevirəm. Çox təəssüf ki, bu sevgini də bu günlərdə hiss etdim... Sən tək deyilsən, qızcığaz, MƏN səninləyəm.
Hacət-i Vuslat
Salam Lalə... İndi 16 yaşın var, gələcək arzularını ən önəmli hesab etdiyin zaman... Təhsil almaq, öz gələcəyini təmin edəndən sonra Bəlkə ailə qurmaq, bəlkə də sadəcə kimsəsiz bir uşağa ailə olmaq..."Sevgi" sənin üçün xəyal olub, bilirəm, çünki "sən" - "mənəm". Çox yox, 5-6 il sonra başına gələn xoşbəxtliyi yuxularda görərdin ancaq... "mən" - "sən" olduğum üçün mənə qulaq ver: ürəyinə, beyninə gələn, tamamilə sənin təbiətinə zidd olan o qərardan nə badə əl çəkəsən! Et bunu! Sevgidə qürur olmaz, əyilmək olmaz, sevgi yalnız ucaldar!... Amma peşman olacağın, səni ömür boyu yandıracaq yüklərindən qaçmaq üçün yardım edə bilmərəm sənə... Çünki altında əziləcəyin o yükün səbəbkarı sənsən, sənin daxilindir, sənin nəfsindir, içindəki ilanı boğ ki, indi məni zəhərləyən kimi, səni də zəhərləməsin... Kaş, kaş sənin yerinə dönəydim, kaş həyatımı yalnız bir Sevgiyə həsr edəydim... Haqqa...
Çox maraqlı mövzudur bacı, inanıram xəbərin bomba kimi partlayacaq!
Ibrahimova Gulya
Əzizim Gülya, salam.
Əslində bu məktubu sənə 5 il bundan əvvəl yazmalıydım. Amma onda yeniyetmə bir qızcığaz idim, elə arzularım da özüm kimi yeniyətmə idi. Yəqin ki düşüncələrimi, fikirlərimi istədiyim kimi sənə çatdıra bilməyəcəkdim. İndi isə yazıram... 5 il öncə nələr arzulamırdın ki... Ananla atanın sənə çəkdiyi əziyyəti yerdə qoymayıb da universitetə daxil olmağı, sənin zəif olduğunu dillərinə gətirənlərə heç də zəif olmadığını göstərməyə çalışmağını unutmaram. Hər bir şeydə niyyətinin arxasınca getmək, iradəli olmaq istəmisən. Ən əsas da kökəlməkdən qorxduğunu unutmaram. Dayanmadan keçən zaman, aylar, illər səni arzularına qovuşdurdu. Qazandıqların oldu, amma bu qazanclar səndən narazı olduğun şeylərin azalmasına səbəb olmadı. İndi istəyirəm yazdıqlarımı çox diqqətlə oxuyasan.
Məqsədlərinə addım-addım çatmağa çalış, səbirli olmağı bacar. Hər şeydə istəyirsən öz dediyin olsun ancaq çalış kənardakıların da fikrini öyrənəsən. Bəlkə onların dedikləri sənə lap maraqlı gəldi. Komplekslərindən qurtul, sən kökəlməyəcəksən özünə bu qədər zülüm etmə. Hər bir işdə iradəli olmağı bacar. Heç kimi ürəyinə çox yaxın buraxma əgər səni incitsələr həyatdan tez küsəcəksən. Həyat çətinliklərlə doludur, tez bezmə bu çətinliklərdən, mübarizə etməyi bacar. Ey "Mən", mən səni çox istəyirəm. İnadkar olmağını, sözünün üstündə durmağı bacarmağını, ən əsas da risk etməyə bacarmağını çox sevirəm. Sən tək deyilsən, unutma, mən sənin hər addımında səni izləyirəm.
"Gələcəyin bir neçə adı var. Zəif insan üçün gələcəyin adı mümkünsüzlükdür, qorxaq insan üçün naməlumluqdur, düşüncəli insan üçün isə idealdır". Sən düşüncəli insan ol, əziz dostum...
Elnur Məmmədov
"Sənin səadətdə bir böyük əskiyin var - namaz! Bu əskiyini tamamla, ismət və ləyaqət - Allahın buyurduğu namazla səni yüksəldəcək! "İnsanların yox, Allahın qarşısında üzün ağ, vicdanın təmiz olsun deyə namaz qıl! (sonda isə namaz qaydaları kitabçasını da (yollayardım) yazardım.... o vaxtlar tapılmırdı. Yazdığın şerləri dərc etdirməyə maliyyə çətinliyin var deyə, cırıb atma... Bir də 2009-cu ildə axtarış edərsən, "Qadin.Net" adlı bir sayt tapsan, orda dərc edərsən... Mən heyif ki, bu saytı 2013-cü ildə tapdım. Sən gec qalma... Adından da ürkmə, tək qadınlar üçün yox, net qadınlar üçün, cəmiyyət üçündür bu sayt (Qadına "net" olmaq üçün onu sevən, ləyaqətlə qayğısına qalan bir kişi, könlünün sultanı lazımdır!).
Seadet Sexavet
Deməli Əziz "Mən." Sənə əziz deyirəm. Çünki gələcəkdə yaşayacaqlarını bilirəm və sənin necə möhkəm olmanla qürur duyuram. Amma bu fəxr ediləsi deyil. Gələcəyində yaşamaq istəmədiyin məqamlarla bağlı sənə bir neçə məsləhət verim. Hər halda mən səndən böyüyəm. Haqqım var. Qarşına çıxan şansı qiymətləndirməyi bacar. Özündən uzaqlaşdırmaq istədiyinin qəlbinə dəymə. Sınan qəlb gələcək həyatında səni izləyə bilər... Qarşına çıxana qohumdu deyib hörmət etmə... Ali savadın ola-ola karyera qur. Ailə qurmaga tələsmə. Ali məktəbi bitir sonra. Üzünə güləni dost bilmə. Həmişə ata-ananın dediyi bir əsas məsələdə sən qərar ver... Üzünə gülən insanın səhvini görəndə çəkinmə. Fikrini sərrast bildir... Çalış həyatda kimsə inciməsin deyə hərəkət etmə. Əsası sevginin əlini tut, aradan çıx... İndi mənə desələr sənin qızının 16 yaşı var o eləsə... Qısa cavab olmaz....
Salam.
İndi mənim 20 yaşım var, mən 4 il bundan qabaqkı, yəni 16 yaşımdakı Sevdaya yazıram. İndi 20 yaşım olsa da mən 16 yaşımdakı Sevdaya heç nə deyə bilmirəm. Çünki o gündən bu günə həyatımda hər şey istədiyim kimi gedir. Sadəcə arxaya dönüb baxdığım zaman 16 yaşımdakı Sevdaya onu deyə bilərəm ki, nə yaxşı ki mən o yaşda sevdiyim şəxslə bağlı düz qərar vermişəm. O zaman yaşım az olmasına baxmayaraq indiyə qədər qərarımda peşman bir işim olmayıb. Allahım da İnşAllah həyatda məni peşman etməz. İndi çox xoşbəxtəm. Hər kəsə belə xoşbəxtlik sevib sevilməyi arzulayıram.
Sirli_dunyam
Mən 16 yaşımdakı mənə bu məktubu yazardım: Ay qız bəsdir mənasız həyatından gileyləndin təhsil almaq sənə qismət olmasa da. Səbr elə, Allah Təala sənin taleyinə elə bir insan yazıb ki, hər bir qadının arzuladığı kimi bir insan... Unutma Allah bir qapını bağlayanda o biri qapını açar. Nənənin ağır xəstəliyi səni üzməsin, nənə Allahın rəhməti sayəsində sağalacaq (indi də nənəm yaşayır, fikir çəkmək mənə qaldı) və Allah mənə, yəni sənə gül kimi 3 bala nəsib edəcək...
Elifв™Ў
Əziz Sevinc... sən hələ çox gəncsən. Hal-hazırda ən gözəl yaş dövrlərindən biridir. Gələcəkdən, illərin nələr gətirəcəyindən qorxma. Əlbəttə həmişə hər şey sən istədiyin kimi olmaya bilər. Xoşbəxt olmayacağını da heç vaxt düşünmə! Bu hissi özündən uzaqlaşdır. Bəlkə də səni qarşıda gözəl günlər gözləyir. Səhvlərini özünə etiraf etməkdən çəkinmə. Sən ki özünü hər kəsdən daha yaxşı tanıyırsan. Rəbbindən hər zaman səhvlərinə görə bağışlanma və doğru, haqq yolda olanlardan olmanı dilə. Şübhəsiz O, sənin qəlbinə ən yaxın dostdur. Evdə ara-sıra problemlər olsa da üzülmə. Dərslərinə də daha ciddi hazırlaş!!! Bəzən hirslənirəm "Niyə belə etdin", "Niyə belə dedin" deyirəm. Bunlar da sənin yaxşılığın üçündür.
Aytac Mammedova
Salam Mən, sənə 2013-cü ildən yazıram. İndiki zamanda hər şey çox dəyişib, pul qazanmaq o vaxtki kimi deyil, o vaxtı belə rahat pul qazanıb təhsilini 11-ə qədər başa vura bilərdin. Onsuz da sənə nə fərqi var, sən balacalıqdan şahmatlara paltar tikərək dərziliyi seçmişdin. İndi o vaxtki kimi qaşqabaqlı qız deyilsən, zarafatı çox sevirsən. 18 yaşında ailə quracaqsan, qızıl xasiyyətli yoldaşın və iki şirin qızın olacaq, ama heç peşmançılığını çəkməyəcəksən, amma ailə quranda ayrı evdə olmağını istə, çünki evinizdə yoldaşını səninlə paylaşmayan valideynləri olacaq. Buna baxmayaraq yenə xoşbəxtsən, səni dəlicəsinə sevən yoldaşın və yaxınların var. Bir arzun var - xoşbəxtliyini itirməməkdi...
XƏBƏR LENTİ
Azərbaycanda qeyri-adi hadisə: göydən qurbağalar yağdı
Ananaslı-kəsmikli gül piroqu (foto-resept)
Serenay Sarıkayadan Yeni İl arzusu
Dünyanın ən bahalı dikdabanın qiyməti bəlli oldu-FOTO
Yaponiyada vulkan dəhşəti davam edir
Toyuq budlu boxça(foto resept)
Qitələrarası ilk “teleportasiya” keçirilib
MN: Düşmən qüvvələrindən əsir götürülənlər var
Azərbaycanda qış turizminə hazırlıq gedir
Mənə namaz necə nəsib oldu
Yeyə bilməyəcəyiniz çörəklər
Xəzərdə zəlzələ oldu
Bədən formanıza görə gəlinlik seçimi
Azərbaycanda marketlərdə qablaşdırılmamış məhsulları almaq qadağan edildi
Amerika tərzi
Bir-birindən gözəl yay ayaqqabıları
3D parlaq nöqtə manikürü necə olur?
Günün qoroskopu: Yeni ideyalara açıq olun!
Valideynlərin 4 səhvi
Qadınlara bəzi məsləhətlər
Nazirlik 3 min pişiyin ölümündə günahlandırılır
Love you forever
Bakıda qadınlara həsr olunan sərgi - FOTO
Kirpik dibi iltihabı və müalicəsi – Blefarit
Koronavirusun ikinci dalğası daha təhlükəli olacaq? - professordan açıqlama
Dənizdəki görüntü hər kəsi təlaşlandırdı – VİDEO
Məşhurların istifadə etdiyi maskalar
Bel və qarın ətrafındakı yağları əridən ərzaqlar
Qışda dodaqlara qulluq
Gün var, əsrə bərabər: Ötənləri yada salaq
Maska taxmayanlar COVID-19-dan ölənlərə məzar qazmaqla cəzalandırıldı
Bergüzar bacısına qadağa qoydu
100 min uşaqdan biri kisədə doğulur-FOTO
Bir ananın qızına evlilik haqqında nəsihətləri
Körpələrdə sarılığın müalicəsində yeni metod
Dostluq və üzr Sözləri ...
Uşaqların sosial-psixoloji inkişafı-6
Sənətçilərimizin gerçək yaşı - SİYAHI
Fredi Merkuri və onun sevimli pişikləri
Caliber: “Rusiya sülhməramlılarının sərxoş hərbçisi erməni revanşizmini alovlandırır” - VİDEO
Ermənistan məhbusların cəbhəyə göndərilməsini rəsmən təsdiqlədi
Xələf Xələfov: "Azərbaycanla Türkmənistan arasında Xəzər dənizində mübahisəli yatağın olması məsələsindən danışmaq yersizdir"
Ulduzlar üzlərinə necə qulluq edirlər?
Qubada qədim qəbirlər tapılıb
Müasir insanların mübtəla olduğu lənət
"Nodulyar dermatit"ə qarşı dərmanlar gətiriləcək
Arıqlama haqda yanlış məlumatlar (2)
Qadınlar üçün Ən Təhlükəli 10 Ölkə
Emilidən gözlənilməz Addım-FOTO
Cəfəri ilə xəstəlikləri sağalt - Xanımlar üçün.
- ŞƏRHLƏR