"Hər şey xəyal kimi gəlir" deyirdin, xatırladınmı? Nə gözəl idi o günlər, bir başqaydı, bir başqaydıq...
Çox şeyi səninlə öyrəndim, "ilk"lərimi səninlə yaşadım.
"Ən böyük günahım sevməkdir" deyərdilər, anlamazdım. Mən ən çox səni sevərək günah işlədim, bir xəbər ala bilərəm, bir kərə daha etməliyəm ümidiylə o qədər günah işlədim ki...
Bilirsən, uşaq kimi görürdüm səni, o qədər günahsız idin mənim üçün. Hardan bilərdim ki, səni sevdiyini deyib andlar içərkən həyatında başqalarının da olduğunu, dəyərsiz adamları qarşıma çıxarıb, "çox yaxşı biridir" deyərək məni aldatmağa çalışdığını... Nişanlandığın halda belə dəyişən bir şey yoxdur, eyni ilə davam edir dediklərin.
Doğrudan sənin 28 yaşın nə vaxt oldu ki evləndin?
28 yaşından tez evlənməyəcəyini deyirdin həmişə, "fabrikdə işləyən bir qızdan xeyir gəlməz" deyən sən, necə oldu ki ordan biri ilə evləndin? Hər şeyi bir kənara qoy, yenidən necə sevə bildin, yenidən necə qəlbin vurdu...
Mən eşq deyilən həyəcanı səndən başqa heç kimlə yaşaya bilmədim, sən necə etdin?!
Sənə çata bilməyəndə çatana qədər dua edərdim, tək duam sən idin mənim, səninlə yenidən qovuşmaq bir yana, yenidən səsini eşitməyi istəyərdim həmişə.
Tək qorxum idi sevdiyim insanı bir daha görə bilməməyim, başqasına aid olduğunu öyrənmiş olmağım... Ağlıma gələndə dəli olardım, bax, bütün qorxularımı yaşatdın mənə. Hamı səni soruşur, adını çəkmələrini qadağan etdim.
Canım çox yanır sənin adını onlar deyəndə, hamısı bir yana, ən çox anamla danışarkən ağır gəlir, 1 il əvvəl sənə aldığım köynəyi hələ vermədiyimi deyəndə, "oğlan səni aldadıb, unut" deyəndə, "evlənsin, sən də ümidini kəs ondan" deyəndə...
Mən sənin üçün hər şeyi edərdim, hər şeydən keçərdim. Səni nə çox sevdim mən, unuda bilmirəm. Sən sənsizliyi yaşadınmı ki, xəbərsizcə getdin məndən, "gedirəm" belə deyə bilməyəcək qədər dəyərsizmiydim sənin üçün?!...
Nişanlandığını və evləndiyini öyrənəndə səndən eşitmək istədim, sən deyənə qədər də soruşmaq istəmədim bir daha səsini eşidə bilmərəm deyə. Qarğış etmirəm sənə, hər şeyin xeyirlisi, deməli ikimiz üçün də xeyirlisi bu imiş, amma bunu da yaxşı bilirəm ki, Yaradan mənə yaşatdıqlarını sənə yaşatmadan öldürməz.
Amma ümid edirəm yaşamazsan, mən anamın sayəsində ayaq üstəyəm, anamın sayəsində dik dura bilirəm, nə yaşadığımı hardan bilcəksən ki? 4 dəqiqə danışanda dəli olardım, evin içində qışqıra-qışqıra qaçardım, uzun bir vaxtdan sonra bu qədər uzun danışıq deyə fərqinə varsan ümumiyətlə 56 dəq 55 san...
Hər şey xəyal kimi gəlir, kaş ki elə də qalsaydı...
XƏBƏR LENTİ
- ŞƏRHLƏR