ANS PRESS-in məlumatına görə, sosial şəbəkələrdə yayılan bu testlər bir çox istifadəçilərin diqqətini cəlb edir. Həmçinin onlara "necə və nə vaxt öləcəksən?", "adını yaz ləqəbini öyrən", "dostların sənin profilin barədə nə düşünür?", "30 il sonra ən yaxın dostun kim olacaq?", "hansı məhşurla sevgili olarsınız?", "ən çox hansı dostuna oxşayırsan?" kimi məzəli test təklifləri gəlir. Bu cür paylaşımlar şəbəkədə sürətlə yayılır. 7-dən 77-yə hər bir insan testdən keçərək onlara maraqlı olan sualın cavabını almaq istəyirlər. İlk baxışdan zərərsiz görünən bu "oyuncaqlar" əslində kifayət qədər təhlükəlidir.
Testlər şəxsi məlumatların yığılmasından tutmuş elektron hesablardan pulun oğurlanması kimi təhlükələrin daşıyıcısıdır.
Bu növ tətbiqlər istifadəçinin adı, soyadı, şəkillərinin sayı, dostları ilə əlaqəsi kimi detallarla əməliyyat aparırlar. Bunun üçün, əlbəttə ki, istifadəçinin icazəsi tələb olunur. İstifadəçinin zənnincə bu cür məlumatın yayılması təhlükəsizdir. Nəticədə, istifadəçinin sosial şəbəkədə saxlanılan bütün məlumatları tətbiqin tərtibatçılarının bazasına düşür. Bu cür məzmun yaradan şirkətlər isə istifadəçinin məlumatlarından istədikləri kimi istifadə edə bilərlər və bu heç də həmişə qanun çərçivəsində baş vermir. Mütəxəssislər xəbərdarlıq edir ki, belə testlər vasitəsilə insanların şəxsi məlumatları oğurlana bilər. Bəzi hallarda isə hətta isitfadəçiyə gələn təkliflərdə onlardan kredit kartlarının kodları tələb edilir.
İnformasiya Texnologiyaları (IT) üzrə mütəxəssis Amid Quliyevin sözlərinə görə, bu tipli tətbiqlərdən istifadə etmək istədikdə hər zaman istifadəçidən müəyyən icazələr istəyir. “İstənilən ən sadə icazələr sizin email, şəxsi informasiya (iş yeri, doğum tarixi və s.), dostlarınızın siyahısı və sizin səhifənizə yaza bilmək imkanı olur. Bəzi istifadəçilər əsasən bu icazələrə baxmır, nə üçün istənildiyinə fikir vermir və qəbul edirlər. Bu şəxsi məlumatlar isə sonradan reklam məqsədi ilə istifadə olunur/oluna bilər”, - deyə mütəxəssis bildirdi.
Mütəxəssis bildirdi ki, reklamdan başqa bəzən troyan virusların yayılması məqsədi ilə də bu icazələrdən istifadə olunur. "Əgər kompüterinizdə lazımi təhlükəsizlik proqramı yoxdursa, onun da virusa yoluxmaq ehtimalı böyükdür. Tətbiqlərdən istifadəyə başlamadan öncə, tətbiq sahibinin güvənilir mənbə olub-olmadığını və tələb olunan icazələrin nələr olduğunu ciddi gözdən keçirmək lazımdır", - deyə Amid Quliyev bildirdi. Bəs məlumatların təhlükəsizliyini necə təmin etmək olar? Ən əsası tətbiqlərin hansı informasiyadan istifadə edəcəyi haqda məlumatı diqqətlə oxumaq lazımdır.
Bir neçə asan qaydalara riayət etməklə İnternetdə arzuolunmaz nəticələrdən yaxa qurtarmaq mümkündür.
1. İstifadə olunacaq testin səhifədən hansı məlumatlara giriş istədiyi haqda məlumatı diqqətlə oxumaq lazımdır. 2. Şəxsi səhifənizin tənzimləmələrini mütəmadi olaraq yoxlayın: hansı tətbiqlər sizin səhifəyə bağlıdır və hansı hüquqları var.
3. Testlərdə və ya digər linklərə keçid alanda bank kartının məlumatları, telefon nömrələri, şifrələr və digər şəxsi məlumatları yazmayın.
4. Kompüterinizdə anti-virus proqramının quraşdırılmasından əmin olun.
5. Gələcəkdə hər hansı bir sosial şəbəkədə bu və ya digər məlumatı yerləşdirdikdə düşünün - bu nə qədər təhlükəsiz ola bilər.
Sadalanan bu təhlükələrdən savayı testlər həmçinin insanlara psixoloji təsir də göstərə bilirlər. Psixoloqlar bu cür tətbiqlərdən qorunmağı tövsiyə edirlər.
Psixologiya və Konsultasiya mərkəzinin psixoloqu Elnur Rüstəmovun sözlərinə görə, bir sıra testlərin nəticələri insanlara mənfi təsir edir.
“Məsələn, bir nəfər sosial şəbəkədə necə və nə vaxt öləcəyi ilə bağlı testdə iştirak edir. Testin cavabında onun bir müddət sonra avtomobil qəzasında öləcəyi deyilir. Bu, istər-istəməz insanın daxilində avtomobilə qarşı fobiya yaradır. Demək olmaz ki, belə testlərdə iştirak edən insanın psixoloji problemləri var. Sadəcə onlar yenilik istəyirlər”, - deyə Elnur Rüstəmov bildirdi.
Psixoloq qeyd etdi ki, sosial şəbəkələrdə tətbiq edilən testlərin heç bir metodoloji əsası və nəzəri bazası yoxdur. “Bunlar yalnız şou xarakteri daşıyır. İnsanlar bu testlərə əyləncəli yanaşsalar da onların şüuraltına istər-istəməz təsir edir. Testlər zamanı psixi sağlamlıq və təhlükəsizlik qorunmur”, - deyə psixoloq bildirdi.
Onu da nəzərə almaq lazımdır ki, bu testləri əsasən peşəkarlar deyil, sadə insanlar hazırlayır. Buna görə də onların nəticələrini çox ciddi qəbul etməyə dəyməz.Diqqətli olun! İnkişafda olan texnologiyalar vasitəsilə, demək olar ki, hər gün intenetdə yeni təhlükələr yaranır. Nə qədər sadə səslənsə də təhlükəsizliyiniz öz əlinizdədir.
Mənbə: ANS PRESS
XƏBƏR LENTİ
2018-də qarşınıza çıxacaq 3 trend
Xamalı quzuqarnı (foto resept)
Dollarda rekord bahalaşma
İmzaya görə xarakter təhlili
Toylarda yalnız bu şəxslər iştirak edə bilər - Şərtlər açıqlandı
Müdafiə Nazirliyindən cəbhədəki vəziyyətlə bağlı MƏLUMAT
Nəyə görə hamilələrə fol turşusu vacibdir ?
Azərbaycanda bu tələbələrə kredit veriləcək - SİYAHI
Vulkan fermeri milyonçu etdi
Kaktusa qulluq
Prezident İlham Əliyevə BMT-nin Əhali Fondunun mükafatı təqdim olunub
"Günəbaxan" peraşkisi (foto-resept)
2014-cü ilin papaq və şərf dəstləri
Şuşa İslam dünyasının paytaxtı elan olunacaq
İnsanları depressiyadan birdəfəlik azad edəcək kəşf
İpoteka almaq istəyənlərin gəlirləri belə hesablanacaq
Elmar Məmmədyarov BMT-də çıxış edəcək
Kişilər və biz
İslam pəhrizinin 13 qızıl qaydası
Soyuq müharibə anonsu
Görmənin gigiyenası
Sabah yaz havası olacaq
Dırnaq boyasını tez qurutmağın asan yolları
Köpək balığından qaçmaq üçün 3 saat üzdü: "Yem olacaqdım..."
Təzə əncir şirniyyatı (foto-resept)
COVID-19 Yer kürəsinin üçdə ikisini yoluxduracaqmı? - EKSPERT RƏYİ
Xəzərdə Qara leylək, Qafqaz və Talış qırqovullarının nəsli kəsildi
10 il komada olan qadın uşaq dünyaya gətirdi - ŞOK Hadisə
Roma saqqıza "müharibə" elan edib
Hamilə olduğunu fotosessiyası ilə elan etdi
Zinət əşyaları
Qatıqlı təzə lobya yeməyi (foto resept)
Sıla xəstə halı ilə konsert verdi-FOTO
Hava qeyri-sabit keçəcək
Məhəmməd Əmin Rəsulzadənin dəhşətli ailə faciəsi...
İlham Əliyev və Mehriban Əliyeva Şəhidlər xiyabanında - VİDEO
Günün qoroskopu: Məsuliyyətli gündür
Android itəndə özünü tapacaq
Rusiyada məktəblilər maska taxmaya bilər
Çətirinizi götürmüsünüzmü?
HAVA necə olacaq?
Kütləvi mərasimlərə qoyulan qadağa nə vaxt götürülür? - RƏSMİ
İnsanların ən çox gördüyü 5 yuxu
ASAN Xidmət mərkəzlərində rüsumlar
"Vintage" stildə ayaqqabılar
Ağacdan noutbuk hazırlandı
Dünya İqtisadi Forumunun daha bir irəliləyiş
Bakıda akrobatika üzrə açıq birincilik start götürdü
Hava haqqında
Sinoptiklər sevindirmədilər