Tərkibi:
Un-125 q
Yumurta-4 ədəd
Şəkər tozu-150 q
Qabartma tozu- 1 paçka
Limon suyu-1 ç.q
"Zeytun bağları" zeytun yağı- 3 x.q
Qaymaq-50 q
Şokolad-100 q
Krem:
Süd- 500 ml
Yumurta- 2 ədəd
Şəkər tozu- 100 q
"Best Cow" kərə yağı- 50 q
Vanilin- 1 paçka
Nişasta- 30 q
Hazırlanması:
Südün üzərinə vanilin əlavə edib qarışdırırıq. Şəkər tozu ilə yumurtanı mikserlə yaxşı-yaxşı çalıb sonra üzərinə nişasta əlavə edirik. Sonra ilıq südü yumurtalı qarışığın üzərinə yavaş-yavaş əlavə edərək qarışdırırıq.
Sonra zəif odda qaynayana qədər qarışdırırıq.
Lakin qaynatmaq olmaz.
Sonra oddan götürüb, üzərinə kərə yağı əlavə edib yenidən qarışdırmaq lazımdır.
Bir qaba un, 50 q şəkər tozu və qabartma tozu əlavə edib qarışdırırıq.
Sonra yumurtanın sarısını, limon suyunu və zeytun yağını qarışdırırıq.
Yumurtanın ağını qalan 100 q şəkər tozu ilə mikserlər 5-7 dəqiqə qarışdırmaq lazımdır.
Sonra yumurta sarısı olan qarışığın üzərinə yavaş-yavaş əlavə edib qarışdırıq.
Sonra unu əlavə edib qarışdırırıq.
170 dərəcədə 30-40 dəqiqə bişiririk.
Hazır biskiviti 2-3 yerə bölürük.
Hər biskivitin arasına krem çəkirik. Üzəri üçün şokoladı əridib qaymaq əlavə edib qarışdırırıq.
Və tortun üzərinə əlavə edirik.
Nuş olsun!
XƏBƏR LENTİ
- ŞƏRHLƏR