Ermənistan hava limanlarının sərnişinlərinin sayı artıb. Bu barədə erməni mətbuatı özü yazır. ANS PRESS-in məlumatına görə, ancaq "Zvartnots" hava limanında sərnişinlər 35 faiz çoxalıb. Bu artım ötən ilin iyul ayı ilə müqayisədə göstərilib. Görünür ağır iqtisadi sosial şəraitin hökm sürdüyü bu ölkədən qaçanlar çoxdur. Bu isə Cənubi Qafqaz ölkəsində vəziyyətin nə qədər gərgin olmasından xəbər verir. Belə ki, Ermənistandan qaçanların sayı günü-gündən artır. Cəbhə xəttindəki gərginləşən vəziyyətdən sonra qorxuya düşərək ölkəsini birdəfəlik tərk edənlərin sayı daha da artacaq. Belə ki, əgər adıçəkilən hava limanının xidmətindən ötən il 179 620 sərnişin istifadə etmişdisə, bu ilin iyulunda bu rəqəm 242 098 nəfər olub. Aviareyslərdə artım isə 34 faiz təşkil edilib. Yəni ötən il olan 1652 reysin əvəzinə 2208 reys. Ermənistanda demoqrafiq vəziyyətin onsuzda ürəkaçan olmadığını nəzərə alsaq bu itkinin nə qədər böyük olduğunu anlamaq elə də çətin deyil. Ölkədi vəziyyət erməni politoloqları da narahat edir. İrəvan geosiyasi klubunun şərhçisi Aleksandr Qayents müstəqillik illərində Ermənistanı 2,2 milyon erməninin tərk ediyini bildirib. O, qeyri-rəsmi məlumatlara görə, bu sayın 2 dəfə çox olduğunu düşünür. "Bu gün hər il Ermənistan ən azı 60 min adam itirir”.
İlin əvvəlindən ölkədən baş götürüb qaçanların sayı isə 100 mindən artıqdır.
Mənbə: ANS PRESS
XƏBƏR LENTİ
- ŞƏRHLƏR