"Forbes" jurnalı ən çox qazanan yazıçıların siyahısını açıqlayıb.
Milli.Az publika.az-a istinadənxəbər verir ki, 89 milyon dollarlıq sərvətiylə siyahıda ən çox qazanan yazıçı Ceyms Patterson olub. Onluqda yer alan yazıçıların siyahısını təqdim edirik.
Ceyms Petterson - 89 milyon dollar
69 yaşlı amerikalı yazıçı Petterson gəlirlərinin böyük hissəsini qurduğu "Pageturner" fondu vasitəsilə kitabxanalara, universitetlərə və dövlət arxivlərinə bağışlayır. Bu günə qədər Pattersonun 300 milyondan çox kitabı çap olunub və 19 dəfə "New York Times" qəzetində kitabları ən çox satılan yazıçılar reytinqinin qalibi olub.
Con Qrin - 26 milyon dollar
"Eyni ulduzların altında", "Alyaskanın arxasınca", "İlk məhəbbət", "Sevgi baharı gözləməz" kimi kitabların müəllifi olan 38 yaşlı Con 26 milyon dollar sərvəti ilə siyahıda ikinci yerdə qərarlaşıb.
Veronika Rots - 25 milyon 400 min dollar
Siyahının üçüncüsü "Seçilmiş" kitabının müəllifi 27 yaşlı yazıçı Veronika Rotsdur.
Danielle Stil - 25 milyon dollar
Danielle Stilin kitabları dünya miqyasında 500 milyondan çox satılıb. "Məni belə sev", "Zoya" kimi kitabların müəllifi olan 68 yaşlı məşhur yazıçı 25 milyon dollarlıq sərvətiylə siyahının dördüncü sırasında yer alıb.
Ceff Kinney - 23 milyon dollar
"Diary of a Wimpy Kid"in müəllifi Ceff Kinney ən varlı yazıçı titulunu hələ də qoruyur. 45 dilə çevrilən əsər müəllifə böyük sərvət qazandırıb.
Cannet İvanoviç - 21 milyon dollar
Uzun illər məhəbbət romanları yazan 72 yaşlı yazıçı Canet Evanoviçin "Stefano Plum"-un hekayələr ona milyonlar qazandırıb. "Forbes"-in versiyasına görə, ən çox qazanan yazıçılar siyahısında müəllif altıncıdır.
J.K.Roulinq - 19 milyon dollar
Coanna Roulinq bu qədər böyük sərvəti "Qarri Porter" hekayələri sayəsində qazanıb. Məşhur yazıçı ötən il ən çox qazanan qadın yazıçılar siyahısında dördüncü sırada yer almışdı. 50 yaşlı dünya şöhrətli yazıçı 19 milyon dollarlıq sərvətiylə bu il siyahının 10-cu pilləsində qərarlaşıb.
Stefan Kinq - 19 milyon dollar
Qorxu və fantastik romanlarının tanınmış müəllifi Stefan Kinq "Forbes"-in siyahısında hər zaman yuxarı pillələrdə qərar tutub. Onun "Qara qüllə", "Yaşıl yol", "Ekstrasens" və "Əsarətin bədəli" kimi bir çox kitablarına filmlər çəkilib.
Nora Roberts - 18 milyon dollar
Bu günə qədər 200-dən çox romanı nəşr olunan 65 yaşlı yazıçı əsasən məhəbbət və macəra mövzusunda yazır. Nora Roberts "Qara ifritə", "Sabah və daima", "Ağ xəyallar" və.s kitabların müəllifidir.
Con Grişam - 14 milyon dollar
61 yaşlı yazıçının kitabları 29-dan çox dilə tərcümə olunub və ona milyonlar qazandırıb. Oxucularını hər il yeni kitabla sevindirən yazıçının "Gray Mountain" romanı 2014-cü ildə 620 min nüsxə satılıb.
Mənbə: Milli.Az
XƏBƏR LENTİ
- ŞƏRHLƏR