Bakıda hava
USD AZN
EUR AZN
08:57Xəyalə Murad Sabahınız xeyir,Pəri xanım 08:34PERI sizinde sabahiz xeyir xeyale xanim 08:17Xəyalə Murad Sabahınız xeyirli,gününüz aydın olsun,Əziz Qadin.Netlilər!
41221

Mark Levi – Kölgə oğrusu

 

 

Mark Levi əsərlərini oxuyarkən xüsusi bir zövq aldığım yazara çevrilib.3 əsərini oxumuşdum və bu əsərlərdə istədiyim rahatlığı,axıcılığı,sadə dili və yüngül fantastikanı tapmışam.Oxucu kimi əsərin anlaşıqlı və rahat dildə yazilmasi mənim üçün önəmli bir xüsusiyyətdir.Mark Levinin əsərlərindən arzuladığım xoş təəssüratı və rahatlığı ala bilirəm. “Kölgə oğrusu” əsəri qəhrəmanın öz dilindən nəql olunan,nağılvari bir üslubda yazılıb.Qəhrəmanımız ((əsərdə qəhrəmanın adı verilməyib deyə mən ona qəhrəman deyəcəm)) öz uşaqlığından başlayaraq gənclik illərinə qədər həyatında baş verən hadisələri nəql edir.Bu obrazın özəlliyi çox geniş bir xəyal gücunə malik olmasıdır.

Evin tək uşağı olmağı və məktəbdə də 6-cı sinfə gəlməsinə baxmayaraq heç bir dostu olmur və bir gün öz kölgəsi ilə danışmaga başlayır.Bu istedadı sayəsində ətrafındakı insanların duyğularını onların kölgələrindən eşidir.Qəhrəmanın uşaqlığını danışdığı bölmədə onun atasının evi tərk etdiyini,anası ilə tək yaşadığı dövrü,məktəb illərindəki ilk və ikinci sevgisini,məktəbdə yanğın vaxtı xadiməni xilas etdiyini oxuyuruq.Bunları oxuyanda da qəhrəmanımızın necə incə ruhlu olduğunu,ətrafındakılara diqqət ayırdığını,balaca bir uşağın içində geniş bir dünya olduğunu görürük.İlk sevgisindən sonra ikinci sevgisini anası ilə getdiyi bir dəniz qırağında kar və lal olan bir qızla yaşayır.İllər sonra tibb universitetində oxuyarkən öz dostları ilə yenidən bu sahilə qayıdır və xatirələri yenidən canlanır.Buna görə də uşaqlıq eşqinin axtarışına başlayır.Onu tapıb tapmadığını,qızın nə vəziyyətdə olduğunu isə əsəri oxuyub bilərsiz. Bu əsər haqqında qısa bir məlumat idi.Hər nə qədər içinə qapalı insanları sevməsəm də ozüm bir vaxtlar bu xarakterdə olmuşam deyə qəhrəmanı daha yaxşı anlayıram.Kompleksli uşaqlıq keçirməyinə baxmayaraq həyatında düzgün yolu seçməsi əsəri oxuduqca məni sevindirdi.Əsərdə bəhs olunan kölgələr əslində onun xatirələridir,keçmişidir.K eçmişimiz də kölgə kimi bizə yapışıb hara gediriksə arxamızca gəlir.Kitabda həm ailə,həm də sevgi,dostluq münasibətlərinə yer verilib.Məni isə sevgi münasibətlərindən daha çox ailə münasibətləri maraqlandırırdı.Qəhrəmanın anası ilə olan münasibəti,həm uşaqlıqda,həm də gənclik dövründə uzaqda da olsa anasının qayğısını çəkməyi xüsusilə vurğulanıb.Atası evi tərk etdiyi gündən ana-oğul bir-birinə sığınaraq yaşamağa başlayıb.Əsərdə xüsusi yer verilən münasibətlərdən biri də dostluqdur.Qəhrəmanın uşaqlıq dövründən gənclik illərinə qədər yeganə dostu olur və bu dost həmişə ona kömək olur. Beyninizi,duyğularınızı rahatlatmaq üçün bir əsər axtarsanız bu əsəri seçə bilərsiniz.Çünki oxuyanda insana layla təsiri bağışlayır Fasiləsiz oxuduğum və 3-4 saata bitirdiyim bir əsər oldu. Xoş mütaliələr

Gulnar Davudova

Səslərin sayı: 2
1
1379
loading...
Şərhlər
Offline
Xəyalə Murad
Tərcümələrini axtarıram. Tükcə kitab oxumağı sevmirəm. Rusca tapsam mütləq oxuyacam. Ancaq yerli nəşriyyatlarımız Markın kitablarını tərcümə edərsə, sevə-sevə alaram
25 dekabr 2015 21:36
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Adıniız:*
E-Mail:
ıifrə: *
Son şərhlər
loading...
Son yazılar
Hansı fəsili daha çox sevirsiniz?
Yaz
Yay
Payız
Qış