Sizin körpəniz özünü necə hiss edir?
Körpənin çəkisi 2,8-2,9 kq, paranazal sinusların uzunluğu 35 sm, boyu 48-50 sm-dir. Qarın və başın dairəvi ölçüsü təxminən eynidir. Bədəni daha da inkişaf edir, əsəb sistemi qoruyucu örtüklə əhatə olunur. Uşağın həyatının ilk dövrü ərzində qoruyucu örtük inkişaf etməkdə davam edəcək. Qulaq və burun sümükləri möhkəmlənir. Körpənin başında saçların uzunluğu 0,5-4 sm-ə qədər çatır. Onun orqanizmində ağciyərlərin tam vasitəçisi olan kartizon hormonları inkişaf edir.
Dərisi demək olar ki, tamam hamarlanıb, bədənində olan qırışlar itib. Doğuş zamanı ilk uşağın bütün bədənini örtən maye isə yalnız dərinin qırışları arasında qala bilər. Körpə uzun dırnaqları ilə ana bətnində özünü cızaraq zədələyə bilər. Körpənin bütün orqanizmi işə hazırdır, ilk qara rəngli nəcisi bağırsaqlarında yığılıb. Kəllə sümüyü tam bərkiməyib, iki əmgəyi yalnız doğuşdan bir neçə ay sonra bağlanacaq.
Körpənin orqanizmində daha çox böyrək, böyrəküstü vəzilər inkişaf edir, onların həcmi get-gedə artır. Buna görə də uşağın orqanizmi xüsusi hormonlar istehsal edir ki, körpə doğuş zamanı həddindən artıq stress keçirməsin.
Ana
Uşaqlıq hal-hazırda ən maksimal ölçüdədir, onun çəkisi 1 kq, həcmi 4-5 l təşkil edir. Uşaqlığın göbəyi ilə məsafəsi 16-17 sm, qasıq simfizindən 37 sm yerləşir. Yaxın 37-ci həftədə hamiləliyin doğuş əlamətləri yarana bilər: çıxış yollarının selikli çıxması (sarımtıl rəngli, çəhrayı çalarlı) cinsiyyət yollarından yüngül qanaxmalar, qarnın sallanması (əgər körpə başı aşağı vəziyətdədirsə, onun başı çanaq nahiyəsinə düşür). Adətən qarın düşməsi doğuşa 2-3 həftə qalmış başlayır.
Sidik kisəsinə təzyiq artır, ona görə də siz tez-tez yüngül işə gedirsiniz, amma sizə nəfəs almaq asan olur. Qadının ayaqlarında və belində hədsiz ağrılar hiss edə bilər, qarnın gündə bir neçə dəfə sərtləşməsi baş verə bilər.
Cift öz funksiyasını bütün hamiləlik dövründə vicdanla yerinə yetirib, körpənin inkişafında funksiyasını başa vurub qocalmağa başlayır.
Əgər siz hələ də doğum evi üçün əşyalarınızı toplamayıbsınızsa, bununla məşğul olmaq vaxtıdır. Bu andan etibarən istənilən vaxt sizdə doğuş baş verə bilər. Əgər siz əkizlər gözləyirsinizsə, çox güman ki, sizdə doğuş 37-ci həftədə başlayacaq.
Bu mərhələdə həkim sizdə suyunuzun gəlib-gəlmədiyini, uşaqlıq yolunun nə qədər yumşaq və nazik olduğunu yoxlayacaq.
Həmçinin həkim nə qədər açılış olduğunu, uşaqlıq yolunun açılması dərəcəsini izləyəcək. Uşaqlığın tam açılışı doğuş zamanı baş verir və o, 10 sm açılır. Doğuşa qədər isə o ya tam bağlıdır və ya 1 sm açılmışdır. Doğuş prosesində uşaqlıq o qədər nazikləşir və yumşalır ki, bu, körpənin uşaqlıq yolu ilə rahar hərəkətini təmin edir. Bəzən uşaqlığın açılma dərəcəsi barmaqlarla müəyyən edilir: açılış üçün 4 barmaq 4 sm-dir.
Həkim körpənin hansı vəziyyətdə dayandığını və sizin çanağınızın əhatəsini təyin edəcək.
Əziz qadınlar, özünüzü qorxuya salmayın, doğuş təbii prosesdir, bu, məsuliyyətli işdir. Ən əsası isə indi daha çox nikbin olub müsbət fikirləşməlisiniz. Ağrı barədə düşünmək lazım deyil. Siz öz oğlunuzu və ya qızınızı qucağınıza alacağınız gün haqqında fikirləşin.
Hamiləliyin son günlərindən həzz alın, hər bir hərəkətini yadda saxlayın, doğuşdan sonra bunlar üçün çox darıxacaqsınız.
XƏBƏR LENTİ
- ŞƏRHLƏR