Çox vaxt valideynlər şikayət edir: “ Uşağım tez-tez xəstələnir”. Payız-qış fəslində bu hallar daha çox müşahidə olunur. Soyuqdəymədən qorunmağın bir neçə yolu var.
Vitaminlər əvvəlcədən qəbul edilməlidir.
Uşağın immunitetini yüksəltməyə yönəlmiş istənilən xeyirli nə qədər vasitə varsa, hamısı üçün müəyyən vaxt tələb olunur. Xəstəlik başlayandan sonra dərmanların bəzən xeyri olmur. Düzdür, vitamin kursu orqanizmi xəstəliyə qarşı gücləndirir, lakin “arzuolunan sağlam uşaq” nəticəsini vermir.
Uşağı çox qalın geyindirib ondan “gəlincik” düzəltmək lazım deyil.
Paltarların dəyişdirilməsi temperaturuun dəyişməsi ilə əlaqədar olmalıdır. Əgər təqvimdə payız aylarıdırsa, qış gödəkçəsi və ya qalın sviter geyindirmək lazım deyil. Böyüklər inanır ki, istidən heç nə olmur, uşaqlar isə diskomfortu sevmirlər. İmkan tapan kimi mane olan və ya “istilik verən” nə varsa soyunacaq ya da yaxasını açacaq, beləliklə, müsbət nəticə əvəzinə əlavə soyuqdəymə başlayacaq. Uşağı fəslə uyğun, tempetarura baxıb geyindirmək lazımdır.
Gigiyenaya əməl etmək.
Övladınızı əllərini yumağa vərdiş etdirin. Hesablamalara görə, hər 3-cü xəstə ilə təmasda olan şəxs əli ilə gözünə və ya burnuna toxunduqda yoluxur. Başqa sözlə, siz gün ərzində 3 xəstə ilə əllə görüşmüsünüzsə, mütləq xəstələnəcəksiniz. Insanlar adətən bilmədən burnuna və gözünə toxunmaqla xəstəliklərə yoluxurlar, axı viruslar sürüşkən səthlərdə (məsələn, qapı və telefon dəstəyində) 3 saatadək “yaşayırlar”.
XƏBƏR LENTİ
- ŞƏRHLƏR