Ananaslı piroq (foto resept)
36 602
91
Lazımi ərzaqlar:
100 ml. qaymaq
325 q. şəkər tozu
250 q. badam ləpəsi (yarpaq şəklində doğranmış)
200 q. kərə yağı
1 paket vanil
1 çimdik duz
5 yumurta
350 q. un
1 paket qabartma tozu
4 x.q. süd
1 banka konservləşdirilmiş ananas
Hazırlanması:
Badamı yarpaq şəklində doğrayırıq.
Bir qaba 75 q. şəkər tozunu, qaymağı, badamı töküb, şəkər əriyənədək qaynadırıq.
Şəkər əriyəndən sonra qırağa çəkib soyumağa buraxırıq.
Sobamızı 170 dərəcədə isidirik.
Digər tərəfdə 250 q. şəkər tozunu, otaq temperaturunda əridilmiş yağı, duzu, vanili bir yerdə əzirik. Sonra üstünə yumurtanı əlavə edib, krem halını alanadək mikserlə çalırıq.
Unu qabartma tozuyla ələkdən keçiririk, sonra südlə birlikdə krem halına saldığımız kütlənin üzərinə töküb, qaşıqla qarışdırırıq.
Ananasları süzgəcə qoyub suyunu süzürük və ya mətbəx salfeti ilə suyunu çəkirik. Suyunu çəkdikdən sonra ananaslarımızı xırda-xırda doğrayırıq.
Yağlanmış qaba hazırladığımız xəmiri töküb, doğranmış ananasları üzərinə düzürük.
Ananasları düzdükdən sonra qaymaqlı qarışığı üstünə yayıb, qoyuruq sobamıza.
40 dəq. dən sonra piroqumuz hazırdır.
Bir az soyuduqdan sonra istəsəniz şəkər pudrası ilə bəzəyə bilərsiniz.
Nuş olsun!
XƏBƏR LENTİ
- ŞƏRHLƏR