Sevginin kompensasiyası
Nigahda olduğu illər ərzində o, əla şəkildə özünü xoşbəxt göstərməyi öyrənmişdi, amma daha bunu etmək istəmirdi. Uels şahzadəsi (bu titulu o saxlamışdı) boşandıqdan sonra daha böyükmiqyaslı sevgiyə “keçdi”, bu ailə sevgisindən daha böyük idi – o, xeyriyyəçiliyə (adətən, əvvəllər bu protokola uyğun həyata keçirilirdi) başladı və o, bunu formal yox, tam ürəkdən edirdi. Çarlzın qərarsız arvadı öldü – yeni Diana dünyaya gəldi və onun cəsarəti digər insanlara da örnək oldu. Onun missiyası yarandı; “Mən hər zaman humanitar insan olmuşam, varam və olacam da. Mən bacardığım qədər insanlara kömək etmək istəyirəm…Dünya insan sevgisinin və nəvazişinin yoxluğundan getdikcə daha çox əziyyət çəkir… Kimsə çıxıb insanları sevməli və onlara bunu deməli və göstərməlidir”. Diana ingilis baletinə, xəstəxanalara, uşaq xəstəxanalarına dəstək olurdu – QİÇS-ə, xərçəngə, leykamiyaya tutulanlara kömək edirdi, piyada əleyhinə minaların qadağan olunması uğrunda mübarizə aparırdı – Anqoladakı mina tarlalarına həsr olunmuş film çəkmişdi. Şahzadənin bahalı paltarları isə xeyriyyə hərraclarında vurulan çəkiclərin hər yeni zərbəsi ilə gedirdi. Onun mənəvi mürəbbiyəsi, tərbiyəçisi Tereza Ana olmuşdu. Tereza Ana Ledi Diananın mənəvi ustadı idi.
Ledi D-inin məşuqları
Başqalarının çirkli işləri üzərində pul qazanmağı sevənlər şahzadə Diananın intim həyatının təfərrüatlarını üzə çıxartdıqca daha çox məmnunluq duyurdular. Gizli sevgililərin sayı gah 5, gah 7, gah 14 olaraq göstərilirdi. Ümumilikdə onların nə qədər olduğunun əhəmiyyəti yoxdur, amma unutmamaq lazımdır ki, hər bir qadının xoşbəxt olmaq hüququ vardır.
Cütlüyün münasibətləri getdikcə daha da gərginləşirdi və 1992-ci il onların münasibətlərində qırılma nöqtəsi oldu. Bu barədə yüzlərlə söz demək olardı, amma Diananın Tac Mahal qarşısında tənha oturmuş şəklinə baxanda hər şeyi anlamaq mümkün idi.
Diananın müdafiəsinə onu qeyd edək ki, Çarlz heç zaman xüsusi temperamenti ilə fərqlənməyib (hətta öz ərlik funksiyalarını o 3 həftədən bir yerinə yetirərdi). Nigahın bağlanmasından 4 il sonra isə intim münasibətlər tamamilə kəsildi. Bu işdə yaş da öz rolunu oynayırdı.
Çarlzın bir kişi kimi hissləri zəifləməyə başladığı halda Diana hələ çiçəklənmə dövrünə doğru irəliləyirdi. Görəsən, daim bir qadın olaraq öz cəlbediciliyinə əmin olmaq üçün bu cür çılğınlıqlar edən Diananı qınamaq olarmı?
(Nəzərinizə bir daha çatdıraq ki, Çarlz Dianaya hər zaman Kamillayla xəyanət edib və Kamilla Dianadan çox-çox eybəcər olub və bir qadın olaraq bu Dianaya çox pis təsir edirdi).
Cangüdən Barri Manaki ilə Diana 1985-ci ildə tanış oldu və tanış olan kimi də onu sevdi. Hətta Diana elə fikirləşirdi ki, Manaki üçün o hər şeyi atıb getməyə belə hazırdır. Diana ilə Manakinin münasibətləri haqqındakı şayiələr II Yelizavetanın qulağına çatdı və həmin andaca Manaki işdən qovuldu. 1997-ci ildə isə Manaki avtomobil qəzasında həlak oldu. Onun motosiklini qarşıdan gələn maşın vurub yolun kənarına atmışdı. Bu hadisənin bədbəxt hadisə, yoxsa qəsdən adam öldürmə olduğu haqqında hələ də dəqiq fikirlər yoxdur.
“Ürəklərin kraliçası” fenomeni
İnsanlar Diananı parlaq, bənzərsiz, şən, eleqant və ən əsası Britaniya aristokratiyasının digər nümayəndələrinə bənzəməyən xüsusiyyətlərinə görə sevirdilər. O zamanlar kral ailəsində baş verənləri hər bir qadın başa düşürdü. Onlar Diananın üz-üzə qaldığı problemləri (hiyləgər rəqib, xəyanətkar ər, laqeyd qaynana) bilirdilər.
1987-ci ildə Diana oğullarına at çapmağı öyrədəcək müəllim axtarmağa başlayır və Ceyms Xyutonla tanış olur. Deyirlər ki, atlar yaxşı insanları pis insanlardan ayırd edə bilirlər, amma Xyutonla bağlı deyəsən, atlar da yanlış fikrə düşüblər. Belə ki, ilk başlarda Ceyms özünü əsl centlemen kimi aparsa da, 7 ildən sonra o, Diana ilə olan münasibətləri haqqında sağa-sola danışmağa başladı, hətta şahzadə Qarrinin atası olduğunu iddia etdi. Britaniya xalqı bu söz-söhbətə görə Ceymsə nəinki nifrət etdi, hətta onu «siçovul» adlandırdılar.
Diana özü də yer üzünə düşmüş mələk deyildi, amma bir qadın olaraq o ərinin ruh şəklində fırlanan sevgisini qazanmaq üçün əlindən gələni əsirgəmədi, lakin bu sevgini o qazana bilmədi. Əvəzində isə o, daha böyük sevgi – özünə sevgi və milyonların ona qarşı olan rəğbətini qazandı.
Diananın sonuncu sevgilisi məşhur London supermarketi «Harrots»un sahibi misirli milyarderin oğlu Dodi əl-Feyd oldu. Bu münasibətlərin ciddiliyi haqqında nəsə demək çətin olardı, amma digərlərindən fərqli səviyyəyə aid münasibətlər idi. Həm onun, həm də Diananın arxasında boşanma təcrübəsi var idi. Buna görə də, ingilis zadəganlarının narazılığına baxmayaraq onların hər ikisi yenidən xoşbəxt olmağa hazır idilər. Hər halda ölümlərindən bir neçə saat öncə Dodi əl-Feyd zərgərlik dükkanlarından birində danışan ada sahib «Dis-moi oui» («Mənə HƏ de) adlı üzük alırmış…
Diananın ölümündən sonra hər saatda 6 mindən çox insan onun xatirəsini yad eləmək üçün saray darvazaları önünə gəlirdilər, çiçəklər qoyub, dualar oxuyub, şamlar yandırırdılar. Hər kəs onu sevirdi – çünki o qəlblərin şahzadəsi idi…
Aynur Alimuradbəyli
XƏBƏR LENTİ
Məsut Özildən Azərbaycana dəstək
Bakının bu hissələrində qaz olmayacaq
Prezident: "Getsin, cəzasını çəksin"
Derya Tuna Tatlısəsin evliliyindən danışdı
Müsavatın qərarı müxalifət daxilində mənfi qarşılanıb
"Whatsapp"da mesajları "screenshot" edənlərə BƏD XƏBƏR
Hitlerin yəhudi həkimi
Məleykə Abbaszadə valideynlərə və abituriyentlərə xəbərdarlıq etdi: ehtiyatlı olun!
Makiyaj çantanızda nələr var?
Gözəllik salonları və bərbərxanalara getmək üçün belə icazə alınmalıdır - AÇIQLAMA
Yağışlı havada darıxmamaq üçün...
Noutbuk alanlar artır
Şirin yuxu üçün ortopedik yastıqlar
Bakıda hərbi keçid olacaq
Opal haqqında
Çağrılmamış qonaqlar və qonaqlıq (satirik, yumoristik yazı)
Sabahdan çimərlik mövsümü başlayır
Ana namizədlərinə məsləhətlər
İlham Əliyev xalqa müraciət edir - VİDEO
İngiltərənin məşhur tarixi abidəsində türk izləri – FOTO
Olimpiada qaliblərinin müsabiqədənkənar tələbə olmaq şansı
II və III ixtisas qrupları üzrə qəbul imtahanı keçiriləcək
Samuxda yeniyetmə taekvandoçular arasında açıq birincilik keçirilib
6,35 kq ağırlığında oğlan doğuldu
Uşağınızı bu xəstəlikdən qoruyun...
YAP Gənclər Birliyinin "Yay məktəbi" davam edir
Bu ölkə Avropa Birliyindən imtina edir
Uşaqların həyatdakı uğurunu artırmaq üçün ...
Kompüterlərimiz üçün yeni təhlükə
Əlcəklər
Bədəndən gözəl qoxu gəlməsi üçün hər gün bu çayı için
Uşaqlarını peyvənddən yayındıran valideynlər izahat verəcəklər
Uşaqlar üçün toxunma paltarlar
Şarapovaya daha bir zərbə
Sevgili tapmağın yolları
Bəzi qadınlar niyə tənhadır?
Pensiyalarla bağlı suallara AYDINLIQ GƏTİRİLDİ
Türklər Afrikaya da gedib çıxdı
Corc Klunidən gözlənilməz açıqlama
Bakının 112 il yaşı olan binasında yaşamaq mümkün deyil
Məşhur aktrisa başını daz qırxdırdı
Sellofan torbalar sağlamlığımıza ziyandır
Məşhur şeyx mövqeyini dəyişdi
"Bakı 2015"in rekord vuran idmançısı
Sofia Vergaranın gözəllik sirləri
Leyla Əliyevadan bayram təbriki
Hamilələrin diqqətinə! Uşağın qız olacağını göstərən 20 ƏLAMƏT
Bakı dumana bürünəcək
Çöp şişdə fərqli toyuq kababı(foto resept)
Hava haqqında - 24.01.2014
- ŞƏRHLƏR