Selfi xanımların burnunu BÖYÜDÜR -FOTO
6 348
2
“Selfi burnu” yeni nəslin əsas problemlərindən birinə çevrilib. Hətta insanlar şelfi çəkərkən burunlarının daha kiçik görünməsi üçün burun əməliyyatlarına maraq göstərirlər.
Qadin.Net publika.az-a istinadən xəbər verir ki, bu barədə Rutgers Nyu Cersi Tibb Fakültəsinin üz estetik cərrahı Boris Paskover deyib. Cərrah bildirir ki, əslində həmin insanların burunları şəkildəkindən daha kiçik olur.
“Bunu desək də, insanlar selfi şəkillərində burunlarının daha kiçik görünməsi üçün əməliyyat etdirməkdə israrlı olur. Onlara selfi zamanı burunlarının balaca görünməsi üçün bir selfi çubuğu, yaxşı bir fotoaparat və ya şəkil çəkmək üçün yaxşı bir dost tapmalarını məsləhət görürəm. Əlbəttə, bu məsələdə köhnə bir üsul isə fotoşopu unutmamalıyıq”.
2017-ci ildə Amerikanın Plastik və estetik cərrahiyyə akademiyası tərəfindən aparılan anket sorğuya görə plastik cərrahların 50 faizdən çoxu yaxşı bir selfi üçün əməliyyat olunmaq istəyən xəstə qəbul edib.B.Pakover isə selfi çəkərkən burunun normaldan böyük göründüyünü deyir:“Bəlkə də, yaxşı bir portret şəklinizi görənə qədər burnunu estetik əməliyyat etdirmək barədə gözləməlisiniz. Çünki selfi zamanı alınan görüntü əslində reallığı göstərmir. Xəstələr telefonlarında çəkdikləri selfini göstərib “Bax burnum nə qədər də böyükdür” deyir. Lakin mən burunlarının əslində o qədər böyük olmadığını sübut etmək üçün çox çalışdım. İnsan başı yaratmaq üçün bir kompüter mühəndisi ilə görüşdüm. Mütəxəssisin qrupu ilə birlikdə 30 sm məsafədən çəkilən selfi və portret şəkildə insan burnunun normaldan nə qədər çox böyük göründüyünü hesablayıb. Hesablamalara görə, yaxından çəkilən şəkillər burnun görüntüsünü təhrif edir. Bu zaman kişilərin burnu 30, qadınlarınkı isə 29 faiz daha böyük görünür”.
Amerikanın texnologiya və media istiqamətli xəbər saytlarından birinin rəhbəri Ceyms Bareham bildirib ki, yeni nəsil telefonların çoxundakı linzalar yaxın məsafədən çəkilişlərdə görüntünü pozur.“Nəsnələrin kameraya daxın olması burnun daha böyük görünməsinə səbəb olur. Bəzi telefonlarda selfidə görüntünü daha yaxşı alınması mümkündür. Lakin ən yaxşı üsul şəkli mümkün qədər uzaqdan çəkməkdir. Bu mənada qolu uzun insanların çəkdiyi selfidə nəticə qısa qollulara nisbətən daha uğurlu olur”, - deyə C.Barahem bildirib.
XƏBƏR LENTİ
- ŞƏRHLƏR