Hər bir möhkəm və sağlam sevginin sonu çox zamanlar Allahın köməyilə evliliklə nəticələnir! "Vağzalı" çalınır və gəlin bəy evinə qədəm goyur. O evə ki,ömrünün qalan hissəsini burda keçirəcək! Yadlar burda doğmalaşacaq. Bəs gəlin ona nəzər yetirək ki, biz getdiyimiz yerə nə dərəcədə öyrəşə bilirik?! Hansı müddətdə öyrəşə bilirik?!
Qadın var ki, yoldaşı işə gedəndə onu yola salır, zamanında onun paltarlarının təmizliyinə fikir verir, kişi qapıdan girən kimi tez ayağa qalxır. İş gününün necə keçməsilə maraqlanır, yeməyini verir və s. Amma elə qadınlar da var ki, yoldaşı hardan gəldi, necə getdi heç xəbəri belə olmur.
Bir səhabə evinə gedəndən sonra həyat yoldaşıyla sözləşir və həyat yoldaşı onun üstünə qışqırır.Səhabə çıxır gəlir Ömərin yanına ki, bu əhvalatı danışsın. Qapını döymək istəyəndə eşidir ki, Ömərin yoldaşı da onun üstünə qışqırır.Heç nə demədən çıxıb getmək istəyəndə Ömər qapını açır və səhabəni görüb soruşur: "Nə olub?" Səhabə əvvəlcə dinmir, sonra deyir: "Ya Ömər, gəldim sənə deyim ki, arvadım üstümə qışqırır, nə edəcəyimi soruşam. Eşitdim ki, sizin də arvadınız sizin üstünüzə qışqırır".Ömər cavab verir: "Bizim arvadlarımız həmişə bizim qulluğumuzda duranda, çirkli paltarlarımızı yuyanda, yeməyimizi vaxtında bişirəndə yaxşı olurlar, bir ayda bir dəfə bizə qəzəblənib, üstümüzə qışqıranda pis?!" Səhabə həmən an hər şeyi başa düşür.Çox istərdim ki, xanımlarımız nümunəvi ailə başçısı olsun. Sözün əsl mənasında yaxşı ana olasınız. Övladlarınıza həm ana, həm yaxşı dost olmağınızı arzu edirəm. Ailəmizin həm xanımı, həm də qulluqçusu olmalıyıq. Allah hamımızı xoşbəxt eləsin! Hamınıza sağlam və möhkəm ailə arzulayıram...
XƏBƏR LENTİ
- ŞƏRHLƏR