Dekabrın 5-də 95 yaşında vəfat edən Cənubi Afrika Respublikasının keçmiş prezidenti Nelson Mandelanın həyatı ilə bağlı maraqlı faktlar üzə çıxıb. Trend dünya şöhrətli siyasi xadimin həyatından maraqlı məqamları təqdim edir: N.Mandelanın əsl adı Cənubi Afrikada "problem yaradan" mənasını verən ''Rolihlahla'' idi. "Nelson" adı ona ibtidai təhsil aldığı ilk günlərdə müəllimi tərəfindən verilib. Müəlllimi tərəfındən hansı səbəbdən bu adın verildiyi isə dəqiq bilinmir. Rejissor Spayk Linin "Malcolm X, 1992" filmində qısa rol alıb. Filmdə şagirdlərə dərs keçən müəllim rolunda oynayıb. Ötən il elm adamları ağaçdələn cinsinə aid quş növlərindən birinə onun adını veriblər: "Australopius nelsonmandelai". Dövlət başçısının həyat yoldaşı ilə evləndi: Mozambikin dövlət başçısı Samora Machel vəfat etdikdən sonra N.Mandela onun həyat yoldaşı Graca Machel ilə evlənib. G.Machel iki ayrı millətin birinci xanımı oldu. Siyasətlə yanaşı, N.Mandelanın maraqlandığı digər sahə boks idi. Özü boksdakı şiddəti sevmədiyini, lakin bu idman növünün texnikası ilə daha çox maraqlandığını söyləyirdi. Yemək məsələsində dünya siyasi liderlərindən çox fərqli idi. N.Mandelanın ən çox sevdiyi xörək heyvan qarnından hazırlanan şorba idi. N.Mandela 2008-ci ilə qədər ABŞ-ın "Terrorçuların siyahısı"ndan çıxarılmadı. Şeir onun ilham mənbəyi idi...
Mənbə: Trend.Az
XƏBƏR LENTİ
- ŞƏRHLƏR