NIYAR-Rusiya,Sankt-Peterburq
Adı Pərvanədir, ailəlidir,üç övladı var. Rusiyanın Sankt-Peterburq şəhərində yaşayır. Qadın.net saytını uşaqları üçün sirniyyat resepti axtararkən tapıb. “İlk vaxtlar buraya qonaq kimi gəlirdim, bir-iki dəfə sual yazdım, gördüm Selcan xanım 2-3 dəqiqə sonra cavab yazıb, xoşuma gəldi və burada qeydiyyata düşdüm. Adətlərinə gəldikdə isə, rusların nə adəti olasıdır ki, burada heç nə xoşuma gəlmir.İndi şükür, bazarda hər şey tapmaq olur dadsız olsa da, amma bir meyvə var-sevimli meyvəm tut.Onu çox istəyirəm, o da burda olmur. Buranın elə də bəyəndiyim yeməyi yoxdur, salatlardan başqa. Bildiyim salatları da saytda yerləşdirmişəm. Piterin iqlimi bilmək istəyirsinizsə, sərtdir. Qışda -25 dərəcə soyuq, yayda isə +10 dərəcə isti olur. Havasına hələ də öyrəşə bilməmişəm.” “Sizi oranın adamları biləndə ki,xaricisiniz,necə qarşılayırlar?” sualına belə cavab verir – “Bəziləri yaxşı, bəziləri də pis. Millətpərəstlər çoxdur, bizləri görmək istəmirlər. Burada quşların səsinə həsrət qalmışam. Evimizdə olanda hər gün quşların cəh-cəhlə oxumasını dinləyərdim yuxudan duranda, burda isə o yoxdur. Qurban olum öz Vətənimə.Onu heç nəyə dəyişmərəm.
YAFFA-İsrail,Kıryat-Yam
Ailəlidir, adi Bahardır. İki uşağı var. İsrailin Kıryat-Yam şəhərində yaşayır. Qadın.net saytını eltisinin köməyi ilə hamiləliklə bağlı mövzular axtararkən tapıb. “İsraildəki adətlərin çoxundan xəbərsizəm, amma onu deyə bilərəm ki, öz millətinə qarşı çox diqqətlidirlər, qanun sevəndirlər. Sevmədiyim çox şey var. Məsələn, böyüyə hörmətdən söz gedə bilməz burada. Bazarlarında isə çox meyvə var, amma zoğal, tut, feyxoa yoxdur. Bəyəndiyim yeməkləri yoxdur, ancaq öz yeməklərimizi bişirirəm. Burada havalar çox isti olur, yayda +40-45, qışda +22-30 dərəcə isti olur. Ümumiyyətlə, burada qışı ancaq yağış yağır. İsraildə Azərbaycanı çox da elə tanımırlar, bizlərə qafqazlılar deyirlər. Buradakı insanların geyimlərinə öyrəşə bilmirəm, qadınları o qədər açıq-saçıq geyinirlər ki, baxılası deyil. Mən çox şeyə həsrət qalmışam, valideynlərimə, bacıma, qardaşıma. Azərbaycanın heç nəyini dəyişmərəm bura. Darıxanda uzaqda yaşayan qohum-qardaşımın şəkillərinə, videolarına baxıram, Rəşid Behbudovun mahnılarına qulaq asıram.”
AMINA-Səudiyyə Ərəbistanı,Mədinə
Amina Səudiyyə Ərəbistanının Mədinə şəhərində yaşayır. Qadın.net saytını rəfiqəsi vasitəsi ilə tapıb. Ərəblərin elə bir xoşlamadığı adəti yoxdur. Orda hər şey xoşuna gəlir. Deyir, toyda bəyin bütün kişi qohumları qapının ağzına düzülürlər və gələn qonaqların hamısı ilə salamlaşırlar. Bu adətlərini Amina bəyənir. İndiyə kimi nə istəyibsə bazarlarında tapıb. Amma ərəblərin yeməklərindən elə də xəbərdar deyil. Mədinədə yayda hava maksimum +60, qışda isə minimum + 10 dərəcə olur. Amma səhralarda daha isti olur, yayın qızmar çağında qumun üstünə qoyulan yumurta 5 dəq. ərzində bişir. Ərəblərin xaricilərə münasibətləri normaldır, çünki, bu şəhərin əhalisinin yarısı demək olar ki, xaricidir. “Azərbaycanı burada elə də tanımırlar, deyəndə ki, azəriyəm, bilmirlər. Amma Türkiyənin yaxında olduğunu qeyd edəndə anlayırlar. “Azərbaycanın nəyini yaşadığınız ölkənin hansısa bir şeyinə dəyişməzsiniz?” sualına gəldikdə isə, söhbət Mədinədən gedirsə, bu suala cavab verə bilmərəm. Çünki, Mədinə mənim üçün nemətdir, buradakı təkcə peyğəmbər məscidini heç yerə dəyişmərəm. Buranın hər şeyinə öyrəşmişəm. Amma yenə də doğmalarıma həsrətəm. Darıxanda anama zəng edirəm.
SEVGI-ALEMI-İsrail,Tel-Əviv
Ailəlidir, iki oğlu var. Evdar xanımdır. İyirmi ildir ki, İsrailin Tel-Əviv şəhərində yaşayır. Qadın.net saytını bacısı vasitəsi ilə tapıb. İsrail haqqında çox elə yaxşı danışmır. “Buranın yeməklərini bəyənmirəm, yeməmişəm də.Satışda demək olar ki, hər şey var. Amma bazarlarında zoğal tapılmır. İsrail cavanların hörmətsizliyinə öyrəşə bilmirəm. Vətənimə, doğmalarıma, bayramlara həsrət qalmışam. Burada bayram olanda maraqsız keçir, heç bilinmir bayramdır. Heç kim evindən çölə çixmır, o qədər yorğun olurlar ki, bayramlardan istifadə edib istirahət edirlər. Çox vaxt gün çıxır, isti olur, qışda az-maz yağış yağır. Mən buralarda hələ qar deyilən şey görməmişəm. Heç vaxt qar yağmayıb, təbiət deyilən şey yoxdur burda. Süni otları gətirib yapışdırırlar yerə. Soruşanda haralısan, deyirəm Azərbaycanlı. Deyirlər hansı dildə danışırsınız, başa salıram ki, azəri dilində. Bəziləri deyir türk dilinə çox yaxındır, onlara maraqlı gəlir. Biz azəricə danışanda bəzilərinin xoşuna gəlir, bəziləri isə əsəbiləşirlər, deyirlər o dildə danışmayın. Biz isə danışmağa davam edirik. Azərbaycanın heç nəyini buranın hər hansı bir şeyinə dəyişmərəm .Vətənim üçün darıxanda azəri musiqilərinə qulaq asıram, azəri kanallarina baxıram. Özümü belə toxdadıram, amma elə vaxt olur ki, heç onlar da kömək etmir. Burada azərilər çoxdur, darıxanda onlarla gəzməyə çıxıram, belə başımızı qatırıq.”
LADY-ANGEL-Rusiya,Xanti-Mansiniski
Adı Gülaydır, ailəlidir, bir oğlu var. Rusiyanın Xanti-Mansiniski şəhərində yaşayır. Qadın.net saytını uşaq baxımı ilə əlaqədar axtarış edərkən tapıb. “Bura gözəl şəhərdir, insanları da çox mehribandır. Böyüyə-kiçiyə, ən əsası da hamilə qadınlara və uşaqlı analara daha çox hörmət bəsləyirlər. Xəstəxanalar və doğum evləri çox səliqəli və təmizdir. Böyük və uşaqlar üçün pulsuzdur. Amma bəzi xüsusiyyətləri çox da elə xoşuma gəlmir. Toy şənlikləri aşağı səviyyədə keçir. Bir də, nifrət edirəm bunların əlində pivə görəndə. Kiçiyindən böyüyünə qədər hamı pivə içir, elə bil Coca-Cola içirlər. Bazarlarında isə demək olar ki, hər şey tapılır. Əvvəllər badımcanları xaricdən gətirirdilər, bir dənəsi nə boyda. İndi balacalarinı da tapmaq olur. Rusların heç bir yeməyini sevmirəm, iyrənirəm. Onlar isə ölür bizim yarpaq dolmasından ötrü. Çoxusu məndən reseptini alıb, deyirlər nə dadlıdır. Şəkərburanı görüb peraşki deyirlər. Amma insanları isti qəlbli olsa da, havası isti deyil. Qışda -50 dərəcə şaxta olur. Yayda isə + 28 dərəcə isti olur. +10 dərəcə də isti olsa günəş adamı elə yandırır ki. Bura Sibir olduğundan ekvatordan uzaqdadır deyə, Günəş Yer kürəsinə çox yaxındır. Buradakı ruslar azərilərə hörmət göstərirlər, çoxusu yerlibazlıq etmir. Amma yenə də darixıram vətəndən ötrü. Ən gözəl yerə də düşsəm, yenə Azərbaycanı istəyirəm. Darıxanda telefonla, internetlə anamla danışıram.”
GULYAZ - Rusiya, Moskva
Ailəlidir, bir oğlu var. Moskvada yaşayır. Qadın.neti “yandex”də yemək saytları axtararkən tapıb. Deyir bunlarin heç bir adətindən xoşum gəlmir, heyf deyil öz adətimiz, öz ölkəmiz? Bazarlarda göyərti, nanə tapmaq çətindir, amma özbək, qırğız satıcılardan alırıq. Buradakı pomidorun, bibərin dadı öz vətənimizdəki kimi olmur. Orada bişən yeməklərimizlə buradakının dadı eyni olmur. Rusların yeməklərinin heç birisini bəyənmirəm, ancaq öz milli yeməklərimizdən bişirirəm. Burada havanın temperaturu qışda minimum -3, maksimum -15-20 dərəcə olur. Azərbaycanın heç nəyini buraya dəyişmərəm. Darıxanda isə xoşuma gələn azəri müğənnilərin mahnılarına qulaq asıram, adlarını çəksəm siyahı uzun olar. Bütün günü internetdə oluram, qadın.netə daxil oluram, türk filmlərinə baxıram. Rusiyaya heç cür öyrəşə bilmirəm, istəyirəm Azərbaycanda olaq, orda işləyək. Bilirəm ki, burada qalmağımız müvəqqətidir, ona görə də dözməyə çalışıram ki, vaxt gələcək biz də vətənimizə dönəcəyik. Adam öz ölkəsində istədiyi kimi rahat gəzə, yaşaya bilir. Başqa ölkədə rahat gəzə bilmirsən, çünki oranın vətəndaşı, orada yaşayan deyilsən, yad millətdənsən.
RUJLU - Türkiyə, Kocaeli İzmit
Qadın.net saytının xaricdə yaşayan bu xanımı türk vətəndaşıdır. Onun fikirləri bir az fərqli olacaq, çünki öz vətəni haqda danışacaq. Adı Nilaydır, ailəlidir, 10 yaşlarında 2 əkiz oğlu var. Kocaeli İzmitdə yaşayır. Bu saytı “google”də axtarış edərkən tapıb. Kiminin boynunda iplə gəzdirdiyi, kiminin qucağında daşıdığı, kiminin xüsusi otaq ayırıb orada saxladığı, kiminin hər gün sadəcə üzünə baxıb tozunu sildiyi, kiminin isə onu geyərsə ayağının kəsilməsi qorxusu ilə yaşadığı “Dünyanın ən bahalı ayaqqabısı” və “Hamiləliyin əlamətləri nələrdir?” adlı xəbərlərin müəllifidir. Öz vətəni haqda qoyun özü danışsın. “Türkiyənin ən çox təbii gözəlliyini, tarixi əsərlərini və türk insanlarının yardımsevənliyini sevirəm. Cəmiyyət olaraq çətin vəziyyətdə olan insanlara yardımçı olmağı sevirik. Sevmədiyim xüsusiyyətləri isə, bəzi şəhərlərdə daha çox əhali artımı var. Bazarlarımızda bir çox tərəvəz-meyvəni tapa bilirik, lakin əksəriyyətinə xarab olmasın deyə dərman vurulur, bundan da məmnun deyiləm. Yemək olaraq mantı və paxlavanı sevirəm. Təbii bunlar mənə kilo olaraq geri qayıdır. Yeməklərimizdən “bəyaz” ı xoşlayıram.Tərkibi un, şəkər, duzdan ibarətdir. Mən dörd mövsümü olan bir şəhərdə yaşayıram. Qışda ən soyuq temperatur -2, yayda isə ən yuxarı + 38 dərəcə olur. Azərbaycan xalqının adət-ənənələrinə olan bağlılığını bəyənirəm, türklərin bu mövzuda olan fikirlərinə dəyişmərəm. Türkiyə getdikcə qloballaşır. Türkiyədə kimdən soruşsanız “Azərbaycan bizim qardaşımızdır” cavabını alacaqsınız.
DZHONİ - Rusiya, Moskva
Ailəlidir, bir övladı var, 3 aylıqdır. Qadın.net saytını qadınlar haqqında "bəzi" şeylər axtararkən tapıb(görəsən nə axtarırmış? ) və bura onun çox xoşuna gəlib. Rusiyanın qayda-qanunları, adətləri haqqında bunları deyir:- “ Rus olmamağımıza baxmayaraq, həkimlər insanlarla yaxşı davranırlar. Bir də buranın uşaqlarına heyranam, çox gözəl tərbiyələri var, onlar üçün hər bir şərait var burda. Moskva təmiz, səliqəli şəhərdir. Bazarlarında nə desəniz var, hər şey tapılır. Amma dadları heç yoxdur. Ən bəyəndiyim yemək tərkibi kartof püresi, pendir, balıqdan ibarətdir, çox dadlıdır. İqlimə gəldikdə isə, bu il ən yuxarı temperatur +28 dərəcə, ən aşağısı isə -6-7 oldu. Biləndə ki, Azərbaycanlıyam, çox yaxşı qarşılayırlar. Əla qonşularım var. Biri yaşlı qadındır, bizim bütün bayramlarımızı bilir. Azərbaycanın heç nəyini dəyişmərəm bura, necə gəlmişəm, elecə də varam. Anama həsrətəm, darıxanda Natavana, Zeynəb Xanlarovaya qulaq asıram. Bir də yoldaşım Azərbaycan qəzetlərini alır, onları oxuyuram."
XƏBƏR LENTİ
Məşhur aktrisa öldü-FOTO
Ruhlar haqqında
Saba Tümer paylaşdığı FOTO ilə gündəmdədir
Daha sağlam və gənc görünmək üçün 10 yol
Ana südü niyə lazımdır?
Körpənizi hovuza nə vaxt apara bilərsiniz?
Məşhur aktrisa üzünə döymə etdirdi-FOTO
Bildirçin yumurtasının faydaları
Android bazarı ələ aldı
Bu dəfə yol bağlanmayacaq
Onun ecazkar sənəti, melodiyası
Şarapovadan gözlənilməz addım: Telefon nömrəsini paylaşdı - FOTO
"Çin Azərbaycanın ərazi bütövlüyünü dəstəkləyir" - Səfir
Ankara Əsədi dialoqa çağırdı
Ətir vurma sənəti
Timoşenko əleyhinə etiraz aksiyası keçirildi
Köhnə pianodan xəzinə çıxdı
Ölkədə bahalaşan və ucuzlaşan məhsulların SİYAHISI
İt ruh gördü - Sahibəsi dondu qaldı
Culia Robertsin son görünüşü təəccübləndirdi-FOTO
Super lüks, təyyarə təki Mercedes hazırlanıb
BÜRCLƏR bizə nə vəd edir? -20 İyun
Prezidentdən evsizlərə müjdə
Maraqlı tort nümunələri
“Ermənistanla sərhədlər açılmayacaq”
Üzük qaşında bir dünya
Dünyanın virtual muzey və qalareyaları
1 kilo arıqlamaq üçün neçə saat yeriyək?
Səkkiz il yeyib içməyən yoq öldü
Zibillikdəki avtomobildən "sənət əsəri" yaratdı - FOTO
Azərbaycanda müəllimlərin işə qəbulu üçün növbəti müsabiqə elan edilib
Davamlı makiyaj edənlərə bitki mənşəli təkliflər
Sevginin sağlamlığa 5 faydası
İrəvanın yeni savaş hazırlığı
Şaxta babanın olmadığını uşağa hansı yaşda deyək? - PSİXOLOQ TƏLİMATLANDIRIR
Zakir Həsənov ön cəbhədə zabitləri topladı, göstərişlər verdi
Şanelin 7 əsas prinsipi
Sərt karantin günlərində ev heyvanlarını gəzdirmək olar? - AÇIQLAMA
Azərbaycanda bu tələbələrə kredit veriləcək - SİYAHI
SON DƏQİQƏ: Koronavirusla bağlı ŞAD XƏBƏR AÇIQLANDI
Uşağa adı kim qoymalıdır?
Hülya Avşar bu hərəkəti ilə Ronaldunu kölgədə qoydu - VİDEO
Rayonlar və şəhərlərarası hərəkətinə icazə verilən şəxslərin SİYAHISI
Ərdoğanın oğlu Mənsimovdan daha bir gəmi aldı
Gəlinlərə toydan əvvəl xüsusi maskalar
Məşhur aktyoru kimsə tanımadı-FOTO
Ekstrasens Zirəddin: "Özünüzü biabır etməyin"
Yoldaşım məni niyə ilk günkü kimi sevmir?
Avropalı parlamentari: "Ermənistan işğala son qoymalıdır"
Məşhur ulduz Antalyada konsert verəcək
- ŞƏRHLƏR