Tanınmış şəxslərin adına profil açaraq məlumatlar paylaşırlar. İnsanlar da gerçək zənn edərək dostluq göndərirlər. Son zamanlar bir neçə məşhur simalar eyni hadisəylə üzləşir.
Belə tanınmışlardan biri də xalq artisti Gülyanaq Məmmədovadır.
Müğənni sonradan müəyyən edib ki, kimsə adından profil açaraq bütün tanışlarına dostluq göndərib. Hətta onun şəkillərini də paylaşaraq adından mesajlar ünvanlayıb.
Xalq artisti adına açılan hesabların onun nüfuzuna xələl gətirəcəyindən narahatdır. Onun sözlərinə görə, bir çox sənətçi dostunun adına hesab açaraq sonradan düzgün olmayan paylaşımlar ediblər.
Gülyanaq Məmmədova deyir ki, adına saxta profil açan şəxs profile könüllü bağlamasa, hüquq mühafizə orqanlarına müraciət edəcək.
İnternet üzrə mütəxəssis Osman Gündüz əvvəllər belə hadisələrin daha çox olduğunu deyir. Onun sözlərinə görə, belə hadisələrin baş verməməsi üçün insanların özlərinin şəxsi hesablarını əvvəlcədən özləri tərəfindən açılması yaxşıdır. Belə olanda istər -istəməz sonradan yaradılan hesabın saxta olduğu bilinir.
Osman Gündüz belə hallarla üzləşən istənilən şəxsin Daxili İşlər Nazirliyinə müraciət edərək problemi həll etməsinin mümkün olduğunu da qeyd edir.
Milli.Az xezerxeber.az-a istinadən mövzu ilə bağlı daha ətraflı videomaterialı təqdim edir.
Milli.Az
XƏBƏR LENTİ
